ئىگىلەشلەرگە قارىغاندا،  ئامىرىكا خىيوستوندىكى بىر دوختۇرخانىدا، بىر ھامىلدار ئايال بەشكىزەك قىز تۇغقان بولۇپ، بۇ، يېقىنقى 50يىلدىن بىرى، ئامىرىكا تارىخىدىكى تۇنجى بولغان ھەمدە ھەممىسى قىز تۇغۇلغان بەشكىزەك بوۋاق ئىكەن. ئەينى ۋاقىتتا، دوختۇر پەقەت 4مىنۇت ۋاقىت سەرپ قىلىپلا، ئوپراتسىيە قىلىپ تۇغدۇرۇشنى تۈگىتىپ، ھامىلدار ئايالنىڭ ئوڭۇشلۇق تۇغۇشىغا ياردەملەشكەن؛ بۇ قېتىم تۇغۇلغان بەشكىزەك بوۋاقنىڭ ئىچىدە ئىككىسى، بىر ئۇرۇقلانغان تۇخۇمدىن تۇغۇلغان بوۋاقلار ئىكەن. ھازىر بۇ بەش بوۋاق ھەممىسى بىر يېرىم ياشقا كىرىپ قالغان بولۇپ، نۆۋەتتە ئۇلارنىڭ سالامەتلىكى ئىنتايىن ياخشى ئىكەن.

    ئەر-خوتۇن ئىككەيلەننىڭ،  ئەينى ۋاقىتتىكى بەشكىزەككە ھامىلدار بولغانلىقىنى بىلگەن ۋاقتىدىكى ئىشىنەلمەي قالغانلىرى، ھازىرمۇ ئۇلارنىڭ ئىنىق ئىسىدە. ئىرى ئادام بۇيىل 34 ياشقا كىرگەن بولۇپ، ئۇنىڭ دىيىشىچە، ئەينى ۋاقىتتا، تەكشۈرۈش ئەسۋابىدا بەشكىزەك بوۋاق كۆرۈلگەن ۋاقىتتا، ئۇ ھەيران قالغانلىقىدىن قولىدىكى قەھۋەنىمۇ چىڭ تۇتالماي، ئېغىزىنى ئېچىپلا قالغان ھەمدە نەچچە كۈن ئۆتكەندىن كىيىن، ئاندىن بۇنىڭ راستىلىقىغا ئىشىنەلىگەن؛ ئايالى دانىيىلمۇ ئەينى ۋاقىتتا كۆزلىرىگە ئىشىنەلمەي قالغان؛ چۈنكى ئۇلار ئىلگىرى ئىككى يىل ۋاقىت سەرپ قىلىپ ئاندىن تۇنجى قىزى بىلايىكنى تۇغقان ئىدى، ئەمما ئويلىمىغان يەردىن بۇ قېتىم بىراقلا بەشكىزەك بوۋاققا ھامىلدار بولغان.

    ھامىلدارلىق مەزگىلىدە، دانىيىل ھەركۈنى دىگۈدەك چوڭ يەپ چوڭ ئىچىپ، ئوتتۇرا ھىساپ بىلەن ھەركۈنلۈكى 4500كىلوكالورىيە ئىنىرگىيە قوبۇل قىلغان. كىيىنچە ئۇنىڭ چاقچاق قىلىپ ئېيتىشىچە، ھامىلدارلىق مەزگىلىدە، ئۇ غايەت زور مەخلۇققا ئايلىنىپ قالغان بولۇپ، ھەتتا دۈمچە قىسىملىرىمۇ سېمىز گۆشلەرگە تولۇپ كەتكەن ئىكەن.