بۈگۈن تونۇشتۇرماقچى بولغان تاماقنىڭ ئاساسلىق ماتېرىيالى تېرىق بولۇپ، ئۇنى ھەگىز تۆۋەن كۆرۈپ قالماڭ، تېرىقنىڭ ئۇزۇقلۇقى ئىنتايىن مول. بىز دائىم ئىستېمال قىلىدىغان گۈرۈچ بىلەن سېلىشتۇرغاندا، تېرىق تەركىبىدىكى Bئائىلىسى ۋىتامىنلىرىنىڭ مىقدارى، گۈرۈچنىڭ 4-3 ھەسسىسىگە توغرا كېلىدۇ، يېمەكلىك تالا ماددىسى تەركىبىمۇ گۈرۈچنىڭ 4 ھەسسىسىگە توغرا كېلىدۇ، باشقا ئۇزۇقلۇق تەركىبلىرىنىڭ مىقدارىمۇ گۈرۈچكە قارىغاندا يۇقىرى.

　　ئۇنىڭ ئۈستىگە، تېرىقنىڭ ئۇزۇقلۇق تەركىبى مول بولغاندىن سىرت، ئۇنىڭ تەمىمۇ ياخشى بولۇپ، باشقا يىرىك ئاشلىقلارغا ئوخشاش ئۇنداق "يىرىك" ئەمەس. شۇڭا بۈگۈن كۆپچىلىكنىڭ دىققىتىگە، بالىلار تالىشىپ ئىستېمال قىلىدىغان تېرىق بانان توقىچى تونۇشتۇرۇپ ئۆتىمىز.

　　كىتەرلىك ماتېرىيال: بانان، پىشلاق، تېرىق، گۈرۈچ، تۇخۇم، ئىستېمال مېيى

　　ماس كېلىدىغان بالىلار: ئون ئايلىقتىن يۇقىرى

　　تەييارلاش ئۇسۇلى

　　باناندىن بىرتال، 20گىرام تېرىق، 15گىرام گۈرۈچ، بىر تۇخۇم، مۇۋاپىق مىقداردا پىشلاق ۋە ئىستېمال مېيى تەييارلىۋالىمىز.

　　گۈرۈچ بىلەن تېرىقنى يۇيۇپ پاكىزلاپ، دۈملەپ پىشۇرۋالغاندىن كېيىن قاچىغا ئۇسۇپ ئالىمىز.

　　تۇخۇمنى چېقىپ، قوچۇپ ئېقى بىلەن سېرىقىنى ئارىلاشتۇرىمىز.

　　بانان ، گۈرۈچ، تېرىق، پىشلاق ۋە تۇخۇم سۇيۇقلۇقى قاتارلىقلارنى بىر قاچىغا سېلىپ تەكشى ئارىلاشتۇرىمىز؛(باناننى ئالدىنئالا ئىزىپ لاي ھالىتىگە ئەكىلىۋالساق بولىدۇ)

　　قازانغا ماي قۇيۇپ قىزىتىپ، ئارىلاشتۇرۇپ تەييارلىغان گۈرۈچ تېرىق بانان ئارىلاشمىسىنى كىچىك توقاچ ھالىتىگە ئەكەلگەندىن كېيىن قازانغا سېلىپ داغلاپ پىشۇرىمىز.

　　ھەر ئىككى يۈزى سارغىيىپ پىشقاندىن كېيىن قازاندىن ئالساق بولىدۇ.