ئىگىلەشلەرگە ئاساسلانغاندا، ئىلگىرى، گىرىم قىلىش ئارقىلىق مۇۋەپپىقىيەتلىك ھالدا چىرايىنى ئەدشىرانغا ئوخشاش قىلغان ھەمدە بۇ سەۋەپلىك YouTubeتورىدا داڭ قازىنىپ تور چولپىنىغا ئايلانغان لوس-ئانژىلىسلىق گىرىمچىك پىرۇمىسىي.تاماڭ، يېقىندا يەنە يىڭى بىر ئىجادىيەتنى تاماملىغان بولۇپ، دەرىجىدىن تاشقىرى گىرىم قىلىش تېخنىكىسىدىن پايدىلىنىپ، چىرايىنى كالپۇكلىرى قېلىن كۆزلىرى ياقۇتتەك كەلگەن بېس قونچىقىنىڭ چىرايىغا ئوپئوخشاش قىلىپ ياساپ چىققان.

   پىرومىسىي گىرىم بۇيۇملىرىدىن پايدىلىنىپ، ئۆزىنى ھەقىقى بىر بېس قونچۇقى قىلىپ ياساپ چىققان بولۇپ، مۇبالىغىلەشتۈرۈلگەن كۆزلىرى ۋە جەلپكار قېلىن كالپۇكلىرى ئۆز-ئەينى ئوخشىتىپ چىقىرىلغان. پىرومىسينىڭ YouTubeتورىدىكى يېغىلغان مەستانىلىرى جەمئى 4مىليۇن 800مىڭغا يەتكەن بولۇپ، بۇ ئاساسلىقى ئۇنىڭ ئىجادىي دەرسلىكلىرى توردا تەلۋىلەرچە ئالقىشقا ئىرىشكەنلىك سەۋەبىدىن بولغان. ئۇ ئىلگىرى، يەنە گىرىم قىلىش ئارقىلىق، چىرايىنى نۇرغۇنلىغان ھەقىقى تۇرمۇشتىكى چولپانلارغا ۋە كارتۇن فىلىملىرىدىكى شەخىسلەرگە ئوخشىتىپ ياساپ چىققان.