تۇرمۇش يىتەكچىسى

يېڭى ساقلاش سۇلياۋ پەردىسىدىن تولۇق پايدىلىنىڭ. تاماق ۋە باشقا يېمەكلىكلەرنى قىزىتماقچى بولغاندا، يېڭى ساقلاش سۇلياۋسىدىن ئەپچىل پايدىلىنىپ، ئۇنىڭ بىلەن قىزىتماقچى بولغان يېمەكلىكلەرنى ئوبدان ئوراڭ. بۇنداق قىلغاندا يېمەكلىك تەركىبىدىكى سۇنىڭ پارغا ئايلىنىپ كېتىشىدىن ساقلىنىپ، يېمەكلىكنىڭ يېڭىلىقىغا كاپالەتلىك قىلغىلى بولۇپلا قالماستىن، تاماق قىزىتىش ۋاقتىنى زور دەرىجىدە ئازايتىپ، توك تېجەش مەقسىتىگىمۇ يەتكىلى بولىدۇ.

توڭلىتىلغان يېمەكلىكلەرنى مىكرو دولقۇنلۇق ئوچاققا سېلىشتىن بۇرۇن ئېرىتىۋېلىڭ. مىكرو دولقۇنلۇق ئوچاقنى قوزغىتىش ۋە توختىتىش قېتىم سانىنى ئازايتىش ئۈچۈن، ئىسسىتماقچى بولغان يېمەكلىكنى توڭلاتقۇنىڭ توڭلىتىش ساندۇقىدىن سوغۇق ساقلاش ساندۇقىغا يۆتكەپ، ئاستا – ئاستا ئېرىتىۋېلىش ئەقىلگە مۇۋاپىق.

 نىسبەتەن قۇرغاق يېمەكلىكلەرنى ئىسسىتماقچى بولغاندا، ئۇنىڭ ئۈستىگە بىر قەۋەت تەكشى سۇ پۈركەڭ، بۇنداق قىلغاندا ئىسسىتىش سۈرئىتىنى تېزلىتىپ، توك سەرپىياتىنى ئازايتىشقا كاپالەتلىك قىلغىلى بولىدۇ.

 بىر قېتىمدا ئىسسىتماقچى بولغان يېمەكلىكنىڭ مىقدارى ئەڭ ياخشىسى 500 گرامدىن ئېشىپ كەتمەسلىكى كېرەك. ناۋادا ئىسسىتىىدىغان يېمەكلىك كۆپ بولسا توغرا كەلسە، بىرنەچچە قېتىمغا بۆلۈپ ئىسسىتىش لازىم. ئارىلىقتا مىكرو دولقۇنلۇق ئوچاقنى دەم ئالدۇرۇشنىڭ ھاجىتى يوق، ئامال بار «كۈچلۈك ئوت» تا ئىسسىتىڭ.

مىكرو دولقۇنلۇق ئوچاق قوزغىتىلغان چاغدا توك كۆپ كېتىدۇ، شۇڭا يېمەكلىكلەرنى ئىسسىتىش داۋامىدا ۋاقىتنى ئىگىلەشكە ماھىر بولۇپ، ئوچاقنى قوزغاش ۋە توختىتىش قېتىم سانىنى ئازايتىش، ئەڭ ياخشىسى بىر قېتىمدىلا مەقسەتكە يېتىش كېرەك.