تۇرمۇش يىتەكچىسى

   ھەممىمىزگە مەلۇملۇقكى، يۇقىرى سۈپەتلىك بىر ئاشخانىغا نىسبەتەن ئاشخانا سايمانلىرىنى تاللاش ئەڭ مۇھىم؛ كۆڭۈلدىكىدەك ئاشخانا سايمانلىرى بولمىسا، تەملىك تاماق تەييارلاشمۇ تەسكە توختايدۇ.

   ئاشخانا سايمانلىرىنى تاللاش ناھايىتى مۇھىم، چۈنكى بۇ بىر ئائىلە كىشىلىرىنىڭ سالامەتلىكىگە مۇناسىۋەتلىك چوڭ ئىش. بۇندىن باشقا يەنە قانداق ماتىريالدىكى ئاشخانا سايمانلىرى ساغلاملىققا زىيىنى يوق ھەم ئاسان بۇزۇلمايدۇ، قايسى خىلدىكى ئاشخانا سايمانلىرى ئىشلىتىشكە ئەپلىك دىگەندەك بىر قاتار مەسلىلەر بىز ئاشخانا سايمانلىرى سېتىۋالغاندا دۇچ كىلىدىغان مەسىلىلەردۇر.

قازان تاللاش

    قازان--- تاماق تەييارلاشتىكى ئەڭ مۇھىم بولغان ئاشخانا سايمىنىدۇر. ئۇنداقتا قانداق قازان تاللاپ سېتىۋالغاندا، ئاسان بۇزۇلۇپ قالمايدۇ ھەم قىلغان تاماقلىرىمىز تەملىك بولىدۇ؟

    1. ماتىريال جەھەتتە، ئەگەر سىزنىڭ تاماق ئىتىش تېخنىكىڭىز يۇقىرى بولسا، يەنىلا تۆمۈر قازان ئىشلەتكىنىڭىز ياخشى؛ چۈنكى بۇنىڭدا گەرچە سۈرئەت ئاستا بولسىمۇ، ئەمما سىزنىڭ تېخنىكىڭىزغا ئاساسەن، تېتىملىق تاماق تەييار قىلىشىڭىزغا ياردىمى بولىدۇ.

    2. قورۇما قورۇشتا چوقۇم چاپلاشماس قازان تاللىشىڭىز كىرەك؛ بۇنىڭدا ماي بۇسى ئاز بولۇپلا قالماي، يەنە قازان تىگىگە چاپلىشىپ قالىدىغان ئەھۋاللار بولمايدۇ، قازانغا كەلگەن ئىسسىلىقنىڭ تەكشى بولۇشىغا كاپالەتلىك قىلىدۇ.

    3. يىمەكلىك دۈملەش ئۈچۈن ئىشلىتىلىدىغان قازان تاللىغىنىڭىزدا، ماتىريالغا ئەھمىيەت بىرىپلا قالماي، يەنە قازاننىڭ قېلىنلىقىغىمۇ ئەھمىيەت بىرىشىڭىز لازىم؛ بۇنىڭدا ئۇزۇقلۇق ماددىلىرىنىڭ خوراپ كىتىشىنىڭ ئالدىنى ئېلىشقا بولىدۇ. ئادەتتە يىمەكلىكلەرنى دۈملىگەندە، ۋاقىت ئۇزۇن كىتىدىغان بولغانلىقتىن، بۇ خىلدىكى مۇھىت ئاسرايدىغان قازانلار ئەڭ مۇۋاپىق كىلىدۇ.

چەيدو-پىچاق تاللاش

    ھازىرقى زاماندىكى ئاشخانىلاردا بىرلا چەيدۇ ياكى قىڭراق بولسا، ھاجىتىڭىزدىن چىقالمايدۇ. ئەگەر ئۇستاملارچە ئىقتىدارىڭىزنى تۇلۇق نامايان قىلاي دىسىڭىز، بىر يۈرۈش ئىشلىتىشكە ئەپلىك چەيدۇ-پىچاقلار كىرەك بولىدۇ.

     1. بىسى ئىتتىك چىدامچان بولۇش؛ يىمەكلىك دەرىجىسىدىكى ماتىريالدىن ياسالغان بولۇش، چۈنكى ساغلاملىق ھەممىدىن مۇھىم.

    2. ئىشلىتىشكە ئەپلىك بولۇشىغا ئەھمىيەت بىرىش لازىم؛ تاللىغان چەيدو-پىچاقلىرىمىز تۇتۇشقا ئەپلىك، ئىشلەتكەندە ئادەمنى بىئارام قىلمايدىغان بولۇشى كىرەك.

    3. ئوخشىمىغان يىمەكلىكلەرگە قارىتا ئوخشىمىغان چەيدو-پىچاق تاللىساق، ئۈنۈمنى يۇقىرى كۆتۈرگىلى ھەم قولىمىزغا زەخمە يەتكۈزۈشتىن ساقلانغىلى بولىدۇ.

دوخوپكا تاللاش

    كىشىلەرنىڭ يۇقىرى سەۋيىدىكى تۇرمۇشقا ئىنتىلىشىگە ئەگىشىپ، دوخوپكا بىر خىل ياردەمچى پىشۇرۇش سايمىنى بولۇش سۈپىتى بىلەن، بارغانسىرى تېخىمۇ كۆپ ئىستىمالچىلارنىڭ ياخشى كۆرۈشىگە ئىرىشمەكتە.

    1. ئالدى بىلەن سىغىمىغا قاراش؛ ئادەتتە ئۆيدە ئىشلىتىلىدىغان دوخوپكىلارنىڭ سىغىمى 10لىتىر ئەتراپىدا بولسىلا، ئېھتىياجنى قامدىيالايدۇ.

    2. تىمپىراتۇرىنى ئىنىقلىق دەرىجىسى يۇقىرى ھالەتتە كونتىرول قىلالايدىغان بولۇشى، تىمپىراتۇرىنىڭ مۇقىم بولىشىغا ۋە يىمەكلىكنىڭ ھەر تەرەپلەردىن ئىسسىقلىق قوبۇل قىلىشنىڭ تەكشى بولىشىغا كاپالەتلىك قىلالايدىغان بولۇشى كىرەك.

    3. ئاخىرىدا دوخوپكىنىڭ ئىچكى قىسمىغا قاراش؛ دوخوپكىنىڭ ئىچكى قىسمى ماتىريالى يىمەكلىك دەرىجىسىدە بولۇشى، سۇۋالغان بولماسلىقى، ساغلام بىخەتەر بولۇشى كىرەك.