ياز، كۈز كۈنلىرىدە پاشا كۆپلەپ قالىدىغان بولۇپ، ئادەمنى پاشا چېقىۋىلىش نىسبىتى يۇقىرىلايدۇ. پاشا چېقىۋالغاندىن كىيىن، كۆپ قىسىم ئادەمدە كۆرۈنەرلىك ئىنكاس كۆرۈلمەيدۇ، پەقەت ئازراق قاپىرىپ ياكى قىزىرىپ قالىدۇ ھەمدە ئازراق قىچىشىدۇ.  بىراق، بەزى كىشىلەردە كۈچلۈك ئىنكاس قوزغايدىغان بولۇپ، پاشا چىقىۋالغان يەر قاتتىق ئىششىپ كىتىدۇ ۋە دوختۇرغا كۆرۈنگىلى سالىدۇ. ئۇنىڭ ئۈستىگە، پاشا يەنە كىسەللىك ۋىرۇسى ئېلىپ يۈرگەن بولۇشى مۇمكىن بولۇپ، يۇقۇملۇق كىسەللىكلەرنىڭ تارقىلىشىنى كەلتۈرۈپ چىقىرىدۇ.

پاشا قايسى خىلدىكى كىسەللىكلەرنى تارقىتىدۇ؟
   دۇنيا مىقياسىدا، پاشا تارقىتىدىغان كىسەللىكلەردىن، بەزگەك، سېرىق قىزتما، دېنگېي قاناش قىزىتمىسى، كېكونكېنيارى، زىكا ۋىروسى قاتارلىقلار بار. ئامىرىكىدا، پاشىنىڭ چېقىۋىلىشى ئارقىلىق تارالغان كىسەللىكلەردىن، شىنولا ۋىروسى، سانرويىس مىڭە ياللۇغى، لاكروس مىڭە ياللۇغى، جەيكا ۋىرۇسى قاتارلىقلار بار.
    تا بۈگۈنكى كۈنگىچە، پاشا ئارقىلىق تارالغان بەزگەك كىسىلى، ئافرىقىدىكى بەزىبىر دۆلەتلەردە، يەنىلا كىشىلەرنىڭ ساغلاملىقىغا ئېغىر تەھدىت ئېلىپ كەلمەكتە. ھەتتا ئۆلۈپ كەتكەنلەرمۇ ئاز ئەمەس.

  (ئۈستىدىكى سۈرەتتىكىسى، بەزگەك قۇرتىنىڭ ئادەم بەدىنىدىكى كۆپىيىش دەۋرى)
پاشا ئەيدىز كىسىلى تارقىتامدۇ؟
   بەزى كىشىلەر، پاشا ئەيدىز كىسىلى بىمارلىرىنى چاققاندىن كىيىن، ئەيدىز كىسىلى ۋىرۇسىنى كىيىنكى قېتىم چاققان ئادەمگە يۇقتۇرۇپ قويامدۇ يوق ئەنسىرەيدۇ. ھازىر ئىگىلىگەن ئىسپاتلاردىن قارىغاندا، پاشا ئەيدىز كىسىلى ۋىرۇسىنى تارقاتمايدۇ. چۈنكى، بىر جەھەتتىن، ئەيدىز كىسىلى ۋىرۇسى، پاشىنىڭ بەدىنىدە ياشىيالمايدۇ ھەم كۆپىيەلمەيدۇ؛ يەنە بىر جەھەتتىن، پاشا سۈمۈرگەن قان سۇيۇقلۇقى، كىيىنكى قېتىم چاققان ئادەمنىڭ بەدىنىگە ئېقىپ كىرمەيدۇ. شۇنىڭ ئۈچۈن، ھازىرغا كەلگۈچىلىك، پاشىنىڭ ئەيدىز كىسىلى ۋىرۇسى تارقاتقانلىق خەۋىرى بايقالمىدى.

   ئادەمنى پاشا چېقىۋالسا، بەزىدە ئېغىر دەرىجىدە رىئاكسىيە بىرىش كۆرىلىدۇ؛ ئايرىم بىر قىسىم رايونلاردىكى پاشىلار، ھەتتا بەزگەك قاتارلىق بىر قىسىم يۇقۇملۇق كىسەللىكلەرنى تارقىتىدۇ. شۇنىڭ ئۈچۈن، ئادەتتە پاشىنىڭ ئالدىنى ئېلىشقا ئالاھىدە ئەھمىيەت بىرىش كىرەك.