كۆكمۇچنىڭ تەركىبىدە ۋىيتامىنلار ۋە مۇچ ماددىسى مول بولۇپ، يىمەكلىكلەرنىڭ ھەزىم بولۇشى ۋە بەدەن گە قوبۇل قىلىشنىشىنى ئىلگىرى سۈرۈپ، بوي ئۆستۈرۈشكە ۋە تەڭشەشكە، قان ماغدۇرنى ياخشىلاشقا پايدىلىق بولىدۇ. ئۇ يەنە بەدەندىكى ياغلارنىڭ مىتابولىزىمىنى ئىلگىرى سۈرۈپ، بەدەندە مايلارنىڭ يېغىلىپ قېلىشىنىڭ ئالدىنى ئالىدۇ ھەمدە بۇ ئارقىلىق ئۇرۇقلىتىش رولىنى ئوينايدۇ. كالا گۆشى، ئادەم بەدىنىنىڭ ئىھتىياجىغا قوي گۆشىدىنمۇ بەكرەك ماس كىلىدىغان يىمەكلىك بولۇپ، ياغ تەركىبى تۆۋەن ئەمما ئاقسىل ۋە ئامىنو كىسلاتا تەركىبى يۇقىرى. شۇڭا، كالا گۆشىنىڭ ئادەم بەدىنى ئۈچۈن ئىنىرگىيە ۋە ئۇزۇقلۇق تۇلۇقلاش ئۈنۈمى ئىنتايىن ياخشى.

    كالا گۆشى بىلەن كۆكمۇچ، ئەڭ ياخشى "ھەمراھ"لاردىن بولۇپ، مۇچ كالا گۆشىنىڭ غەلىتە پۇرىقىنى يوقىتالايدۇ؛ كالا گشۆى بولسا، مۇچنىڭ تەمىنى تېخىمۇ موللاشتۇرۇپ، ئىشتىھانى ئاچىدۇ. ئۇنىڭ ئۈستىگە، كۆكمۇچ تەركىبىدىكى مۇچ ماددىسى، قان تۇمۇرلارنى يۇمشىتىدىغان مۇھىم مادد بولۇپ، قان تومۇرلارنىڭ توسۇلۇپ  قالماسلىقىغا كاپالەتلىك قىلىپ، يۈرەك قان تۇمۇر كىسەللىكلىرىنىڭ ئالدىنى ئالىدۇ. تۆۋەندە بىز كۆپچىلىكنىڭ دىققىتىگە، كالا گۆشى كۆكمۇچ قورىمىسىنىڭ تەييارلاش ئۇسۇلىنى ئاددى قىلىپ تۇنۇشتۇرۇپ ئۆتىمىز.

كالا گۆشى مۇچى قورىمىسى
   1. كالا گۆشىنى نىپىز قىلىپ توغراپ، قاچىغا سالىمىز؛ ئۈستىگە جىياڭيۇ، كۈنجۈت مېيى، ۋە ئاز مىقداردا ھۆللەنگەن كىراخمال قوشۇپ، مۇجۇپ تەكشى ئارىلاشتۇرغاندىن كىيىن، 15 مىنۇت قويۇپ قويىمىز.
   2. كۆكمۇچنى يانتۇ ھالەتتە توغرايمىز، سامساقنى چاناپ توغرايمىز، زەنجىۋىلنى بولسا قەلەمچە ھالىتىدە توغرىۋالىمىز.
   3. قازانغا مۇۋاپىق مىقداردا ماي قۇيۇپ، ئالدى بىلەن سامساقنى سېلىپ تەم چىقىرىمىز، كەينىدىن كالاگۆشىنى سېلىپ ئوتتۇرا دەرىجىلىك ياكى يۇقىرى ئوتتا قورۇيمىز(چۈمۈچتە كالا گۆشىنى بىر-بىرىدىن ئاجرىتىۋىتىش كىرەك، بولمىسا چاپلاشقان پېتى تۇرۋالىدۇ)؛ كالاگۆشىنىڭ رەڭگى ئۆزگەرگەن ۋاقىتتا، كۆكمۇچنى سېلىپ، تىز سۈرئەتتە مالتىلاپ ئازراق قۇرۋەتكەندىن كىيىن، مۇۋاپىق مىقداردا تۇز قوشۇپ تەم تەڭشەپ، تەخسىگە ئۇسۇپ ئالساق بولىدۇ.