چەتئەل تورى 12-ئاۋغۇست تىلگىراممىسىغا ئاساسلانغاندا، ياپۇنىيە مەلىكىسى شۈەن زى، ئاددى پۇقرا سالاھىيىتىدىكى بولغۇسى يولدىشى مورىيا خۇي بىلەن 12-ئاۋغۇست كۈنى، توكيو ئاكاساكادىكى گاۋيۈەن قەسىرىدە، "چاي ئىچكۈزۈش"گە ئوخشىشىپ كىتىدىغان تويلۇق قۇبۇل قىلىش مۇراسىمى ئۆتكۈزۈپ، توي كىلىشىمى رەسمى بىكىتىلدى؛ ئىككەيلەن بۇ يىل 10-ئاينىڭ 29-كۈنى توكيودىكى مىڭجى ئىلاھى سارىيىدا توي مۇراسىمى ئۆتكۈزىدىغان بولۇپ، تويدىن كىيىن، مەلىكە شۈەن زى پادىشاھ جەمەتى سالاھىيىتىدىن قالدۇرۇلۇپ، ئاددى پۇقرا سالاھىيىتىدە تۇرمۇش كەچۈرىدۇ.

    تەيۋەن ئاخبارات ۋاستىلىرى ياپۇنىيە فاڭ سۇڭ جەمئىيىتى (NHK)نىڭ خەۋرىنى نەقىل كەلتۈرۈپ، 12-ئاۋغۇست چۈشتىن بۇرۇن، مورىياخۇينىڭ ھاۋالە قىلغان تۇققىنى كوندو، گاۋيۈەن قەسىرىگە قۇدىلىشىش تەكلىۋى قويۇش ئۈچۈن كەلگەن؛ گاۋيۈەن قەسىرىنىڭ قۇبۇلخانىسدا مەلىكە شۈەن زى ئانىسى بىلەن بىرلىكتە قۇدىلىشىش تەكلىۋى قويۇش ئۈچۈن كەلگەن ئەر تەرەپ ۋەكىلىنى ساقلىغان.

    تويلۇق قۇبۇل قىلىش مۇراسىمى ئاخىرلاشقاندىن كىيىن، مەلىكە شۈەن زى بىلەن مورىيا گاۋيۈەن قەسىرىنىڭ ئىچكى قىسىم ئاپپاراتلىرى ئارقىلىق، بۇ قېتىملىق مۇراسىم ھەققىدىكى قاراشلىرىنى يېزىق شەكىلدە ئېلان قىلغان. شۈەنزىنىڭ دىيىشىچە، ئۇ بۇ قېتىملىق تويلۇق قۇبۇل قىلىش مۇراسىمىنىڭ ئوڭۇشلۇق بولغانلىقىدىن ئىنتايىن خوشال بولغان؛ مورىيا بولسا، ھەر كۈنى تەقدىر ئاتا قىلغان بۇ غەنىمەتتىن مىننەتدار بولۇپ ئۆتۈشنى ئۈمىد قىلىدىغانلىقىنى بىلدۈرگەن.