ئەنگىلىيە "قۇياش گىزىتى"نىڭ خەۋرىگە ئاساسلانغاندا، ۋىيتناملىق بىر "مۇناپىق دادا"، ئايالى سۈت بېزى راكى بىلەن ئۆلۈپ كەتكەندىن كىيىن، ئۆزىنىڭ 14ياشلىق قىزىغا باسقۇنچىلىق قىلىپ ئۇنى ھامىلدار قىلىپ قويغان ھەمدە بالىنى تۇغقىلى سالغان.

   خەۋەرلەردە كۆرسىتىلىشىچە، بۇ بىر ئائىلە كىشىلىرى، ۋىيتنامنىڭ شەرقى شىمالى قىسمىدىكى تەننۇڭ رايونىدىكى بىر نامراتلار مەھەللىسىدە تۇرۇشلۇق بولۇپ، ئاياغ ئاستى قىلىشقا ئۇچرىغان 14ياشلىق قىزدىن باشقا، ئۇلارنىڭ يەنە ئۈچ بالىسى بار ئىكەن.
    تۆت بالىنىڭ ئانىسى سۈت بېزى راكى دەپ دىئاگونوز قويۇلغاندىن كىيىن، شۇ جايدىكى ئاھالىلەر ئۇلارنىڭ تۇرمۇشىنى قامداپ كىتىشى ئۈچۈن، ئۇلارغا 400مىليۇن ۋىيتنام پۇلى(تەخمىنەن 118مىڭ يۈەن خەلق پۇلىغا تەڭ) ئىئانە قىلغان. بۇ ؛ۇللارنىڭ بىر قىسمىنى كىسەل داۋالىتىشقا ۋە ئىلگىرىكى قەرزلىرىنى قايتۇرۇشقا ئىشلەتكەندىن سىرت، يەنە بىر قسىمىنى ئۆتكەن يىلى بالىلارنىڭ ئانىسى ئۆلۈپ كەتكەندىن كىيىن، بۇ "مۇناپىق دادا" قىمار ئويناپ ۋە ھاراق ئىچىپ تۈگىتىۋەتكەن.

    خەۋەرلەردە دىيىلىشىچە، دادىسىنىڭ ئاياغ ئاستى قىلىشىغا ئۇچرىغان بۇ قىز ئەما بولۇپ، ئۇلارنىڭ ئائىلىسى ئىرسىيەت كىسەللىكىگە گىرىپتار بولغان بولغاچقا، شۇڭا ئۇلارنىڭ ھەممىسىدە كۆرۈش سىزىمىنى يوقىتىدىغان ئەھۋاللار كۆرىلىدىكەن، ئۆگىنىشىمۇ قىيىنغا توختايدىكەن. قىز بىر مەزگىل ئىلگىرىلا مەكتەپتىن ئايرىلغان بولۇپ، ئۇ پەقەت قاتتىق ئاغرىپ قالغانلىقىنى، دەرسكە قاتنىشىشقا ئامالسىز ئىكەنلىكىنى ئېيتقان. كىيىن، مۇئەللىمى ئۇنىڭدىن ئەنسىرەپ ئۇنى يوقلاپ كەلگەن ۋاقىتتا، ئۇنىڭ ئەمىلىيەتتە ھامىلدار بولۇپ قالغانلىقىنى كۆرگەن.
    ئانىسى ئۆلۈپ كىتىپ نەچچە ئايدىن كىيىنلا، قىزى تۇغۇپ ياش بىر ئانىغا ئايلانغان. ئەينى جايدىكى مۇئەللىم ۋە مائارىپ ئەمەلدارى، يىڭى تۇغۇلغان بوۋاقنىڭ پاراۋانلىق مەسىلىسىدىن ئەنسىرەپ، ساقچىغا مەلۇم قىلىشنى تاللىغان. كىيىن، ساقچىلار بۇ "مۇناپىق دادا"نى قولغا ئالغان ھەمدە گېن تەكشۈرۈش ئارقىلىق، قىزىنى ئاياغ ئاستى قىلغان ھەمدە ئۇنى ھامىلدار قىلىپ قويغان ئادەمنىڭ دەل دادىسىنىڭ ئۆزى ئىكەنلىكىنى ئىسپاتلاپ چىققان.