دۆلەتلىك سەھىيە مىنىستىرلىكى يېقىندا ئېلان قىلغان ئالاقىدار تەتقىقات نەتىجىلىرىدە كۆرسىتىلىشىچە، ھازىر دۆلىتىمىزدىكى تۆۋەن ياش مەزگىلىدىكىلەردىكى يېراقنى كۆرەلمەس كۆز مەسىلىسى بىرقەدەر ئېغىر ئىكەن. بۇندىن باشقا يەنە، ئىلىكتىرونلۇق مەھسۇلاتلارنى ئىلمى  ئۇسۇلدا ئىشلەتمەسلىك، يېراقنى كۆرەلمەس كۆز كىسەللىكى كۆپ كۆرىلىشنىڭ ئاساسلىق ئامىللىرىنىڭ بىرى بولۇپ، ئالتە ياشتىن تۆۋەن بالىلار، ئىمكان قەدەر كومپىيوتىر ۋە يانفون ئىشلەتمەسلىكى، ئاتا-ئانىلارمۇ بالىلارنىڭ ئالدىدا ئىلىكتىرونلۇق مەھسۇلاتلارنى ئىمكان قەدەر ئاز ئىشلىتىشى كېرەك ئىكەن.

   تەكشۈرۈش سانلىق مەلۇماتلىرىدا كۆرسىتىلىشىچە، 2018-يىلى، پۈتۈن مەملىكەتتىكى بالىلار ۋە ياش ئۆسمۈرلەردىكى يېراقنى كۆرەلمەسلىك كىسەللىكىگە گىرىپتار بولۇش نىسبىتى %53.6 بولۇپ، بۇنىڭ ئىچىدە 6ياشتىن تۆۋەن بالىلارنىڭ گىرىپتار بولۇش نىسبىتى%14.5، باشلانغۇچ مەكتەپ ئوقۇغۇچىلىرىنىڭ %36ن، تۇلۇقسىز ئوتتۇرا مەكتەپ ئوقۇغۇچىلىرىنىڭ %71.6، تۇلۇق ئوتتۇرا مەكتەپ ئوقۇغۇچىىرىنىڭ %81 ئىكەن.
   دۆلەتلىك سەھىيە مىنىستىرلىكى ئېلان قىلغان "2019-يىللىق بالىلار ۋە ياش ئۆسمۈرلەر يېراقنى كۆرەلمەسلىك كىسەللىكىنىڭ ئالدىنى ئېلىش ساغلاملىق تەربىيەسى يادرولۇق ئۇچۇرى"دا كۆرسىتىلىشىچە، 0ياشتىن 6ياشقىچە بولغان ئارىلىق، بالىلارنىڭ كۆرۈش سىزىمىنىڭ يىتىلىشىدىكى ھەل قىلغۇچ مەزگىل بولۇپ، بۇ مەزگىلدە بالىلارنىڭ كۆرۈش قۇۋۋىتىنى ئاسراش ئىنتايىن مۇھىم ئىكەن.
   يادرولۇق ئۇچۇردا كۆرسىتىلىشىچە، يانفون، كومپىيوتىر، تېلىۋىزۇر قاتارلىق ئېلىكتىرونلۇق ئېكرانلارغا ئۇزۇن ۋاقىت قاراپ تۇرۇش ياكى بەك يېقىن ئارىلىقتىن تىكىلىپ قاراش، يېراقنى كۆرەلمەس كۆزنى پەيدا قىلىدىغان ئاسالىق ئامىللارنىڭ بىرى ئىكەن. شۇڭا، ئالتە ياشتىن تۆۋەن بالىلار، ئىمكان قەدەر يانفون ۋە كومپىيوتىرغا ئۇچراشماسلىقى، ئاتا-ئانىلارمۇ بالىسىنىڭ ئالدىدا ئىلىكتىرونلۇق مەھسۇلاتلارنى ئىمكان بار ئاز ئىشلىتىشى كېرەك ئىكەن.
   بۇندىن باشقا، بالىلار ۋە ياش ئۆسمۈرلەرنىڭ ئوقۇش ۋە يېزىش جەريانىدىكى كۆزىنى داۋاملىق ئىشلىتىش ۋاقتى 40مىنۇتتىن ئېشىپ كەتمەسلىكى ھەمدە كۈندۈزلىرى ئۆي سىرتى پائالىيەتلىرىگە يىتەرلىك ۋاقىت ئاجرىتىشى كېرەك ئىكەن.