ھامىلدارلىق مەزگىلىدە، ھامىلدار ئايال دىققەت قىلىشقا ۋە ئورۇنلاشتۇرۇشقا تىگىشلىك نۇرغۇنلىغان ئىشلار بار بولۇپ، مەيلى يىمەك-ئىچمەك ياكى ھەرىكەتلىنىپ چېنىقىش پىلانى بولسۇن، ۋەياكى ھامىيلىگە مۇناسىۋەتلىك ھامىيلە تەربىيىسى قاتارلىق ئىشلار بولسۇن، ھامىلدار ئايالنىڭ ئالدىنئالا تەييارلىق كۆرىشىگە توغرا كىلىدۇ. بۇلارنىڭ ئىچىدە كۆپ قىسىم ئىشلارنى ھامىلدار ئايالنىڭ ئەتراپىدىكىلەر ياردەملىشىپ، تەييارلىشىپ بەرسە ۋە ئورۇنلاشتۇرۇش قىلسا بولىدۇ؛ ئەمما تۆۋەندىكى ئۈچ ئىشنى ھامىلدار ئايال چوقۇم ئۆزى ئورۇنلاشتۇرۇشى كىرەك. بولمىغاندا، ئەگەر بۇ ئۈچ ئىشتىن بىرەرسى ياخشى ئورۇنلاشتۇرۇلماي قالسا، ھامىلدار ئايالنىڭ تۇغۇتىغا ۋە تۇغۇت مەزگىلىدىكى كۈتۈنۈشىگە تەسىر يىتىپ قېلىشى مۇمكىن.

بالىلار ۋە ھامىلدار ئاياللار مەخسۇس ئىشلىتىدىغان بۇيۇملارنى سېتىۋىلىش
    بوۋاقلار ۋە ھامىلدار ئاياللار مەخسۇس ئىشلىتىدىغان بۇيۇملارنى، ئەڭ ياخشىسى ھامىلدار ئايالنىڭ ئۆزى سېتىۋىلىشى تەۋسىيە قىلىنىدۇ. چۈنكى، ھامىلدار ئاياللار ئۆزىنىڭ ئەھۋالىنى ئۆزى ياخشى چۈشىنىدىغان بولغاچقا، قانداق مەھسۇلاتلار ياكى بۇيۇملار ئۆزىگە بىرقەدەر ماس كىلىدۇ، ئۇلار كۆڭلىدە ئوبدانراق بىلىدۇ. ئۇنىڭ ئۈستىگە، تۇغۇت ئالدىدا تەييارلاشقا تىگىشلىك بەزىبىر ئىسپات ۋە گۇۋاھنامە، ئالاقىدار تەكشۈرۈش دوكلاتلىرى دىگەنلەرنى، ھامىلدار ئايال ھەممىدىن بەك ئىنىق بىلىدۇ، شۇڭا ھامىلدار ئايال ئۆزى تەييارلىسا تېخىمۇ خاتىرجەم بولىدۇ. بۇنىڭ بىلەن بىرگە، ئاياللار نەرسە-كىرەك سېتىۋالغاندا نىسبەتەن ئەستايىدىل بولغاچقا، بوۋاققا كىتەرلىك نەرسىنى ئۆزى تەييار قىلسا، ئىشىنىمەنكى بىر قەدەر تولۇق تەييار قىلىدۇ ھەمدە تەييارلىغان نەرسىلەرمۇ بوۋاققا بىرقەدەر ماس كىلىدىغان بولىدۇ.

تۇغىدىغان دوختۇرخانىنى بىكىتىش
   تۇغىدىغان دوختۇرخانىنى تاللاش، ھامىلدار ئايالغا نىسبەتەن ئىنتايىن مۇھىم؛ چۈنكى، تۇغۇت جەريانىدىكى خەتەر يەنىلا بىر قەدەر چوڭ. شۇنىڭ ئۈچۈن، ئەگەر ھامىلدارلىق مەزگىلدىكى دائىملىق تەكشۈرۈشلەردە، دىققەت قىلىشقا تىگىشلىك بىرەر نوقتا چىقىپ قالسا، ئۇنداقتا ھامىلدار ئايال بۇنىڭغا قارىتا كۆپرەك چۈشەنچە ھاسىل قىلىشى، ھەمدە ماس كىلىدىغان دوختۇرخانىدىن بىرنى تاللىشى كىرەك. دوختۇرخانىنى تاللاشتا، ئالدى بىلەن تېخىنىكا ۋە شارائىتىنى ئاساس قىلىش، ئاندىن قالسا ئۆيى بىلەن بولغان ئارىلىقىنى ئۆلچەم قىلىش كىرەك.