ھازىر نۇرغۇن كىشىلەر ئېغىر تەملىك يىمەكلىكلەرنى يىيىشنى ياخشى كۆرىدىغان بولۇپ، بەزىدە ئەتىگەندە ناشتا قىلمايدىغان، كەچتە بولسا چوڭ يەپ چوڭ ئىچىدىغان ئەھۋاللار كۆرىلىدۇ؛ يەنە بىر قىسىم كىشىلەر بولسا ئاچچىق تەم يىيىشنى ياخشى كۆرىدۇ. بىراق، ھەمىشە بۇ خىل يىمەكلىكلەرنى ئىستىمال قىلىۋەرسەك، ئادەم ئاسانلا قوقاقلاپ قالىدىغان بولۇپ، بۇنىڭغا ھازىرقى كىلىماتنىڭ تۇراقسىزلىقى قوشۇلسا، ئاسانلا زۇكامداپ ھۆتىلىپ قالىدىغان ئەھۋالنى كەلتۈرۈپ چىقىرىدۇ. ئەگەر سىزدىمۇ يۇقارقىدەك قوقاقلاپ ھۆتىلىپ قالىدىغان ئەھۋال كۆرۈلگەن بولسا، ئەنسىرمىسڭىزمۇ بولىدۇ، تۆۋەندە تۇنۇشتۇرماقچى بولغان ئاق تۇرۇپ سۈيىنى كۆپرەك ئىچىپ بەرسىڭىز، ئىسسىق يەل ۋە قوقاقنى ھەيدەپ، ھۆتەلنى توختىتىپ بەلغەمنى بوشىتىدۇ.

    ئاق تۇرۇپ، تۇرمۇشىمىزدىكى ئەڭ ئادەتتىكى بولغان يىمەكلىك ماتىريالى؛ ئۇنىڭ ئۈستىگە ئاق تۇرۇپنىڭ باھاسىمۇ ئىنتايىن ئەرزان. بىراق، سىز بۇ سەۋەپلىك ئاق تۇرۇپنىڭ رولى ۋە ئۈنۈمىنى بوش چاغلاپ قالماڭ؛ ئۇنىڭ كۆرسىتىدىغان ئۈنۈملىرى ئىنتايىن كۆپ بولۇپ، ئاق تۇرۇپنى قايناتقان سۇنى دائىم ئىچىپ بەرسىڭىز، زۇكامداپ قېلىشنىڭ ئالدىنى ئېلىپلا قالماي، يەنە تېخى ئىسسىق يەل ۋە قوقاقنى ھەيدەيدۇ.

    يۇقارقىلاردىن باشقا، ئادەتتە ئاق تۇرۇپ قايناتقان سۇنى كۆپرەك ئىچىپ بەرسەك، مىكرۇپ ئۆلتۈرۈپ كىسەللىككە قارشى تۇرۇپلا قالماي، يەنە زۇكامنىڭ ئالدىنى ئالالايدۇ. بۇنىڭدىن باشقا، قاينىتىپ پىشىرۇلغان غولپىيازنىڭ بۇرنىدىن سۇ ئېقىپ قېلىشنى ياخشىلاش رولى بار بولۇپ، تۆۋەندە كۆپچىلىكنىڭ دىققىتىگە، ئاق تۇرۇپ ۋە غولپىيازنى قاينىتىپ "كۆكتات شورپىسى" تەييارلاش ئۇسۇلىنى تۇنۇشتۇرۇپ ئۆتىمىز.

    ئالدى بىلەن ئاق تۇرۇپنى ئاقلاپ يۇيۇپ پاكىزلىغاندىن كىيىن، كىچىك پارچە ھالىتىدە توغرايمىز؛ غولپىيازنىمۇ ئاقلاپ بۆلەك ھالىتىدە توغرايمىز. قازانغا تۇرۇپ بىلەن غولپىياز پۈتۈنلەي چۆكۈشكىچىلىك سۇ قۇيىمىز.
   چوڭ ئوت ئېچىپ قازاننى قايناتقاندىن كىيىن، كىچىك ئوتقا ئالماشتۇرۇپ، 10مىنۇت ئەتراپىدا قاينىتىمىز؛ بۇ ۋاقىتتا قازاندىكى سۇنىڭ رەڭگى ئۆزگەرگەندە ئوتنى ئۆچۈرسەك بولىدۇ.