شۇنداق بىر نەرسە بار بولۇپ، ئۇ ھەربىر ئادەم ئۈچۈن ئىنتايىن مۇھىم ھەم قىممەتلىك؛ ئۇنىڭ بار بولغانلىقى سەۋەبىدىن، كىشىلەر ئۆزى ئىرىشمەكچى بولغان بارلىق نەرسىلەرگە ئىرىشىش پۇرسىتىگە ئىگە بولالايدۇ؛ ئۇنىڭ بار بولغانلىقى سەۋەبىدىن، كىشىلەر ئۆزى ياقتۇرىدىغان ئىشلارنى قىلالايدۇ ھەم كۆڭلىدە ئويلىغىنىدەك ھاياتلىققا ئىرىشىش پۇرسىتىگە ئىگە بولالايدۇ. بۇ نەرسە، دەل ۋاقىتتۇر.
   ئاشىق-مەشۇقلار ئارىسىدا، بەزىلەر ھەمىشە "مىنىڭ سىزگە ھەمرا بولۇشقا ۋاقتىم چىقماسلىقى، ئىككىمىزنىڭ كەلگۈسىنى دەپ تىرىشىپ ئىشلەۋاتقانلىقىم ئۈچۈندۇر، سىز مىنى توغرا چۈشىنىشىڭىز كېرەك، ھەمدە يولسىزلىق قىلىپ مىنى خاپا قىلماسلىقىڭىز كېرەك" دەيدۇ. لېكىن مۇھەببەت جەريانىدا، سىزنىڭ ھەمرا بولۇشىڭىزنى تەلەپ قىلغانلىق، يولسىزلىق قىلغانلىق ھىسابلىنامدۇ؟
   شۇنداق، بەزىلەر قىممەتلىك سوۋغاتقا ئىرىشىشنى ئۈمىد قىلىدۇ، بەزىلەر بولسا ئۆي ۋە ماشىنىدىن غەم قىلماسلىقنى ئويلايدۇ، بەزىلەر بولسا تېخىمۇ ياخشى بولغان كەلگۈسىگە ئىرىشىشنى ئۈمىد قىلىدۇ؛ ئەمما يەنە بەزىلەر، پەقەت قارشى تەرەپنىڭ ئۆزىگە سەۋرچانلىق بىلەن ھەمرا بولۇشىنىلا كۈتىدۇ. مۇھەببەت جەريانىدا، ۋاقىت، ئىككەيلەن ئارىسىدا ئەڭ مۇھىم ھىسابلىنىدۇ؛ ئۇ بىر بۆلەك مۇھەببەتنىڭ ۋۇجۇدقا كىلىشىگە تۈرتكە بولالايدۇ، بەزىدە يەنە، بىر بۆلەك مۇھەببەتنى خورىتىپ تۈگىتىۋىتەلەيدۇ.

   مەيلى قانچىلىك ئالدىراش بولماڭ، ۋاقتىڭىزنى سەرپ قىلىپ جۆرىڭىزگە ھەمراھ بولۇڭ. قارشى تەرەپنى يولسىزلىق قىلىۋاتقاندەك ئويلاپ قالماڭ، ئۇنى مىنى چۈشەنمىدى دەپمۇ قاراپ قالماڭ؛ چۈنكى، سىز ئۆزىڭىزچە ۋاقتىمنى تېخىمۇ ئەھمىيەتلىك بولغان ئىشلارغا، ئىگىلىكىم ئۈچۈن تىرىشىشقا ئىشلەتتىم دەپ قارىغان ۋاقتىڭىزدا، ئۇ ئادەم ئۆزىنىڭ ۋاقتىنى سەرپ قىلىپ سىزنى ساقلاۋاتقان بولىدۇ. كىمنىڭ ۋاقتى قىممەتلىك ئەمەس، كىمنىڭ ۋاقتى ئىسراپ بولۇپ خوراپ كەتكەندىن كىيىن يەنە قايتا تۇلۇقلىنىپ كىلەلەيدۇ؟ ھېچكىم بۇنداق قىلالمايدۇ.
   ۋاقتىنى سەرپ قىلىپ سىزگە ھەمرا بولۇشنى خالىغان ئۇ ئادەمنى قەدىرلەڭ.
   ئۇنىڭ ھەمراھلىقىنى رەت قىلماڭ، سىزنىڭ ھەمراھ بولۇشىڭىزنى تەلەپ قىلغان ئادەمنىمۇ رەت قىلماڭ. بۇ ھەمراھلىقلارنىڭ كەم قېلىشىنىڭ، ئۇ ئادەمگە ئازاپ ئېلىپ كىلىدىغان كەلمەيدىغانلىقىنى سىز مەڭگۈ بىلمەيسىز؛ بۇ ھەمراھلىقلار كەم بولۇپ قالسا، ئوتتۇرلۇقۇڭلاردىكى مۇھەببەتنىڭ يەنە كىيىنلىكى بار يوقلۇقىنى، سىز مەڭگۈ بىلەلمەيسىز.

