ھەممىمىزگە مەلۇملۇق، قارا پۇرچاق، تۇرمۇشتا كۆپ ئۇچرايدىغان كۆپ خىل ئۈنۈملۈك بىر خىل يېمەكلىك بولۇپ، ئادەتتە شورۋىگۈرۈچ قاينىتىپ ياكى ئاچچىقسۇغا چىلاپ ئىستېمال قىلىنىدۇ. بۇندىن باشقا، قارا پۇرچاقنىڭ يەنە باشقا ئۈنۈملىرى بارمۇ؟

　　قارا پۇرچاقنىڭ ئۈنۈمى

　　قارا پۇرچاق، تىپىك بولغان يۇقىرى ئاقسىللىق، تۆۋەن ياغ تەركىبلىك يېمەكلىك بولۇپ، تەركىبىدە 18خىل ئامىنو كىسلاتاسى بار، بولۇپمۇ ئادەم بەدىنىگە زۆرۈر بولغان ئامىنو كىسلاتاسىدىن سەككىز خىلى بار؛ ئۇنىڭ تەركىبىدە يەنە 19 خىل ياغ كىسلاتاسى بار بولۇپ، بۇنىڭ ئىچىدە تويۇنمىغان ياغ كىسلاتاسىنىڭ مىقدارى %80گە يىتىدۇ، سۈمۈرۈلۈش نىسبىتى ئىنتايىن يۇقىرى.

　　قارا پۇرچاق تەركىبىدە، ۋىتامىن E، سىئانىن، ئىزوفلاۋۇن قاتارلىق ماددىلار بار؛ بۇندىن باشقا، سىنىك، مىس، ماگنىي، سېلىن، فىتور قاتارلىق ماددىلارنىڭ مىقدارىمۇ ئىنتايىن يۇقىرى بولۇپ، بۇ مىكرو ئىلمىنتلارنىڭ ئادەم بەدىنىنىڭ قېرىشىنى ئاستىلىتىش، قاننىڭ قۇيۇقلۇقىنى تۆۋەنلىتىش قاتارلىق رولى بار.

　　قارا پۇرچاقنىڭ رولى

　　ھۆسىن گۈزەللەشتۈرۈش: قەدىمكى زاماندىكى نۇرغۇنلىغان تىبابەت دەستۇرلىرىدا، قارا پۇرچاقنىڭ چىرايىنى ياش ھالەتتە ساقلاش، كۆزنى روشەنلەشتۈرۈش، چاچ قارايتىش، تېرىنى يۇمرانلاشتۇرۇش قاتارلىق ئۈنۈملىرى بار دەپ خاتىرىلەنگەن.

　　ئۇنداقتا، نېمىشقا قارا پۇرچاقنىڭ ھۆسىن گۈزەللەشتۈرۈش رولى بار؟ چۈنكى، قارا پۇرچاق تەركىبىدە ۋىتامىنلار مول؛ بولۇپمۇ ۋىتامىن E بىلەن B ئائىلىسىدىكى ۋىتامىنلارنىڭ مىقدارى ئىنتايىن يۇقىرى بولۇپ، ۋىتامىن Eنىڭ مىقدارى گۆش تۈرىدىكى يېمەكلىكلەرنىڭ 7-5ھەسسىسىگە توغرا كېلىدۇ. ۋىتامىن E بولسا، ئىنسانلار ھازىرغىچە بايقىغان، ياشلىقنى ساقلاپ چىراي گۈزەللەشتۈرىدىغان ئەڭ ياخشى ماددا.

　　قەۋزىيەتنىڭ ئالدىنى ئېلىش: قارا پۇرچاق تەركىبىدىكى يىرىك تالا ماددىسىنىڭ مىقدارى %4كە يىتىدىغان بولۇپمۇ، سېرىق پۇرچاقتىن كۆپ ئۈستۈن تۇرىدۇ. يىرىك تالا ماددىسىنىڭ تەرەتنى راۋانلاشتۇرۇش رولى بار. شۇڭا، قارا پۇرچاقنى كۆپرەك ئىستېمال قىلىپ بەرسەك، قەۋزىيەتنىڭ ئۈنۈملۈك ئالغىلى ئالدىنى بولىدۇ.

　　ماغدۇر تۇلۇقلاپ روھلۇق قىلىدۇ: ئادەمنىڭ قېرىشى، كۆپىنچە بۆرەك ئىقتىدارىنىڭ ئاجىزلىشىشىدىن باشلاپ گەۋدىلىنىدىغان بولۇپ، قېرىشنى ئاستىلىتىپ ئۇزۇن ئۆمۈر كۆرىمەن، ھەمدە روھىمىزنى جۇشقۇن قىلىمەن دېسەك، چوقۇم ئاۋۋال بۆرەكنى قۇۋۋەتلەش كېرەك. جۇڭگۇ تىبابىتىنىڭ قارىشىچە، قارا پۇرچاقنىڭ بۆرەك قۇۋۋەتلەش ئۈنۈمى بار.

     چوڭ مېڭىنىڭ قېرىشىنىڭ ئالدىنى ئالىدۇ: پۇرچاق تەركىبىدە، %2گە يېقىن تۇخۇم سېرىق ماددىسى بار بولۇپ، مېڭىگە قۇۋۋەت يەتكۈزۈپ، چوڭ مېڭىنىڭ قېرىپ ئىنكاسىنىڭ ئاستىلاپ قېلىشىنىڭ ئالدىنى ئالىدۇ.