ھازىرقى جەمئىيىتىمىزدە، ئۈندىدار، تۇرۇمۇشتا بىز ئەڭ كۆپ ئىشلىتىدىغان قورالغا ئايلىنىپ قالغان بولۇشى مۇمكىن. مىنىڭ قارىشىمچە، ئۈندىدار ئارقىلىق پاراڭلاشقاندا، قارشى تەرەپنىڭ ئادىمىيلىكىنى تېخىمۇ ئاسان كۆرۈپ يەتكىلى بولىدىغان بولۇپ، بۇنىڭ بىلەن بىرگە، ئۈندىداردا پاراڭلىشىش جەريانىدا، سىز يەنە قارشى تەرەپنىڭ سىزنى ياخشى كۆرىدىغان كۆرمەيدىغانلىقىنى بىلىۋالالايسىز.
    ئۈندىداردا سىزگە تۆۋەندىكىدەك ئۇچۇر قايتۇرغان ئەر كىشى، سىزنى ياخشى كۆرمەيدىغان بولۇپلا قالماستىن، بەلكى يەنە تېخى سىزدىن بىزارلىق ھىس قىلغان بولۇشى مۇمكىن.

سىز بىرمۇنچە گەپلەرنى قىلىسىڭىز، سىزگە پەقەت بىر ياكى ئىككى سۆزلۈكلا جاۋاپ قىلغان ئەر كىشى
    بىر ئادەمنى ياخشى كۆرگەن ۋاقىتتا، مەيلى نىمە ئىشلارغا يولۇقمايلى ياكى نىمە ئىش يۈزبەرمىگەن بولمىسۇن، خۇشاللىق بولسىمۇ ياكى قايغۇلۇق ئىشلار بولسىمۇ، ئۆزىمىز ياخشى كۆرىدىغان ئۇ ئادەم بىلەن ئورتاق بەھىرلىنىشنى ئويلايمىز. بۇنداق ئەھۋالدا، ئەگەر قارشى تەرەپ سىزنى ياخشى كۆرسە، ئۇنداقتا سىز پەقەت ئۇنىڭغا ئېيتسىڭىزلا، ئۇ سەۋرچانلىق بىلەن سىزنىڭ سۆزلىرىڭىزنى ئاڭلاپ، سىز خۇشال بولغان بولىسڭىز سىزگە بىللە خۇشال بولۇشۇپ بىرىدۇ، سىز ئەگەر خاپا بولۇپ قالغان بولىسڭىز، ئۇ سىزگە تەسەللى بىرىدۇ.
    بىراق، سىزنى ياخشى كۆرمەيدىغان ئەر كىشى، سىز ئۇنىڭغا ھەرقانچە كۆپ بىرنەرسىلەرنى دىسىڭىزمۇ، ئۇ مەڭگۈ پەقەت بىر ئېغىزلا "ھە"، "شۇنداقمۇ" دىگەن جاۋابنىلا قىلىدۇ. شۇڭلاشقا، ئەگەر ئەر كىشى ھەمىشە سىزگە بۇ ئۇسۇلدا جاۋاپ قىلىشنى باشلىسا، ئۇنىڭدىن قايتا ئۈمىد كۈتمىسىڭىزمۇ بولىدۇ؛ چۈنكى بۇ، ئۇنىڭ سىزنى ياخشى كۆرمەيدىغان بولۇپ قالغانلىقىنىڭلا ئەمەس، ھەتتا سىزدىن بىزار بولۇشقا باشلىغانلىقنىڭ ئىپادىسىدۇر.

ئۇچۇرىڭىزنى كۆرمەي قالغان بولىۋىلىپ سىزگە ئۇچۇر قايتۇرماسلىق
   بىر ئەر كىشى سىزنى ياخشى كۆرىدىغان ۋاقىتتا، سىز ئۇنىڭغا ئۇچۇر قىلغان ۋاقتىڭىزدا ئۇ چوقۇم قايتۇرىدۇ؛ چۈنكى ئۇ، سىزنىڭ ئۇنى تاپالماي ئەنسىرەپ قېلىشىڭىزدىن قورقۇپ، سىزنىڭ قىلغان ئۇچۇرلىرىڭىزنى ھەرگىز ئۆتكۈزىۋىتىپ قالمايدۇ. بەزىدە، ئۇ ھەتتا ئالدىراش بولۇپ قېلىپ، ئۇچىرىڭىزنى ۋاقتىدا كۆرەلمىگەن ۋە قايتۇرالمىغان بولسىمۇ، كىيىنچە سىزگە تەپسىلى چۈشەندۈرۈپ سىزدىن ئەپۇ سورايدۇ.
   بىراق، ئەگەر ئەر كىشى سىزنى ياخشى كۆرمەيدىغان بولۇپ قالسا، ئۇنداقتا سىز ئۇنىڭغا ھەرقانچە كۆپ ئۇچۇر ئەۋەتسىڭىزمۇ، ئۇنىڭ سىزگە ئۇچۇر قايتۇرىدىغان ۋاقتى ناھايىتى ئاز بولىدۇ، ھەتتا باشقىلارنىڭ ئالدىدا سىزنى تولا ئۇچۇر ئەۋەرتىپ ئاۋارە قىلىۋەتتى دەپ قاقشايدۇ.

نەچچە ئېغىز پاراڭلىشىپلا ئۇخلاشنى باھانە قىلىپ يوقاپ كىتىش
    سىزنى ياخشى كۆرىدىغان ئەركىشى، ھەمىشە سىز بىلەن قانچە پاراڭلاشسىمۇ پاراڭ تۈگىمەيدىغاندەك ھىس قىلىدۇ، ھەرقانچە كەچ قالسىمۇ چارچاپ ئۇيقۇسى كىلىپ قالمايدۇ، ئاخىرىدا سىز پاراڭنى توختىتىشنى ئوتتۇرغا قويغاندا ئاندىن كۆزى قىيمىغان ھالدا بولدى قىلىدۇ. بىراق، سىزنى ياخشى كۆرمەيدىغان، ھەتتا سىزدىن بىزار بولغان ئەر كىشى بولسا، سىلەر نەچچە ئېغىز پاراڭلاشمايلا، ئۇيقۇسى كىلىپ قالغانلىقىنى باھانە قىلىپ، پاراڭنى توختىتىپ يوق بولىدۇ. ئەمما كەينىدىنلا، سىز ئۇلارنىڭ دوستلار چەمبىرىكىگە مەزمۇن يوللىغانلىقىنى كۆرەلەيسىز، ياكى بولمىسا تور ئۇيۇنلىرى ئىچىدە ئۇلارنىڭ سىماسىنى تېىپىۋالالايسىز.