دۇنيادىكى تۇغۇلما قارا رەڭلىك جانلىقلار تىلغا ئېلىنسا، كۆپچىلىكنىڭ بىرىنچى بولۇپ ئىسىگە ئالىدىغىنى، بەلكىم قاغا بولۇشى مۇمكىن. قاغىدىن باشقا، يەنە قارا توخۇمۇ بار. قارا توخۇ ئادەتتە قارا سۆڭەكلىك توخۇ دەپمۇ ئاتىلىدۇ.

   ئادەتتىكى توخۇ گۆشىگە قارىغاندا، قارا توخۇ گۆشى تېخىمۇ يۇمران، ئۇزۇقلۇق قىممىتى تېخىمۇ يۇقىرى كېلىدۇ. دورىلىق قىممىتى جەھەتتە، ئادەتتىكى قۇش تۈرلىرى قارا توخىغا يىتەلمەيدۇ. ئىنسانلارنىڭ قارا توخۇ بېقىش تارىخى، 2000يىلدىن ئاشىدۇ.

   لېكىن دۇنيادا، يەنە بىر خىل قارا توخۇ بار بولۇپ، ئۇنىڭ سىرتقى كۆرۈنۈشى، بىز ئادەتتە ئۇچرىتىدىغان قارا توخۇدىنمۇ كۆپ قارا، ھەتتا ئۇنىڭ تۇغقان تۇخۇمىمۇ، كۆمۈرگە ئوخشاش قارا؛ ئەمما باھاسى، بىز ئالدىدا سۆزلەپ ئۆتكەن قارا توخۇنىڭ نەچچە ئون ھەسسىسىگە توغرا كېلىدۇ. بۇ توخۇنىڭ، تۇمشۇقى، كۆزلىرى، پۇتلىرى قاپقارا بولغاندىن باشقا، تىرىسى، مۇسكۇللىرى، سۆڭىكى ۋە كۆپ قىسىم ئىچكى ئەزالىرىمۇ قارا رەڭلىك.
   بۇ توخۇنى ئىسمى، لامبورگىنى توخۇسى(兰博基尼鸡)؛ بۇ ئىسىمدىنلا، ئۇنىڭ ئادەتتىكى توخۇغا قارىغاندا چوڭ ئىكەنلىكىنى بىلىۋالالايمىز. بۇ توخىمۇ قارا توخىنىڭ بىر خىلى بولۇپ، ھىندونىزىيىدىن تارقالغان، ھەر بىرسىنىڭ سېتىلىش باھاسى 2500ئامرىكا دوللىرى (تەخمىنەن 15350يۈەن خەلق پۇلىغا تەڭ) كېلىدۇ.

   لامبورگىنى توخىسىنىڭ پاچىغى، مۇسكۇللىرى، سۆڭىكى ۋە ئىچ ئەزالىرىنىڭ ھەممىسى قارا رەڭدە؛ ئۇنىڭ ئۈستىگە ئادەتتىكى قارا توخۇغا قارىغاندا تېخىمۇ قارا رەڭدە بولۇپ، ئاخشىمى قاراڭغۇ چۈشكەندىن كىيىن، كۆز بىلەن كۆرۈپ پەرقلەندۈرگىلى بولمايدۇ.
   لامبورگىنى توخىسى، نۇرغۇنلىغان يېغىپ ساقلاش ھەۋەسكارلىرى چۈشىدىمۇ ئىنتىلىدىغان جانلىق بولۇپ ھېسابلىنىدۇ؛ چۈنكى، بۇ توخۇ ئىنتايىن ئۆزگىچە ھەم ئاز ئۇچرايدۇ. ھىندىنوزىيەدە بولسا، نۇرغۇنلىغان مۇراسىملاردا، كىشىلەرنىڭ بۇ خىل لامبۇرگىنى توخىسى يەيدىغان ئادىتى بار.

   بۇنىڭ بىلەن بىرگە، لامبۇرگىنى توخۇسى، ئەينى جايدىكى كىشىلەر ئۈچۈن پايدا ئېلىپ كىلەلەيدۇ؛ شۇنىڭ ئۈچۈن، ھىندىنوزىيەدە، نۇرغۇن ئائىلىلەردە بۇ خىل توخۇ بېقىلىدۇ. دىققەت قىلىشقا ئەرزىيدىغان يىرى شۇكى، بۇ توخۇنىڭ تۇخۇمىمۇ كۆمۈردەك قارا كېلىدۇ.