تاماقنىڭ چۈشەندۈرلىشى :
ئىستىمال قىلىش يېشى :  10 ئايلىقتىن يۇقىرى بالىلارنىڭ ئىستىمال قىلىشىغا ماس كىلىدۇ .
كېرەكلىك ماتىرياللار : گۈرۈچ 100 گىرام ، چىلان 80 گىرام ، تاتلىق ياڭيۇ 100 گىرام ، سىيادان ئاز مىقداردا .
كېرەكلىك ئەسۋاپلار : دۈملەش قازىنى . 1 تال قاچا  . قىيما قىلىش ئەسۋابى . ئازىراق ماي .

 

 تەييارلاش باسقۇچى :
1 . گۈرۈچ 100 گىرام ، چىلان 80 گىرام ، تاتلىق ياڭيۇ 100 گىرام ، سىيادان ئاز مىقداردا تەييار قىلىۋالىمىز .

2 . گۈرۈچنى دۈملەپ پىشۇرىۋالىمىز .

3 . تاتلىق ياڭيۇنى پاكىز يۇيۇپ ، كىسىپ تەييار قىلىۋالىمىز .

4 . چىلاننىمۇ پاكىز يۇيۇپ توغراپ تەييارلىۋالىمىز .

5 . چىلان بىلەن تاتلىق ياڭيۇنى دۈملەش قازىنىغا سېلىپ دۈملەيمىز .

6 . تاتلىق ياڭيۇ پىشقاندىن كىيىن شۈپىكىنى ئېلىۋېتىپ ، قىيام قىلىش ئەسۋاپىدا ئىزىپ قىيام قىلىمىز .

7 . چىلاننىمۇ ئېزىپ قىيام قىلىمىز .

8 . تەييارلىۋالغان قاچىنى مايلايمىز .

9 . ئاۋال دۈملەپ پىشۇرىۋالغان گۈرۈچنى سالىمىز .

10 . ئارقىدىن تەييارلىۋالغان تاتلىق ياڭيۇنى سالىمىز .

11 . ئۇنىڭ ئۈستىگە تەييارلىۋالغان چىلاننى سالىمىز .

12 . ئەڭ ئاخىرىدا يەنە بىر قېرتىم گۈرۈچنى سالىمىز .

13 . مانا ئوماق قوزىمىزنىڭ قەۋەتلىك گۈرۈچ بولكىسى تەييار بولدى .