ئادەم بەدىنى تەڭپۇڭلۇققا مۇھتاج بولۇپ، بوۋاق مەزگىلىدىن قېرىغۇچە بولغان ئارىلىقتا، ھەر ۋاقىت ھەرىكەتلىك تەڭپۇڭلۇق ئىچىدە تۇرىدۇ.
   كىلىنكىدا، ياشانغانلار ياكى يۈرەك قان تومۇر كېسەللىكلىرى بىمارلىرىنىڭ بەدىنىنىڭ تەڭپۇڭلۇقى نىسبەتەن ئاجىز بولۇپ، بىرەر قېتىم غىدىقلىنىشقا ئۇچرىساق ياكى سەللا دىققەت قىلماي قالساق، ياخشى بولمىغان ئاقىۋەتلەرنى ئېلىپ كېلىدۇ؛ لېكىن، كۈچلۈك بولغان ئىممونىت سىستېمىسى، بۇ خىل تەڭپۇڭلۇقنى ساقلاشتا ھەل قىلغۇچ رول ئوينايدۇ.

ئىلمى ئۇسۇلدا ھەرىكەتلىنىش
   ھەمىشە ھەرىكەت قىلىپ چېنىقىدىغان كىشىلەرنىڭ يۈرەك ۋە ئۆپكە ئىقتىدارى تېخىمۇ كۈچلۈك بولۇپ، ئوكسىگېندىن پايدىلىنىشىمۇ ياخشى. ھەر كۈنى 30 مىنۇت ئەتراپىدا ئوتتۇرا ھال قاتتىقلىقتىكى ئوكسىگېنلىق ھەرىكەت ئىشلەپ بەرسەك، بىزنىڭ ئىممونىت كۈچىمىزنى كۈچەيتىپ، كېسەلگە قارشى تۇرۇش كۈچىمىزنى ئاشۇرىدۇ.
ئۇزۇقلۇق تەڭپۇڭ بولۇش
   ئىمكان بار ئۇزۇقلۇق تەڭپۇڭ بولۇشنى ئەمەلگە ئاشۇرۇش كېرەك. گۆشلۈك تائاملار بىلەن مېۋە-كۆكتاتلارنى ئارىلاشتۇرۇپ ئىستىمال قىلىپ، ھەر ۋاخ تاماقنى 8-7ئۈلۈش تويۇنۇپ يىيىش.
ھاراق تاماكا تاشلاش
   ھاراق ئىچىش بىلەن تاماكا چىكىش، بەدەندە ئاستا خاراكتېرلىك تۆۋەن دەرىجىلىك ياللۇغ پەيدا قىلىدۇ؛ بۇ خىل ياللۇغ ئۇزۇن مەزگىل داۋاملاشسا، ئىممونىت سىستېمىسىنى زەربىگە ئۇچرىتىپ، ئاخىرىدا يۇقىرى قان بېسىمى، دىئابىت كېسىلى قاتارلىقلارنى كەلتۈرۈپ چىقىرىدۇ.

ئارام ئېلىش قانۇنىيەتلىك بولۇش
   بىئولوگىيەلىك سائەت قالايمىقان بولسا، ئىممونت سىستېمىسىغا تەسىر يەتكۈزىدۇ.
   مەسىلەن، ھەمىشە كېچىسى ئۇخلىمايدىغان ئادەمنىڭ ئېغىزلىرىغا بىر نەرسىلەر چىقىپ كېتىدۇ، بۇ دەل ئىممونىت كۈچىنىڭ تۆۋەنلىگەنلىكىدىن بولىدۇ.
روھى كەيپىياتنى ياخشى ساقلاش
   ئۇزۇن مۇددەت ناچار كەيپىيات ھالىتى ۋە بېسىم ئاستىدا تۇرساق، بىزنىڭ ئىممونت كۈچىمىزگە زىيان يېتىدۇ.