ياخشىمۇسىز ، ئاشپەز تور بېكىتىگە بېكىتىگە خۇش كەلدىڭىز
ئاشپەز تورى

رەسىملىك قورىمىلار

نۆۋەتتىكى ئورنىڭىز : باشبەت » رەسىملىك قورىمىلار »  گوشسىز قورىمىلار
ئىشتىھانى ئاچىدىغان خۇپى لازا تەييارلاش ئۇسۇلى
مەنبەسى : ئاشپەز تورىيوللىغۇچى : تەمزاتبەگ ۋاقتى : 2020-03-02كۆرۈلىشى : قېتىم
   خۇپى لازا تىلغا ئېلىنسا، ئىشنىمەنكى بۇ قورۇما كۆپ قىسىم كىشىلەرگە ناتونۇش ئەمەس. توغرا ئۇسۇلدا تەييارلانغان خۇپى لازا، تەملىك ھەم ئۇزۇقلۇق قىممىتى بولۇپلا قالماي، قارىماققىلا ئادەمنىڭ ئىشتىھاسىنى قوزغايدۇ.
   كىتەرلىك ماتېرىيال: كۆكمۇچ، سامساق، ئاچچىقسۇ، ئاق شېكەر، شىڭچوۋ جىياڭيۇسى، تۇز
تەييارلاش ئۇسۇلى
   ئالدى بىلەن، كۆكمۇچنى يۇيۇپ پاكىزىلاپ، ئىچىدىكى ئۇرۇغلىرىنى ئېلىۋىتىمىز؛ سامساقنى ئۇششاق چاناپ تەييارلايمىز.
   ئىككىنچى قەدەمدە، چىنىگە مۇۋاپىق مىقداردا شىڭچوۋ جىياڭيۇسى، ئاق شېكەر، ئاچچىقسۇ ۋە تۇز قۇيۇپ، چوكا بىلەن ئارىلاشتۇرۇپ قىيام تەييارلايمىز.
   ئۈچىنچى قەدەمدە، قازان ئېسىپ قىزىتقاندىن كېيىن، ئوتنى كىچىك ئوتقا ئالماشتۇرۇپ، ئاۋۋال كۆكمۇچنى سېلىپ، چۆمۈچتە كۆكمۇچنى يىنىك بېسىپ بىرىمىز ھەمدە پات-پات ئۆرۈپ ھەممە يۈزى ئوخشاش داغلىنىشقا كاپالەتلىك قىلىمىز. مۇشۇ ئۇسۇلدا داغلاپ، سىرتقى يۈزىدە قورۇق سىزىقچىلار پەيدا بولغاندىن كېيىن، سامساقنى سېلىپ قورۇپ تەم چىقىرىپ، كۆكمۇچنى تەخسىگە ئۇسۇپ ئالىمىز.
   ئاخىرىدا، ئالدىدا تەييار قىلغان قىيامنى كۆكمۇچ ئۈستىگە قۇيساق، بۈگۈنكى تونۇشتۇرماقچى بولغان خۇپى لازا تەييار بولغان بولىدۇ.
دوستانە تەكلىپ
   1. كۆكمۇچنى تاللىغاندا، چوقۇم جۇغى چوڭ، ئېتى قېلىن كۆكمۇچ تاللاش كېرەك؛ بۇنىڭدا، داغلىغان ۋاقىتتا تىرىسى تېخىمۇ ياخشى يېغىلىپ، تېخىمۇ تەملىك داغلىنىدۇ.
   2. كۆكمۇچنى داغلىغاندا قازانغا ماي قۇيمايدىغان بولغانلىق ئۈچۈن، چوڭ ئوتتا داغلىماي، كىچىك ئوتتا ئاستا-ئاستا داغلاپ قورۇيمىز؛ ئەگەر ۋاقىت تىجەشنى ئويلاپ چوڭ ئوتتا داغلىسىڭىز، كۆكمۇچنى كۆيدۈرۈپ قويىسىز.

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2018 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号