ئەنگېلىيە ۋارتىل ئايمىقىدىكى بىر جۈپ قوشكېزەك ئوغۇل، ئانىسى ھامىلدار بولغىلى 23ھەپتە بولغاندىلا ئۇلارنى بالدۇر تۇغۇپ قويغانلىقى ئۈچۈن، دۇنيادىكى ئەڭ كىچىك قوشكېزەك ئوغۇلغا ئايلانغان.
   ئىگىلەشلەرگە ئاساسلانغاندا، تالىيا ھامىلدارلىق 23-ھەپتىسىدىلا، بىر جۈپ قوشكېزەك ئاشىلىي بىلەن جوينى تۇغۇپ قويغان؛ ھەر ئىككى بوۋاقنىڭ تۇغۇلغاندىكى بەدەن ئېغىرلىقى بىر قاداققىمۇ(0.9جىڭ) يەتمەيدىغان بولۇپ، جوي 0.86جىڭ ئېغىرلىقتا، ئاشىلىي 0.8جىڭ ئېغىرلىقتا تۇغۇلغان. ئۇلار تۇغۇلغان ۋاقىتتا، تالىيانىڭ ئالقىنىدىن ئازراقلا چوڭ بولۇپ، ئېغىرلىقى ھەتتا 500مىللىلىتىرلىق بىر بوتولكا سۇچىلىكمۇ كەلمەيتتى.

   بۇنداق كىچىك بوۋاقنىڭ ھايات قېلىش نىسبىتى مىليوندىن بىر بولسىمۇ، ئەمما دوختۇرخانىنىڭ ئېغىر كېسەللەرنى كۆزىتىش ئۆيىدە ساق 129كۈننى ئۆتكۈزگەندىن كېيىن، ئاكا-ئۇكا ئىككەيلەن ئاخىرى دوختۇرخانىدىن ساق سالامەت چىققان، ھازىر ئۇلارنىڭ ئەھۋالى ئىنتايىن ياخشى كىتىپ بارماقتا.
   تالىيانىڭ دېيىشىچە، دەسلەپ تۇغۇلغان ۋاقتىدا، ئىككى بوۋاقنىڭ تىرىسى ئىنتايىن نېپىز بولغاچقا، تالىيا بالىسى تۇغۇلۇپ بەش ھەپتىدىن كېيىن، ئاندىن بالىلىرىنى تۇنجى قېتىم قۇچىقىغا ئېلىپ كۆتۈرەلىگەن. بىراق، بۇ قېتىملىق كەچمىشتىن كېيىن، ئۇلار بىر ئائىلە كىشىلىرىنىڭ مۇناسىۋىتى تېخىمۇ يېقىنلىشىپ كەتكەن.
   ھازىر، بۇ بىر جۈپ تەلەيلىك ئاكا-ئۇكا، يەنىلا ئېلىپ يۈرۈشكە ئەپلىك ئوكسېگىن خالتىسى ئىشلىتىۋاتقان بولۇپ، ئۇلارنى قەرەللىك تۈردە دوختۇرخانىغا ئېلىپ بېرىپ تەكشۈرتۈپ تۇرۇش كېرەك ئىكەن.