ئىشىنىمەنكى سىز ھامبۇرگ بولكىسىنى كۆپ يىگەن، ئەمما چوقۇم ئۇنچە بەك چوڭ ئەمەس. ئىگىلەشلەرگە ئاساسلانغاندا، ئامىرىكىنىڭ مىچىگىن شىتاتىدىكى بىر تاماقخانىدا، دەرىجىدىن تاشقىرى بىر ھامبۇرگ بولكىسى مەيدانغا كەلگەن! بۇ دەرىجىدىن تاشقىرى ھامبۇرگ بولكىسىنىڭ ئېغىرلىقى 1774قاداق(تەخمىنەن 1609جىڭغا تەڭ) كىلىدىغان بولۇپ، بىر تۇياق كالىدىنمۇ ئېغىر. ئۇنىڭ سېتىلىش باھاسى 6000فوندسىتىرلىڭغا(تەخمىنەن 52مىڭ يۈەن خەلق پۇلىغا تەڭ) يىتىپ، نۆۋەتتە دۇنيادىكى ئەڭ چوڭ ھەم ئەڭ قىممەت ھامبۇرگ بولكىسغا ئايلانغان ۋە جىننىس دۇنيا رىكوتى ياراتقان.

   بۇ ھامبۇرگ بولكىسىنىڭ ئارىسىغا ئېلىنغان كۆكتاتلار ئىنتايىن "مول" بولۇپ، پەقەت قوشۇلغان پىيازنىڭ ئۆزىلا 300قاداققا(تەخمىنەن 272جىڭغا تەڭ) يەتكەن؛ بۇندىن باشقا، ھامبۇرگ بولكىسى ئارىسىغا ئېلىنغان "غايەت زور" كالا گۆشىنى پىشۇرۇش ئۈچۈنمۇ ئاز ئىش كەتمىگەن. ئەمما تىرىشقان يەردە قالماپتۇ دەپ، بۇ دەرىجىدىن تاشقىرى ھامبۇرگ بولكىسى مۇۋەپپىقىيەتلىك پىشۇرۇلۇپ، ئەتراپتىكى ھەممەيلەننىڭ ئىشتىھاسىنى قوزغاپ شۆلگەيلىرىنى ئېقىتقان.

   ئەمىلىيەتتە، بۇ دەرىجىدىن تاشقىرى ھامبۇرگ بولكىسىنى، بىر خېرىدار ئۈچ كۈن بۇرۇن زاكاز قىلغان؛ ئەمما بۇ خېرىدارنىڭ نىمە ئۈچۈن بۇنچە چوڭ ھامبۇرگ بولكىسىنى لازىم قىلىدىغان بولۇپ قالغىنىنى ھېچكىم بىلەلمىگەن. بىراق، بۇ تاماقخانىنىڭ بۇنچىلىك چوڭلۇقتىكى ھامبۇرگ بولكىسىنى پىشۇرۇپ تەييار قىلالىشى، ئادەمنى قاتتىق ھەيران قالدۇرغان ھەمدە بۇ ئارقىلىق يىڭى دۇنيا رىكوتى ياراتقان.