قىشنىڭ سۇغۇق كۈنىدە، كالا پەش گۆشى دۈملىمىسى تېخىمۇ تېتىيدۇ

مەنبەسى : ئاشپەز تورى يوللىغۇچى : تەمزاتبەگ ۋاقتى : 2019-11-16 كۆرۈلىشى : قېتىم

كەچ كۈزنىڭ ئاخىرلىشىشىغا ئەگىشىپ، زىمىستان قىش كۈنلىرى يېتىپ كىلىش ئالدىدا تۇرماقتا؛ ھازىر ھاۋا بارغانسېرى سۇۋۇپ كېتىۋاتقان بولۇپ، بۈگۈنكىدەك كۈندە كىيىمنى قېلىن كىيىپ بەدەننى ئىسسىق ساقلاشقا دىققەت قىلغاندىن باشقا، ئىسسىق باسىدىغان تائاملارنى كۆپرەك يىيىشنىمۇ ئۇنتۇپ قالماسلىق كېرەك.
بۈگۈن كۆپچىلىككە تۇنۇشتۇرماقچى بولغان تائام، تۇرۇپ بىلەن ئارىلاشتۇرۇپ تەييارلانغان كالا پەش گۆشى دۈملىمىسى بولۇپ، يەپ بولغۇچە تەر چىقىرىپ، پۈتۈن بەدىنىڭىزنى ئىللىتىۋىتىدۇ.

كىتەرلىك ماتېرىيال: كالا پەش گۆشى، ئاق تۇرۇپ
كىتەرلىك خۇرۇچلار: ئاق ئاچچىقسۇ، لاۋچوۋ جىياڭيۇسى، شىڭچۇۋ جىياڭيۇسى، شېكەر، تۇز، قاقمۇچ، شاكال بەدىيان، قوۋزاق دارچىن، سامساق، زەنجىۋىل، غولپىياز مايسىسى، يۇمغاقسۈت

-1-

كالا پەش گۆشىنى مۇۋاپىق چوڭ-كىچىكلىكتە توغراپ، ئازراق زەنجىۋىل بىلەن بىللە قاينىغان قازانغا سېلىپ ئىككى مىنۇت قايناتقاندىن كېيىن، سۈزۈپ ئېلىپ سۇغۇق سۇدىن ئۆتكۈزىمىز؛ ئاق تۇرۇپنى ئاقلاپ يۇيۇپ، پارچە ھالىتىدە توغرىغاندىن كېيىن، قايناۋاتقان سۇغا بىر قوشۇق ئاق ئاچچىقسۇ قۇيۇۋىتىپ، تۇرۇپنى سېلىپ بەش مىنۇت قاينىتىپ پىشۇرىمىز.

-2-

قازانغا ماي قۇيۇپ، سامساق ۋە قاقمۇچنى سېلىپ تەم چىقىرىمىز؛ كەينىدىن كالا گۆشىنى سېلىپ، ئۈستىگە ئىككى قوشۇق شىڭچوۋ جىياڭيۇسى، بىر قوشۇق لاۋچوۋ جىياڭيۇسى قوشۇپ قورۇيمىز؛ گۆش قورۇلۇپ سارغايغاندىن كېيىن، قازانغا كالا گۆشى چۆكۈشكىچىلىك سۇ قۇيىمىز.

-3-

قازانغا، شاكال بەدىيان ۋە قوۋزاق دارچىندىن مۇۋاپىق مىقداردا، بىر قوشۇق تۇز، يېرىم قوشۇق شېكەر قوشۇپ، چوڭ ئوتتا قازاننى قايناتقاندىن كېيىن، تۇۋاقنى يېپىپ 30مىنۇت دۈملەپ پىشۇرىمىز؛ ئاخىرىدا ئاق تۇرۇپنى سېلىپ، چوڭ ئوتتا قازاننى قايناتقاندىن كېيىن، ئوتنى يەنە كىچىك ئوتقا ئالماشتۇرۇپ، يەنە 15مىنۇت دۈملەپ پىشۇرىمىز؛ ۋاقىت توشقاندىن كېيىن، ئۈستىگە توغرالغان يۇمغاقسۈتتىن ئازراق قوشۇۋەتسەكلا، بۈگۈنكى كالا پەش گۆشى دۈملىمىسى تەييار بولغان بولىدۇ.

پەش گۆش، كالىنىڭ ئەڭ جەۋھەر قىسىمى بولۇپ، گەرچە يىيىشلىك بولسىمۇ، ئەمما ئادەمنى ئاسانلا قوقاقلاندۇرۇپ قويىدۇ؛ لېكىن، تۇرۇپنىڭ تەبىئىتى سۇغۇق بولغاچقا، ئىككىسى بىللە قوشۇپ دۈملەنگەندە، ئىسسىق بىلەن سۇغۇقنى نىتراللاشتۇرۇش ئۈنۈمىگە يەتكىلى بولىدۇ.

