خانىم-قىزلارنىڭ ھەممىسى ئاپئاق ۋە يۇمران كەلگەن تىرىسى بۇلۇشنى ئۈمىد قىلىدۇ ؛ ئەمما داۋاملىق كىچىلىرى ئۇخلىماي سىمىنا قوشۇپ ئىشلەش ، خانىم قىزلارنىڭ تىرىسىنى بارغانسىرى ناچارلاشتۇرۋىتىدۇ ؛ بۇنداق بولغانىكەن ، ئۇنداقتا تىرىنى ئۈنۈملۈك ئاسراشنىڭ بىرەر ياخشى ئۇسۇللىرى بارمۇ ؟ بىز بىرلىكتە تۆۋەندىكى بىر نەچچە خىل ئۇسۇلنى كۈرۈپ باقايلى :

تىرىمىزگە سۇ تۇلۇقلاش

       ئۇخلاشتىن بۇرۇن يۈز چاپلىقى چاپلاپ ، چوڭقۇر قاتلاملار ئارقىلىق تىرىنى قۇۋۋەتلەپ ، تىرىگە سۇ تەركىبى ۋە ئۇزۇقلۇق ماددىلىرىنى تۇلۇقلاپ بىرىشىمىز لازىم . بىراق شۇنىڭغا دىققەت قىلىشىمىز كىرەككى ، يۈز چاپلىقى چاپلاش قېتىم سانى كۆپ بۇلۇپ كەتمەسلىگى كىرەك ؛ ئادەتتە بىر ھەپتىدە ئىككى قېتىمدىن ئۈچ قېتىمغىچە بولسا بۇلىدۇ . ئۇندىن باشقا ھەركۈنى ئەتىگەن ئۇرنىمىزدىن تۇرغاندىن كىيىن بىر ئىستاكان سۇ ئىچىۋىلىشنى ئۇنۇتماسلىقىمىز لازىم ، بۇنىڭدىمۇ ناھايىتى ياخشى بولغان تىرىگە سۇ تۇلۇقلاش ئۈنۈمىگە ئىرىشكىلى بۇلىدۇ .

ئۇخلاشتىن بۇرۇن كۆزگە ئاسراش ئېلىپ بېرىش

       بىر كۈنلۈك خىزمەتنى ئاخىرلاشتۇرغاندىن كىيىن كۆز قىسىم تىرىڭىزگە ئاسراش ئېلىپ بېرىشنى ھەرگىز ئۇنتۇپ قالماڭ ؛ كۆز بىر كۈننىڭ ئىچىدە ئەڭ كۆپ ئىشلىتىلىدىغان تۇيغۇ ئەزاسى ، شۇنداقلا بەدەندىكى تىرىلەر ئىچىدە ئەڭ نىپىز ۋە يۇمران كەلگەن قىسىمدۇر؛ شۇڭلاشقا كۆز ئەتراپى قارىداپ قېلىش ، كۆز خالتىسى قاتارلىقلار بىلەن خوشلىشاي دىسەك ، ئۇخلاشتىن بۇرۇن كۆز قىسىم تىرىلىرىگە ئاسراش ئېلىپ بېرىشنى ئۇنۇتماسلىقىمىز لازىم . بىز ئىچىپ بولالمىغان چاي ياكى قېتىق بىلەن ، كۆز ئەتراپىدىكى تىرىلەرنى سۈرتۈپ بەرسەك بۇلىدۇ . ئادەتتە بىر ئىككى ھەپتە داۋاملاشتۇرۇغاندىن كىيىن  تىرىڭىزنىڭ كۆرنەرلىك ياخشىلىنىپ قالغىنىنى بايقايسىز .

