بەزى ئانىلار، گۆشىنى ئاسان ھەزىم بولمايدۇ دەپ قاراپ، بوۋىقى سۈتتىن باشقا يىمەكلىكلەرنى يىيەلىگۈدەك بولغان تەقدىردىمۇ، ئۇلارغا يەنە ۋاقتىنچە گۆش يىگۈزمەيدۇ.
    ئەمىلىيەتتە، بۇ خىل قاراش توغرا ئەمەس.

    بوۋاقلار تۇغۇلۇپ 6-4ئايلىق بولغاندىن كىيىن، ئۇلارغا مۇۋاپىق تۈردە باشقا يىمەكلىكلەرنى قوشۇمچە يىگۈزۈپ قويۇشقا بولىدۇ؛ مۇشۇ ۋاقىتتىن باشلاپ، بوۋاققا مۇۋاپىق تۈردە گۆش يىگۈزۈشنىمۇ باشلاش لازىم، بۇ ئىنتايىن مۇھىم.
    قوي، كالا گۆشلىرى تەركىبىدە قىزىل قان تۆمۈر ماددىسى ئىنتايىن مول بولۇپ، بۇ بوۋاقلارغا تۆمۈر ماددىسى تۇلۇقلاشتىكى مۇھىم كىلىش مەنبەسىدۇر.
   ئەگەر بالىلارغا قىزىل گۆش تۈرىدىكى يىمەكلىكلەرنى يىگۈزۈش بەك كىيىن بولۇپ باشلىنىپ قالسا، ئاسانلا بوۋاق بەدىنىگە تۆمۈر ماددىسى يىتىشمەسلىكنى كەلتۈرۈپ چىقىرىپ، ئېغىرراق بولغاندا ھەتتا تۆمۈر يىتىشمەسلىكتىن كىلىپ چىققان قان ئازلىق كىسىلى پەيدا قىلىدۇ ھەمدە ئۆسۈپ-يىتىلىشكە تەسىر كۆرسىتىدۇ.
    شۇنىڭ ئۈچۈن، بالىلارغا سۈتتىن باشقا يىمەكلىكلەرنى قوشۇمچە يىگۈزۈشنى باشلىغان ھامان، ئۇلارغا گۆش تۈرىدىكى يىمەكلىكلەرنىمۇ مۇۋاپىق تۈردە يىگۈزۈشنى باشلاپ، ئۇزۇقلۇقنىڭ تەڭپۇڭ بولىشىغا كاپالەتلىك قىلماق لازىم.
    ئەگەر بوۋاقنىڭ يۇتالماي قېلىشىدىن ئەنسىرسەك، چايناپ بەرسەك، ياكى گۆشنى ئىزىپ سوقما قىلىپ، كىراخماللىق يىمەكلىكلەر بىلەن قوشۇپ يىگۈزسەك بولىدۇ.