ياخشىمۇسىز ، ئاشپەز تور بېكىتى سىزنى قارشى ئالىدۇ
نۆۋەتتىكى ئورنىڭىز : 首页 » ساغلاملىق يىتەكچىسى » تۇرمۇش مەسلىھەتچىسى
توڭلىتىلغان جۇۋاۋىنى چىقىرىۋەتمەي پىشۇرۇشقا تاكتىكا كېتىدۇ
مەنبەسى : ئاشپەز تورى يوللىغۇچى : تەمزاتبەگ ۋاقتى : 2020-01-10 كۆرۈلىشى : قېتىم
   ئۆيىمىزدە جۇۋاۋا تۈگۈپ يېيىش، ئىنتايىن راھەت بىر ئىش؛ ئۇنىڭ ئۈستىگە، كۆپ قىسىم ئائىلىلەردە جۇۋاۋىنى بىر قېتىمدا كۆپرەك تۈگۈپ، توڭلاتقۇغا سېلىپ توڭلىتىپ ساقلاپ ئىستېمال قىلىدۇ. لېكىن، كۆپ قىسىم كىشىلەر توڭلاتقان جۇۋاۋىنى ياخشى پىشۇرالمىغاچقا، پىشۇرۇش جەريانىدا جىلىتى ئېتىلىپ قىيمىلىرى چىقىپ كېتىدۇ.
   ئۇنداقتا، توڭلاتقان جۇۋاۋىنى ساق پىشۇرغىلى بولماسلىق زادى نېمە سەۋەبتىن بولىدۇ؟ ئەمەلىيەتتە، بۇ سىزنىڭ پىشۇرۇش ئۇسۇلىڭىزنىڭ خاتا بولۇپ قالغانلىقىدىن بولىدۇ. جۇۋاۋىنى توڭلاتماق ئاسان، ئەمما پىشۇرماق تەس؛ نۇرغۇن كىشىلەر توڭلىغان جۇۋاۋىنى پىشۇرغاندا، ياكى قازانغا ياكى ئۆز-ئارا چاپلاشتۇرۇپ قويىدۇ، ۋە ياكى قىيمىسىنى چىقىرىۋىتىپ، ئىشتىھاسىغا تەسىر يەتكۈزىۋالىدۇ. تۆۋەندە كۆپچىلىكنىڭ دىققىتىگە، توڭلىتىلغان جۇۋاۋا پىشۇرۇشتىكى بىر خىل تاكتىكىنى تونۇشتۇرۇپ ئۆتىمىز.
   ئالدى بىلەن توڭلىغان جۇۋاۋىنى ئېلىپ ئىرتىمىز. بىر داسقا سوغۇق سۇ ئېلىپ، جۇۋاۋىنى تەخمىنەن ئىككى مىنۇت ئەتراپىدا چىلاپ قويساق بولىدۇ. بۇ جەرياندا، جۇۋاۋا تەدرىجى ھالدا  ئىرىش بىلەن بىرگە، توڭلىتىش جەريانىدا يوقاتقان سۇ تەركىبىنى تولۇقلاپ، قازانغا سېلىپ پىشۇرغان ۋاقىتتا، جىلىتى يىرتىلىپ قىيمىسى چىقىپ كەتمەيدۇ.
   كەينىدىن پىشۇرۇشنى باشلايمىز. ئادەتتە يېڭى تەييارلىغان جۇۋاۋىنى پىشۇرغاندا، ئادەتتە قازاندىكى سۇ قاينىغاندىن كېيىن ئاندىن جۇۋاۋىنى سېلىپ پىشۇرىمىز؛ لېكىن توڭلىتىلغان جۇۋاۋىنى ئۇنداق قىلىشقا بولمايدۇ. توڭلىتىلغان جۇۋاۋىنى پىشۇرۇشتا، ئاۋۋال قازانغا سۇ قۇيۇپ ئوتنى يېقىپ، قازاندىكى سۇنىڭ تىمپىراتۇرىسى 40گىرادوس ئەتراپىغا يەتكەندە، ئاندىن قازاندىكى سۇغا ئازراق تۇز سېلىۋەتكەندىن كېيىن، جۇۋاۋىنى سېلىپ پىشۇرساق، جۇۋاۋا ئاسانلىقچە يىرتىلىپ كەتمەيدۇ. پىشۇرۇش جەريانىدا، جۇۋاۋىنى چۆمۈچتە يىنىك ئىتتىرىپ، بىر-بىرىدىن ئاجرىتىمىز.
   بۇ ئۇسۇل بويىچە پىشۇرسىڭىز، توڭلىتىلغان جۇۋاۋا، يېڭى تەييارلىغان جۇۋاۋىدەك پىشىپ چىقىدۇ، ئىشەنمىسىڭىز سىناپ بېقىڭ!

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر i ئىشخانا 乌鲁木齐市天山区胜利路355号

Copyright (c)2009-2020 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号