ئۇچرىشىش، ئادەتتە ئاشىق-مەشۇقلار ئوتتۇرسىدا كۆرلىدىغان بىر ئىش؛ ئەمما ئامىرىكىلىق بىر ئايال بۇنىڭغا خۇمار بولۇپ قالغان. بۇ يىل 31 ياشقا كىرگەن ناتالىيە.ۋىنىستىن سان-فىرانسىسكو شەھرىدىن بولۇپ، ھازىرغا كەلگۈچىلىك، ئۇ 100دىن ئارتۇق ئەر بىلەن ئۇچرىشىشقا چىقىپ باققان.

    ناتالىيەنىڭ دىيىشىچە، ئۇ ھەر ھەپتىسىگە ئاز دىگەندە ئىككى ئادەم بىلەن ئۇچرىشىشقا چىقىدىغان بولۇپ، ھازىرغا كەلگۈچە ئۇ بىللە ئۇچرىشىشقا چىققان ئادەملەرنىڭ سانى 100دىن ئېشىپ كەتكەن. ئۇنىڭ دىيىشىچە ئۇ پەقەت ئۇچرىشىشقا چىقىشنى ياخشى كۆرىدىغان بولۇپ، بۇ ئۇنىڭغا ناھايىتى قىزىقارلىق بىلىنىدىكەن. ئۇ ئادەتتە ھەر قېتىمدا  قارشى تەرەپتىن 100 ئامىرىكا دوللىرى(تەخمىنەن 675يۈەن خەلق پۇلىغا تەڭ) ھەق ئالىدىغان بولۇپ، بەزىدە ئازراق ياكى كۆپرەك بولىدىغان ئەھۋاللارمۇ بولۇپ قالىدىكەن. ھازىرغا كەلگۈچە، ئۇ بۇ ئارقىلىق ئون مىڭ دوللاردىن ئارتۇق پۇل تاپقان.

    ناتالىيەنىڭ كەسپى تۆمۈر خادا ئۇسۇلى ئويناش بولۇپ، ئۇ بۇ كەسىپ بىلەن شۇغۇللىنىۋاتقىلى 9يىل بولغان، ھازىر ئۆزىنىڭ ئايرىم خىزمەت ئىشخانىسى بار ئىكەن. ئۇنىڭ بىلدۈرۈشىچە، ئۇ توردا بەزىبىر نىكاھلىق ئەرلەر بىلەن ئۇچرىشىشقا چىقىشقا كىلىشىدىكەن، ئەمما ئەزەلدىن تاماق يىيىشتىن باشقا ھېچقانداق باشقا مەخپىيەتلىك يوق ئىكەن، شۇنداقلا ئەزەلدىن تاماق يىيىشتىن باشقا ھېچقانداق ئىش بولۇپ باقمىغان ئىكەن.

    بەزى كىشىلەرگە نىسبەتەن، ھەق تۆلەپ دوستلىشىشقا قارىتا تالاش-تارتىش مەۋجۇت. ئەمما ناتالىيە بولسا، ئەرلەر ھەق تۆلەش ئارقىلىق ئاياللارغا ھۆرمەت بىلدۈرۈشى كىرەك دەپ قارايدىكەن؛ چۈنكى ئاياللار، ئۆزىنىڭ سىرتقى كۆرۈنىشى جەھەتتە ۋاقىت سەرپ قىلىدىكەن ۋە چىقىم قىلىدىكەن.