تۇرمۇشتا نۇرغۇن كىشىلەردە، يېشىنىڭ ئېشىشىغا ئەگىشىپ ئەستە ساقلاش ئىقتىدارى تۆۋەنلەپ كېتىدىغان ئەھۋاللار كۆرىلىدۇ. بۇ سەۋەبلىك تۆۋەندە، ئادەمنىڭ ئەستە ساقلاش ئىقتىدارىنى ئاشۇرىدىغان نەچچە تۈرلۈك يېمەكلىكنى تونۇشتۇرۇپ ئۆتىمىز.
تۇخۇم
   تەجرىبىلەردە ئىسپاتلىنىشىچە، تۇخۇم سېرىقى تەركىبىدىكى لېتسىتىن ئېنىزىملار تەرىپىدىن پارچىلانغاندىن كېيىن، مول مىقداردا ئاتسېتىل خولىن ھاسىل قىلىپ ۋە قان سۇيۇقلۇقى ئارقىلىق ناھايىتى تېزلا مېڭە ئورگانىزىملىرىغا يىتىپ بېرىپ، ئادەمنىڭ ئەستە ساقلاش ئىقتىدارىنى ئاشۇرىدۇ.
كالا سۈتى
   كالا سۈتى، مۇكەممەللىككە ئەڭ يېقىنلاشقان بىر خىل ئۇزۇقلۇق ماددا. ئۇنىڭ تەركىبىدىكى ئاقسىل بىلەن كالتسىي ئىنتايىن مول، بولۇپمۇ چوڭ مېڭىگە زۆرۈر بولغان ئامىنو كىسلاتالىرى، كالا سۈتى تەركىبىدە ئاساسەن ھەممىسى بار. بۇندىن باشقا، كالا سۈتى تەركىبىدە، يەنە نىرىپ ھۈجەيرىلىرىگە ئىنتايىن پايدىلىق بولغان ۋىتامىنلارمۇ بار.

دادۇر
   دادۇرنىڭ لېتسىتىن تەركىبى ۋە ئاقسىل تەركىبى مول بولۇپ، ھەر كۈنى مۇۋاپىق تۈردە ئىستېمال قىلىپ بەرگەندە، ئەستە ساقلاش ئىقتىدارى ناچار كىشىلەرگە قارىتا ياخشىلاش رولىنى ئوينايدۇ.
بېلىق تۈرى
   بېلىق تۈرىدىكى يېمەكلىكلەر، مېڭىگە ئەلا سۈپەتلىك ئاقسىل ۋە كالتسىي يەتكۈزۈپ بىرەلەيدۇ. تاتلىق سۇ بېلىقى ياكى دېڭىز بېلىقى تەركىبىدىكى ياغلار كۆپىنچە تويۇنمىغان ياغلار بولۇپ، قان تومۇر ۋە چوڭ مېڭىگە قارىتا قوغداش رولىنى ئوينايدۇ.