پۇت قىسىمنى ئاسراش

     ياز كۈنلىرى ، خانىم-قىزلار ئىگىز پاشنىلىق ئاياغ ياكى ساپما ئاياغ كىيىۋىلىشنى ياخشى كۈرىدۇ . ئەمما بۇ ئۇزۇن داۋاملاشقاندا ، پاچاق قىسىمنىڭ  ئېچىشىپ ئاغرىيدىغان بۇلۇپ قېلىشىنى كەلتۈرۈپلا  قالماي ، يەنە ئاسانلا قاداق پەيدا قىلىپ قويىدۇ ؛ ئەمما سىز ئەگەردە ئۇخلاشتىن ئىلگىرى پاچاقنى سىلىقلاشتۇرۇش سۈتىنى تاپىنىڭىزغا تەكشى سۈرۈپ ، پاختىلىق پايپاق كىيىپ پاچاقنى سىلىقلاشتۇرۇش سۈتىنىڭ تۇلۇق سۈمۈرلىشىگە تۇلۇق كاپالەتلىك قىلسىڭىز ، ئىككىنچى كۈنى پاچىقىڭىزنىڭ سىلىق يۇمران بۇلۇپ كەتكىنىنى بايقايسىز . قىشتا قوللىرىڭىز سوغۇقتىن يېرىلىپ كەتكەندىمۇ بۇخىل ئۇسۇلنى قوللانسىڭىز ياخشى ئۈنۈم كۆرەلەيسىز .

ئالقات چېيىدىن پايدىلىنىپ تەڭشەش ئېلىپ بېرىش

      ئادەتتە كىچىسى ئۇخلىماي ئىشلىگەندىن كىيىن ، ھەممەيلەن ئاز تولا بىئاراملىق ھىس قىلىدۇ . ۋاقىت ئۇزارغانسىرى ، تىرە ئۆڭۈپ ساغىرىپ ۋە يېرىكلىشىپ قالىدىغان ئەھۋاللار پەيدا بۇلىدىغان بۇلۇپ ، بۇ ئەمىلىيەتتە بەدىنىڭىزنىڭ سىزگە چىقارغان ئاگاھلاندۇرۇشىدۇر . شۇڭلاشقا بىر كۆپچىلىككە بىر ئىستاكان ئالقات چېيى ئىچىشنى تەۋسىيە قىلىمىز ؛ بۇ كۆز قىسىمدىكى چارچاشنى زور قىسىمدا ئازايتىپ ، بەدەننىڭ تەڭپۇڭلىقىنى ئەسلىگە ئەكىلىدۇ . بەزىدە ئەگەر يەنە جۈيخۇا گۈلى قوشۇپ ئىچەلىسىڭىز ئۈنۈمى تېخىمۇ كۆرنەرلىك بۇلىدۇ .

       يۇقۇردا سۆزلەنگەن بۇ ئۇستاتلىقلار پەقەت ئاسراش رولىنى ئوينايدۇ ، ھەرنىمە دىگەن بىلەن كىچىسى ئۇخلىماسلىق خانىم-قىزلارنىڭ گۈزەل چىرايىنى ساقلىشىدىكى چوڭ پەرھىزدۇر؛ شۇڭلاشقا ئۆزىڭىزنىڭ تىرىسىنى تېخىمۇ ياخشى بۇلۇشىنى ئۈمىد قىلسىڭىز ، يەنىلا كىچىدە ئۇخلىماسلىقتىن ئامال بار ساقلىنىشىڭىز لازىم بۇلىدۇ .

ئەسكەرتىش : تور بىكىتىمىزدىكى ئەسەرلەرنىڭ ئاپتور ھوقۇقى شىنجاڭ تەمزات مەدەنىيەت تارقىتىش چەكلىك شىركىتىگە تەۋە بۇلۇپ، رۇخسەتسىز كۆچۈرۈپ ئىشلەتكەنلەرنىڭ قانۇنى مەسئۇلىيىتى سۈرۈشتە قىلىنىدۇ!

友情提示：作品版权归新疆塔穆扎提文化传播有限公司所有，抄袭转载者必究法律责任！