ئەسسالامۇ ئەلەيكۇم ، ئاشپەز تور بېكىتىگە بېكىتىگە خۇش كەلدىڭىز : بۈگۈن :
ئاشپەز تورى

ساغلاملىق

نۆۋەتتىكى ئورنىڭىز : 首页 » ساغلاملىق  » تۇرمۇش مەسلىھەتچىسى
دۇفۇنىڭ بۇ خىل تەييارلاش ئۇسۇلىنى بىر مىنۇتتا ئۆگىنىۋالالايسىز
مەنبەسى : ئاشپەز تورىيوللىغۇچى : تەمزاتبەگ ۋاقتى : 2019-07-08كۆرۈلىشى : قېتىم
   دۇفۇ، ئەڭ ئەرزان بولغان بىر خىل كالتسى تۇلۇقلاش ماتىريالى بولۇپ، كۈندىلىك تۇرمۇشتا ھەمىشە ئىستىمال قىلىپ تۇرىمىز؛ بۇندىن باشقا، دۇفۇنى ھەرۋاقىت ئىشلەپچىقىرىشقا بولىدۇ، پەسىلنىڭ چەكلىمىسىگە ئۇچرىمايدۇ، تەييارلاش ئۇسۇلىمۇ نۇرغۇن. ئۇنىڭ ئۈستىگە، دۇفۇ بولسا، گۆش ئورنىدا ئىستىمال قىلىشقا ماس كىلىدىغان يىمەكلىك؛ چۈنكى، ئۇنىڭ تەركىبىدە پۇرچاق تۈرىدىكى ئاقسىللار ئىنتايىن كۆپ بولغاچقا، يۇقىرى تىمپىراتۇردا پىشىرۇش نەتىجىسىدە، گۆشتىنمۇ مەززىلىك بولۇپ كىتىدۇ.
   دۇفۇنىڭ تەييارلاش ئۇسۇللىرى ئىنتايىن كۆپ بولۇپ، بۈگۈن كۆپچىلىكنىڭ دىققىتىگە تۇنۇشتۇرماقچى بولغىنىمىز، مۇچ تۇزى تەملىك دۇفۇ؛ دۇفۇنىڭ بۇ خىل تەييارلاش ئۇسۇلى ئىنتايىن ئاددى بولۇپ، بىر مىنۇتتا ئۆگىنىۋالىمىز. تەييار قىلغان دۇفۇنى قازانغا تاشلاپ قويساق، ئۈچ مىنۇتتىلا پىشىپ تەييار بولىدۇ.
    كىتەرلىك ماتىريال: 500گىرام دۇفۇ، 500گىرام كالا سۈتى، 100گىرام كىراخمال، ئىككى تۇخۇم، مۇۋاپىق مىقداردا مۇچ تۇزى
تەييارلاش ئۇسۇلى

    دۇفۇنى ئاۋال سۇدا يۇيۇپ چايقىۋەتكەندىن كىيىن، سۈيىنى ساقىتىۋىتىپ،  تەرەپ ئۇزۇنلۇقى ئىككى سانتىمىتىر ئەتراپىدا بولغان كىچىك تۆت بۇرجەك قىلىپ توغرىۋالىمىز.
   بىر قاچىغا مۇۋاپىق مىقداردا كىراخمال ئېلىپ، توغراپ تەييار قىلغان دۇفۇنى ئۈستىگە تۆكۈپ، قولىمىزدا ناھايىتى ئاستاغىنا ئارىلاشتۇرۇپ، دۇفۇ يۈزىگە بىر قەۋەت كىراخمال يېپىشتۇرىمىز. كەينىدىن كىراخمال يېپىشتۇرغان دۇفۇ پارچىسىنى ئايرىم بىر قاچىغا سېلىپ ئىشلىتىش ئۈچۈن ئېلىپ قويىمىز.
    چىنىدىن يەنە بىرنى تەييارلاپ، چىنىگە ئىككى قوشۇق كىراخمال سېلىپ ئۈستىگە تۇخۇمدىن ئىككىنى چاقىمىز؛ چوكا بىلەن تەكشى ئارىلاشتۇرغاندىن كىيىن، قۇيۇق ئۇماچ شەكىللىك قىيام ھاسىل بولىدۇ.
   قازانغا ماي قۇيۇپ، ماي ئالتە ئۈلۈش قىزىغان ۋاقىتتا، دۇفۇ پارچىسىنى ئالدىدا تەييارلىغان قىيامنىڭ ئۈستىگە تۆكۈپ، دۇفۇنىڭ يۈزىگە بىر قەۋەت قىيام يېپىشقاندىن كىيىن، ماي قازىنىغا سېلىپ داغلايمىز؛ داغلاپ ئازراق قاتقاندىن كىيىن، ئۇنى ئاستاغىنا مالتىلاپ، قازانغا چاپلىشىۋىلىشنىڭ ئالدىنى ئالىمىز؛ ئاخىرىدا، دۇفۇ داغلىنىپ سارغايغان ۋاقىتتا ئۇنى ئۇسۇپ ئېلىپ، ئۈستىگە ئازراق مۇچ تۇزى سېپىۋەتسەكلا ئىستىمال قىلىشقا بولىدۇ.
   دۇفۇدىن قورۇما قورۇشقىلا بولىدىغان ئەمەس؛ دۇفۇنىڭ ئۇزۇقلۇق تەركىبى مول، تەييارلاش ئۇسۇلىمۇ ئاز ئەمەس. ئەگەر يۇقارقى ئۇسۇلنى ياقتۇرغان بولسىڭىز، ئۆزىڭىز تەييارلاپ سىناپ باقسىڭىز بولىدۇ.

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2018 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号