دىئابىت كىسىلى، ھازىر نۇرغۇنلىغان ئوتتۇرا ياش ۋە ياشانغان كىشىلەرنىڭ كۆپ ئۇچرايدىغان كىسەللىكى بولۇپ قالدى. دىئابىت كىسەللىكىگە گىرىپتار بولغان كىشىلەرگە نىسبەتەن ئېلىپ ئېيتقاندا، ئادەتتە يىمەك-ئىچمەك جەھەتتە كۆپرەك دىققەت قىلىپ، كۆكتاتلارنى كۆپرەك يەپ بەرسە، سالامەتلىكىگە قارىتا پايدىلىق بولىدۇ. بۈگۈن كۆپچىلىكنىڭ دىققىتىگە، تەبىئى ئىنسۇلىن دەپ نام ئالغان بىر خىل كۆكتاتنى تۇنۇشتۇرىمىز؛ بۇ خىل كۆكتاتنى ھەر كۈنى ئازراقتىن ئىستىمال قىلىپ بەرگەندە، قاننىڭ قەنت مىقدارى ۋە ماي تەركىبىنى تۆۋەنلىتىپ، بەدەننى تېخىمۇ ساغلام قىلىدۇ.

    بىز تۇنۇشتۇرماقچى بولغان بۇ كۆكتات، دەل سېرىق كۈدىدۇر. سېرىق كۈدىنىڭ تەمى كۈدىدىن كۆپ پەرقلىنىپ كەتمەيدۇ، ئەمما ئىككى خىل كۆكتاتنىڭ ئۇزۇقلۇق قىممىتى ئوخشىمايدۇ. سېرىق كۈدىنىڭ بىر خىل ئاچچىق تەمى بار بولۇپ، بۇ خىل ئاچچىق تەم قاننى جانلاندۇرۇش رولىغا ئىگە. سېرىق كۈدىنىڭ تەركىبىدە يەنە كۆپ مىقداردا ۋىيتامىن ۋە يىرىك تالا بار بولۇپ، ئاشقازان ئۈچەي ئىقتىدارىنى ياخشىلاپ، قەۋزىيەتنىڭ ئالدىنى ئېلىشقا پايدىسى بار. بۇندىن باشقا، كۈندە ئازراق سېرىق كۈدە ئىستىمال قىلىپ بەرگەندە، قاننىڭ قەنت مىقدارى ۋە ماي تەركىبىنى تۆۋەنلىتىش ئۈنۈمى كۆرسىتەلەيدۇ.

    سېرىق كۈدىگە نىسبەتەن، ئادەتتە ئەڭ كۆپ ئۇچرايدىغان ئىستىمال ئۇسۇلى، سېرىق كۈدە تۇخۇم قورىمىسى بولۇپ، بۈگۈن كۆپچىلىكنىڭ دىققىتىگە باشقا بىر سېرىق كۈدە قورىمىسى تۇنۇشتۇرۇپ ئۆتىمىز؛ ئۇ بولسىمۇ، كالا گۆشى سېرىق كۈدە قورىمىسىدۇر.

   كالا گۆشىنى تېخىمۇ يۇمشاق پىشۇرۇش ئۈچۈن، ئالدى بىلەن ئازراق تەييارلىق قىلىۋالىمىز. ئالدى بىلەن كالا گۆشىنى نىپىز توغراپ قاچىغا سالغاندىن كىيىن، ئۈستىگە سېرىق ھاراق، شىڭچۇۋ جىياڭيۇسى، كىراخمال قاتارلىقلارنى قوشۇپ، تەكشى ئارىلاشتۇرغاندىن كىيىن ئون مىنۇت قويۇپ قويىمىز. قازانغا ماي قۇيۇپ قىزىتىپ، كالا گۆشىنى سېلىپ قورۇپ، رەڭگى ئۆزگەرگەندە سۈزۈپ ئېلىۋالىمىز.