   ھەممەيلەن، ھەمرا بولۇش ئاندىن ئەڭ تەسىرلىك كۆڭۈل ئىزھار قىلىش دىيىشىدۇ؛ ئۇنداقتا، بۇ كۆڭۈل ئىزھار قىلىشنى ھازىردىن تارتىپ باشلاڭ، ھەرگىز كەينىگە سوزماڭ.
   بەزى كىشىلەر، كۆڭۈل ئىزھار قىلىش بىر ئادەمنىڭ ئىشى دەپ قارايدۇ؛ بىراق، كۆڭۈل ئىزھار قىلىش، يەنە ئىككى ئادەمنىڭ ئىشى. مەيلى كۆڭۈل ئىزھار قىلىش ئوبىكتى كۆڭۈلنى قوبۇل قىلسۇن ياكى رەت قىلسۇن، چوقۇم بۇ جەريانغا قاتنىشىشى كېرەك؛ بۇنداق ئەھۋالدا، بۇ ئوبىكتنىڭ مۇھىملىق دەرىجىسىنى قانداقمۇ نەزەردىن ساقىت قىلىۋەتكىلى بولسۇن؟
   ھەممىمىزگە مەلۇملۇق، كۆڭۈل ئىزھار قىلغان تەقدىردىمۇ، ئادەتتە قارشى تەرەپنىڭ ئۆزىگە ئازدۇر-كۆپتۇر كۆڭلى بارلىقىنى ھىس قىلغان ئالدىنقى شەرت ئاستىدا ئاندىن ئىزھار قىلىنىدۇ؛ بولمىسا، رەت قىلىنىشقا ئۇچراپ كىتىشى مۇمكىن. ئۇنداقتا، ھەمراھ بولۇشنى ئەڭ تەسىرلىك كۆڭۈل ئىزھار قىلىش دەپ قارىغان سىز، يەنە كىيىنلىكنى ساقلامسىز؟

   قارشى تەرەپ سىزنىڭ ھەمراھ بولۇشىڭىزغا ئىھتىياجلىق بولغان ۋاقىتتا، سىز ئۇنىڭ يېنىدا يوق؛ سىز ئويلىغان كىيىنكى ۋاقىتقا كەلگەندە، سىز يەنە ئۇنىڭ سىزنىڭ ھەمراھ بولىشىڭىزغا ئىھتىياجلىق بولۇشىغا كاپالەتلىك قىلالامسىز؟
بۇنىڭ جاۋابى، شۈبھىسىزكى، سىز بۇنىڭغا كاپالەتلىك قىلالمايسىز.
   ھەمراھلىق بولمىغان مۇھەببەت، مۇھەببەت ئەمەس، ئۇ پەقەت قۇرۇق بىر ۋەدە خالاس. ئادەمگە ئىللىقلىق ھىس قىلدۇرالمىغان، شىرىنلىك تۇيغۇسىمۇ بىرەلمىگەن بۇنداق مۇھەببەتتە، ئازاپلىنىش، قىينىلىش، ئامالسىز ھىس قىلىشتىن باشقا ھېچ نەرسە قالمىغان بولۇشى مۇمكىن.