ئىككى ئادەمنىڭ تويلىشىپ بىرگە تورمۇش كەچۈرۈش جەريانىدا، ئارىلىقتا زىددىيەت تۇغۇلماسلىق، مۇمكىن بولمايدىغان بىر ئىش؛ چۈنكى، تۇرمۇش ئىزچىل تۈردە ئوڭۇشلۇق بولمايدۇ، كۈندە دىگۈدەك نۇرغۇنلىغان چوڭ-كىچىك ئىشلارغا دۇچ كىلىدىغان گەپ. ئەر-خوتۇنلار تۇرمۇشتا دۇچار بولىدىغىنى، ئىككى تەرەپنىڭ تۇققانلىرى ۋە دوستلىرى بولۇپلا قالماي، يەنە ھەر جەھەتلەردىكى چىقىم قاتارلىق نۇرغۇن مەسىلىلەر بولىدۇ؛ شۇڭا بۇنداق ئەھۋالدا، زىددىيەتلىشىپ قېلىش نورمال بىر ئىش ھىسابلىنىدۇ. مەسىلە كۆرۈلۈشى قورقۇنچلۇق ئەمەس، قورقۇنچلۇق بولغىنى، مەسىلىنى قانداق بىتەرەپ قىلىشنى بىلەلمەسلىك بولۇپ، بەزىلەر ھەتتا مەسىلىنى يوغىنىتپ، يول قويۇش ۋە مۇرەسسەلىشىش دىگەنلەرنى بىلمەيدۇ، زىددىيەتنى تېىىمۇ مۇرەككەپلەشتۈرۈپ، ئائىلىدە ئىناقسىزلىق ئامىلى پەيدا قىلىدۇ. شۇنىڭ ئۈچۈن، ئادەتتە ئەر-خوتۇنلار جىدەللىشىپ قالغاندا، ئايال تەرەپ ئەگەر ھەمىشە بۇ نەچچە خىل قىلمىشلاردا بولسا، بۇ ئۇلارنىڭ ئۆز ئىرىنى سىرتقا ئىتتىرگەنلىكىگە باراۋەر بولىدۇ.

كونا خاماننى سورۇپ، زىددىيەت كۆرۈلسىلا بۇرۇنقى ھىساپ كىتاپنى كۆتۈرۈپ قوپۇش
    تويلىشىپ ئەر-خوتۇن بولغان ئىكەن، قارشى تەرەپكە كۆپرەك يول قويۇپ، كەڭ قورساق بولۇش ھەمدە كۆپرەك پىكىرلىشىپ، ئىككى تەرەپ چىرايلىقچە چۈشەنچە بىرىش كىرەك. لىكىن بەزى ئاياللار، ھەممە ئىشلاردا ئىنچىكە ھىساب قىلىشقا ئامراق بولۇپ، ھەر قېتىم كىچىك بىر ئىشلار ئۈچۈن ئىرى بىلەن زىددىيەتلىشىپ قالغاندا، ھەمىشە كونا خاماننى سورۇپ، ئىلگىرى يۈز بەرگەن ھەمدە ئاللبۇرۇن ئۆتۈپ كىتىپ بولغان بەزى ئىشلارنى قايتا تىلغا ئېلىپ قوپىدۇ. بۇنداق ئەھۋالدا، ئەرلەر ئاچچىقى بوش كەلمەيدىغان بولۇپ، بۇنداق قىلمىش، ئايال كىشىنىڭ ئىرىنى سىرتقا ئىتتىرگىنىگە ئوخشاش بولىدۇ. چۈنكى، ھېچقانداق بىر ئەركىشى، ھەمىشە كونا خامان سورۇپ، ئىنچىكە ھىساب قىلىشقا ئامراق ئايال كشىىنى ياقتۇرمايدۇ.

ئازراق زىددىيەت تۇغۇلغان ھامانلا ئاجرىشىمەن دەپ قوپۇش
    ئەر-خوتۇنلار ئوتتۇرسىدىكى مۇناسىۋەتنى ياخشى قەدىرلەش لازىم بولىدۇ؛ توي قىلغان ئىكەنمىز، بىر ئۆمۈر بىرگە ئۆتۈشنى نىشان قىلىشىمىز، زىددىيەت كۆرۈلگەن ھامانلا ئاجرىشىشنى تېلىغا ئېلىپ قوپماسلىقىمىز كىرەك. بىلىشىڭىز كىرەككى، بۇ بەلكىم سىز ئاچچىقىڭىزدا دىگەن گەپ بولۇشى مۇمكىن، بىراق ئىرىڭىز گەرچە باشلىنىشتا سىزنى توغرا چۈشەنسىمۇ، ئەمما ۋاقىتنىڭ ئۆتىشىگە ئەگىشىپ، ئىرىڭىز بۇنى راست بىلىپ قالىدۇ، ھەمدە سىزنى مەن بىلەن ئۆتكىسى يوق ئوخشايدۇ دەپ ئويلاپ قالىدۇ؛ بۇنداق ئەھۋالدا، ئۇ راستىنلا سىزنىڭ تەلىۋىڭىزگە قوشۇلۇپ سېلىشى مۇمكىن.

مۇرەسسەلىشىشنى بىلمەي، ئىزچىل تۈردە سۇغۇق مۇئامىلىدە بولۇش
    ئەر-خوتۇنلار خاپا بولۇشۇپ قالسا، ئايال كىشى بولۇش سۈپىتىڭىز بىلەن، سىز كۆپرەك توغرا چۈشىنىشىڭىز، ھەمىشە ئۆزىڭىزنى چوڭ تۇتىۋىلىپ، ئىرىڭىزنىڭ ئاۋال كەچۈرۈم سورىشىنى كۈتۈپ ئولتۇرماسلىقىڭىز لازىم. ئەگەر ئۇ ئاۋال تەشەببۇسكارلىق بىلەن كەچۈرۈم سورىمىسا، سىزمۇ ئۇنىڭغا بوي ئەگمەي ئىزچىل تۈردە سۇغۇق مۇئامىلىدە بولسىڭىز، بۇنداق قىلمىشىنىڭ ھېچقانداق پايدىسى يوق بولۇپ، ئىككىڭلارنىڭ ئوتتۇرلىقىدىكى زىددىيەتنى تېخىمۇ ئېغىرلاشتۇرۋاتىدۇ. چۈنكى، ئادەمنىڭ كۆڭلى سۇغۇق مۇئامىلىگە چىدىمايدىغان بولۇپ، ئىرىڭىز بولغان تەقدىردىمۇ، سىزنىڭ بۇنداق پەرۋاسىز قارايدىغان ۋە ھېچقانداق پىسەنت قىلمايدىغان سۇغۇق پوزۇتسىيىڭىزگە چىدىيالمايدۇ؛ شۇڭا سىزنىڭ بۇ قىلمىشىڭىز، ئىرىڭىزنى سىرتقا ئىتتىرگەنلىك بىلەن ئوخشاش بولۇپ قالىدۇ.