ئانار، ئىنتايىن چىرايلىق ھەم تەملىك بىر خىل مىۋە بولۇپ، مىۋە ئېتى خۇددى ھېقىققا ئوخشاش قىزىل، تەمى تاتلىق؛ ئانار يەپ باققان كىشىلەرنىڭ ھەممىسى بىلىدۇ، بۇ خىل مىۋىنىڭ پوستىنى ئاجرىتىش تەس بولۇپلا قالماي، ئۇرۇغىمۇ ئىنتايىن كۆپ. بىراق، بەزىلەرنىڭ دىيىشىچە، ئانار تەركىبىدىكى ئۇزۇقلۇقنىڭ ھەممىسى ئۇرۇغىغا يېغىلغان بولغاچقا، ئۇلار ئانار يىگەندە ئەزەلدىن ئۇرۇغىنى تۈكۈرمەي قوشۇپ بىللە يەيدىكەن.

   ئانارنىڭ ئۇرۇغى تەركىبىدە، ئانار ئۇرۇغى پولىفىنولى دەپ ئاتىلىدىغان بىر خىل ئۇزۇقلۇق ماددا بار؛ بۇ خىل ماددا، كۈچلۈك بولغان بىر خىل ئوكسىدلىنىشقا قارشى تۇرغۇچى ماددا بولۇپ، بوغۇملارنىڭ ئىلاستىكىلىقى ۋە تىرىنىڭ ئىلاستىكىلىقىنى ياخشىلاشقا، قان تومۇرلارنى كۈچەيتىشكە پايدىلىق. جۇڭيى تىبابىتىدە كۆرسىتىلىشىچە، ئانارنى ئۇرۇغى بىلەن قوشۇپ يىگەندە، ئېغىز تىللىرىغا يارا چىقىپ قېلىشنى ۋە ئېغىز بوشلۇقى يارىسىنى داۋالاشقا پايدىلىق بولۇش بىلەن بىرگە، ئاشقازاندىكى يېغىلىپ قالغان يىمەكلىك ماددىلارنى ھەزىم قىلىش ئۈنۈمىگە ئىرىشكىلى بولىدۇ. ئۇنداقتا، ئانار يىگەندە ئۇرۇغىنى تۈكۈرۋىتىش كېرەكمۇ ياكى قوشۇپ بىللە يەۋىتىش كېرەكمۇ؟ ئانار ئۇرۇغىنى قانداق يىگەندە تېخىمۇ پايدىلىق بولىدۇ؟

   ئەڭ ياخشىسى، ئانار ئۇرۇغىنى چايناپ ئىزىۋەتكەندىن كىيىن ئاندىن يۇتۇش كېرەك. بۇ خىل ئۇسۇلدا، تەم جەھەتتە گەرچە ئىتتىك كۆنۈپ كەتكىلى بولمىسىمۇ، ئەمما ئاشقازان-ئۈچەي ئىقتىدارى ياخشى كىشىلەرگە بىرقەدەر ماس كىلىدۇ. ئاشقازان ئۈچەي ئىقتىدارى تازا ياخشى بولمىغان كىشىلەر بولسا، ئۇرۇغى بىلەن قوشۇپ ئېغىزىدا بىردەم چايناپ ئەزگەندىن كىيىن، قايتىدىن تۈكۈرۈپ چىقىرۋىتىش كېرەك؛ بۇنىڭدا، تەركىبىدىكى ئۇزۇقلۇقنى سۈمۈرۈش بىلەن بىرگە، ئاشقازان ئۈچەيگە بېسىم چۈشۈپ قالمايدۇ. بىراق، كىچىك بالىلار ۋە ئاشقازان-ئۈچەي ئىقتىدارى ناچار كىشىلەرگە نىسبەتەن، ئۇلار ئانار ئۇرۇغىنى ئاسانلىقچە ھەزىم قىلالمايدىغان بولغاچقا، ئەڭ ياخشىسى تۈكۈرۋىتىشى كېرەك.

   ئەڭ ياخشى ئۇسۇل بولسا، ئانارنى ئۇۋاپ، مىۋە سىقىش ماشىنىسىدا سىقىپ شەربەت قىلىپ ئىچسەك، بەدەنگە سۈمۈرۈلۈشى تېخىمۇ ئاسان بولىدۇ ھەمدە ئۇرۇغىنى تۈكۈرۋىتىش ياكى تۈكۈرۋەتمەسلىك مەسىلىسىدە باش قاتۇرمىساقمۇ بولىدۇ.