ساغلاملىق ۋە تۇرمۇش

مۇھەببەتتە ساداقەتسىزلىككە ئۇچرىغاندا ئەپۇ قىلىش كىرەكمۇ
بىر ئادەمنى ياخشى كۆرۈپ قالغاندا، ئۇنىڭغا ئالاھىدە ئىتىبار بىلەن قاراپ، ھەتتا چۈشىدىمۇ، كۈنلەرنىڭ بىرىدە ئۇ ئادەمنىڭ كىتىپ قېلىشىدىن ئەنسىرەپ قالدىغان ئەھۋاللار
گىلاس مۇرابباسى—ئاياللارنىڭ ئەڭ ياخشى دوستى
ھەممەيلەن ئەر كىشى بولماق تەس دىيىشىدۇ، ئەمىلىيەتتە ئايال بولماقمۇ ئاسان ئەمەس؛ بولۇپمۇ ھەرئايدا نەچچە كۈن بىكاردىن بىكار ئاغرىق ئازابى تارتىپ، روھى جەھەتتىنلا ئ
بەدەندىكى ماينى يوقىتىشنىڭ تۆت تۈرلۈك ئۇسۇلى
بەدەننىڭ ماي نىسبىتى، بەدىنىڭىزدىكى مايلارنىڭ ئومۇمى بەدەن ئېغىرلىقىڭىزدا ئىگەللەيدىغان نىسبىتىنى كۆرسىتىدىغان بولۇپ، ئادەتتە نورمال بولغان بەدەن ماي نىسبىتىن
يەر شارىدىكى ئەڭ قىممەت ئادەم، قېنى ئالتۇندىن قىممەت
بىراق، ئافرىقا قىتئەسىدە شۇنداق ئاجايىپ بىر خىل قارا تەنلىكلەر بار ئىكى، ئۇلارنىڭ سىرتقى شەكلى باشقا قارا تەنلىكلەر بىلەن ھېچقانداق پەرقلەنمەيدۇ، ئەمما ئۇلارنىڭ
يازنىڭ كۈنى تاماق قىلىش خوشياقمىسا بۇلارنى سىناپ بېقىڭ!
تەييارلاش ئۇسۇلى: پىچەكگۈلنىڭ پوستىنى سويىۋىتىپ، بۆلەك ھالىتىدە توغراپ تەخسىگە تىزىمىز؛ مۇۋاپىق مىقداردا سۈت قۇيۇپ، ئۈستىگە ئالقاتنى سېپىۋىتىمىز؛
ئەر كىشى بۇ بەش نەرسىسىنى سىزگە بەرسە
مۇھەببەتتە، ئايال كىشى قارشى تەرەپنىڭ كۆڭلىدە پەقەت ئۆزى يالغۇز بار بولۇشنى ئۈمىد قىلىدۇ؛ بۇنىڭدا، ئۇلار ئۆزىنى بەخىتلىك ھىس قىلىدۇ ھەمدە باشقىلارنىڭ ھەۋىسىنى قو
ئالاقىنى ۋاقىتلىق ئۈزۈشنى ئۆگىنىش، ئاياللارنىڭ پاراسىتى
پىسخىلوگلارنىڭ بايقىشىچە، سىز بىر ئادەمنى قانچە ئىزدەپ يېقىنلاشقانسىرى، ئۇ شۇنچە ئۆزىنى قاچۇرىدىكەن.
تىراگىدىيە: بۇ قېتىم بالا ئانىسىنىڭ بېشىغا چىقىپتۇ
بالا ئىھتىياتسىزلىقتىن ماشىنىنىڭ ئەينىكىنى چىقىرىپ چۈشۈرىدىغان توكلۇق ۋىكلىيۇچاتىلغا تىگىپ كىتىپ، ماشىنا ئىشكىنىڭ ئەينىكى كۆتۈرۈلۈپ ئانىنىڭ بوينىنى قىسىۋالغان
مۇھەببەتكە بولغان ئىشەنچ قەيەردىن كىلىدۇ
تۇرمۇشىمىزدا بەزىبىر ئىشلارغا بولغان ئىشەنچىمىز بار بولىدۇ؛ مەسىلەن، داۋاملىق ھايات كەچۈرۈشتىكى ئىشەنچىمىز، بەلكىم بانكىدىكى ئامانەت قالدۇقىدىن، قانچىلىك ئىقت
ئىتالىيەدە "ئاپلىسىن ئېتىشىش" بايرىمى ئۆتكۈزۈلدى
ئىتالىيە شادلىق بايرىمى مەزگىلىدە، خەلق ئاممىسى "ئاپلىسىن ئېتىشىش" ئەنئەنىۋى بايرىمىغا قاتناشتى. بۇ خىل ئەنئەنىۋى بايرامنىڭ ئالاھىدىلىكى، كىشىلەر كوچىغا چىقىپ،