بۇ قورۇمىنىڭ ئۇزۇقلۇقى كالا گۆشىنىڭ تۆت ھەسسىسىگە تەڭ كېلىدىغان بولۇپ، بالىلارمۇ تاللىماي يەيدۇ، گۆشتىنمۇ بەك تېتىيدۇ.

   موگو، يامان ئەمەس بولغان بىر خىل زەمبۇرۇغ تۈرىدىكى كۆكتات بولۇپ، باھاسى گەرچە بەك ئەرزان بولمىسىمۇ، ئەمما تەمى ياخشى ئۇزۇقلۇقى مول، بالىلارمۇ ياقتۇرۇپ ئىستېمال قىلىدۇ. موگونىڭ تەركىبىدە كۆپ خىل ۋىتامىنلار ۋە 18 خىل ئامىنو كىسلاتاسى بار؛ ئادەم بەدىنىگە ئېھتىياجلىق بولغان ئامىنو كىسلاتاسى ئىچىدە، موگونىڭ تەركىبىدە يەتتە خىلى بار. بۇندىن باشقا، موگونىڭ تەركىبىدە يەنە گلۇتامىك كىسلاتا، ساخارىد تۈرى، تالا ماددىسى قاتارلىقلار بار بولۇپ، ئاشقازان ئۈچەينىڭ قىمىرلىشىنى تىزلىتىپ، بەدەندىكى ئەخلەتلەرنى تازىلايدۇ.

   كىتەرلىك ماتېرىيال: موگو، غولپىياز، پۇرچاق بوتقىسى، تۇز، خاسىڭ مېيى
تەييارلاش ئۇسۇلى

   بىرىنچى قەدەمدە، موگنى يۇيۇپ پاكىزلايمىز.

   ئىككىنچى قەدەمدە، موگونى نىپىز ياپراقچە قىلىپ توغرايمىز.

   ئۈچىنىچى قەدەمدە، قازان ئېسىپ خاسىڭ مېيى قۇيۇپ قىزىتىپ، ئاۋۋال غولپىيازنى سېلىپ تەم چىقىرىمىز.

   تۆتىنچى قەدەمدە، موگونى سېلىپ قورۇيمىز.

   بەشىنچى قەدەمدە، بىر قوشۇق پۇرچاق بوتقىسى سېلىپ، تەكشى ئارىلاشتۇرۇپ قورۇيمىز (مۇۋاپىق مىقداردا سۇ قوشۇپ قازانغا چاپلىشىۋىلىشنىڭ ئالدىنى ئېلىش كېرەك).

   ئالتىنچى قەدەمدە، موگونى قورۇپ پىشۇرغاندىن كېيىن، ئازراق تۇز سېلىپ تەم تەڭشەيمىز.