تاماقنىڭ چۈشەندۈرلىشى :
تاماقنىڭ ئىسمى :  قېتىق تەملىك ئىتالىيە چۆپى .
ئىستىمال قىلىش يېشى : 7 ئايلىقتىن يۇقىرى ھەرقانداق بالىلارغا ماس كېلىدۇ .
كېرەكلىك ماتىرياللار : ئىتالىيە چۆپى 20 گىرام ، بۆلجۈرگەن ئاز مىقداردا، يېرىم تال بانان ، مۇۋاپىق مىقداردا قېتىق
قۇشۇمچە ماتىرياللار : قارا ئۆرۈك مۇۋاپىق مىقداردا ، زەيتۇن مېيى ئاز مىقداردا ، سۇ مۇۋاپىق مىقداردا .
كېرەكلىك ئەسۋاپلار : ئادەتتىكى قازان ، چوكا .

 

تەييارلاش باسقۇچى :
1. ئىتالىيە چۆپى 20 گىرام ، بۆلجۈرگەن ئاز مىقداردا، يېرىم تال بانان ، مۇۋاپىق مىقداردا قېتىق تەييارلىۋالىمىز .

2. ئىتالىيە چۆپىنى ئاۋال 15 مىنۇتتىن 30 مىنۇتقىچە سوغۇق سۇغا چىلاپ قۇيىمىز ، ئاندىن سۈزۈپ ئېلىپ قاينىتىپ پىشۇرىمىز .

3. بوش ئوتتا  10 مىنۇتتىن 15 مىنۇتقىچە قاينىتىپ پۇشۇرىمىز ، قازاننىڭ تۇۋىقىنى ياپمايمىز .

4. قازان قايناپ بولغىچە بىز تەييارلىۋالغان باناننى توغراپ تەييارلىۋالىمىز .

5. بۆلجۈرگەننى 5 مىنۇت سۇغا چىلاپ قۇيىمىز ، ۋاقىت توشقاندىن كىيىن سۇدىن سۈزۈپ ئېلىپ پاكىزە يۇيۇپ ، مۇۋاپىق چۇڭلۇقتا توغراپ تەييارلىۋالىمىز .

6. بانان بىلەن بۆلجۈرگەننى ئېزىپ قىيام ھالەتكە ئەكىۋالىمىز .

7. قارا ئۆرۈكنىمۇ پاكىز يۇيۇپ ، ئېزىپ قىيام ھالىتىگە ئەكىلىۋالىمىز ، بۇنداق بولغاندا ئوماقلىرىمىزنىڭ ھەزىم قىلىشى ناھايىتى ئاسان بۇلىدۇ .

8. پىشىپ چىققان ئىتالىيە چۆپىنى سوغۇق سۇدىن بىر ئۆتكۈزىمىز ، بۇنداق بولغاندا چۆپ تېخىمۇ تىرىك چىقىدۇ.

9. چۆپنى ئۇششاق قىلىپ توغرىۋالىمىز .

10. مانا ھەممىسى تۇلۇق تەييار بولدى .

11. ئىتالىيە چۆپىنىڭ ئۈستىگە قېتىقنى تۆكىمىز ، ئاندىن تەييارلىۋالغان بۆلجۈرگەننى ، ئاندىن باناننى سالىمىز ، ئەڭ ئاخىرىدا قارا ئۆرۈكنى سالىمىز . مانا ئوماقلىرىمىزنىڭ يەنە بىر ئامراق تامىقى تەييار بولدى .