5-دىكابىر كۈنى، ئامرىكا تېكساس شىتاتى يەرلىك سوت كوللىگىيىسى كىشىنى ھاڭ-تاڭ قالدۇرىدىغان بىر دىلونى قوبۇل قىلدى: بۇ يىل 19 ياشقا كىرگەن ئامرىكا پۇقراسى جېسسىي.گىرورىيا يالغاندىن ساقچى قىياپىتىدە ياسنىپ، ئاھالىلەر ئۆيىگە كىرىپ بولاڭچىلىق قىلغاندىن كىيىن، بۇ ئۆيدىكى 77ياشلىق بىر مومايغا باسقۇنچىلىق قىلغان. جېسسىي.گىرورىيانىڭ بۇ خىل ئادەم قىلىپىدىن چىققان جىنايى قىلمىشى، زاستاتىللار ئۆمىكىنىڭ قاتتىق غەزىۋىنى قوزغىغان.
    بۇ ۋەقە 2018-يىلى 8-ئاينىڭ كىيىنكى يېرىمىدا يۈز بەرگەن بولۇپ، ئۈستىگە ساقچى كىيىمى كىيىپ، ساقچىلار ئىشلىتىدىغان قورال-جابدۇقلارنى تۇلۇق سەپلىۋالغان جېسسي.گىرورىيا ئۆزىنى ساقچى دەپ، ئۆيگە كىرىپ تەكشۈرۈشنى باھانە قىلىپ، زىيانكەشلىككە ئۇچرىغۇچى موماينى ئالداپ ئىشىكنى ئاچقۇزغان. جېسسىي.گىرورىيا ئوڭۇشلۇق ھالدا ئۆينىڭ ئىچىگە كىرگەندىن كىيىن، زىيانكەشلىككە ئۇچرىغۇچى مومايدىن مال-مۈلۈك تەلەپ قىلغان ھەمدە ئۆزىنىڭ يېنىدا پىچاق بارلىقىنى بىلدۈرگەن.
    ئۆي ئىگىسى مومايغا باسقۇنچىلىق قىلغاندىن كىيىن، جېنايەتچى جېسسىي.گىرورىيا يەنە بۇ موماينىڭ ماشىنىسىنىمۇ بۇلاپ قاچقان. جىنايەتچى جېسسىي.گىرورىيا كەتكەندىن كىيىن، زىيانكەشلىككە ئۇچرىغۇچى موماي ئاندىن ساقچىغا تېلفون قىلىپ دىلو مەلۇم قىلغان ھەمدە ساقچىلار تەرپىدىن دوختۇرخانىغا ئېلىپ بېرىلىپ داۋالىتىلغان.

    جېسسي.گىرورىيا ئوغۇرلاپ كەلگەن ماشىنىنى كوچىدا قالايمىقان ھەيدەپ سوقۇپ، ئېغىر دەرىجىدە زەخمىگە ئۇچراتقاندىن كىيىن، بىر ساقچى ماشىنىسىنى ئۆز ئىچىگە ئالغان، يولدىن ئۆتكەن ماشىنىلارغا تاش ئېتىپ قالايمىقانچىلىق چىقارغاندىن كىيىن، يىتىپ كەلگەن ساقچىلار تەرپىدىن قولغا ئېلىنغان.

    جېسسي.گىرورىيا ھازىر ئامىرىكا تارانت ناھىيىلىك تۈرمىگە قامالغان بولۇپ، كېپىللىككە قويۇپ بىرىش ھەققى 105مىڭ ئامرىكا دوللىرى بىكىتىلگەن؛ ئۇ باسقۇنچىلىق قىلىش، بولاڭچىلىق قىلىش، ياشانغانلارنى زەخمىلەندۈرۈشكە ئۇرۇنۇش، ساقچىلارنىڭ قىياپىتىگە كىرىۋىلىش قاتارلىق كۆپ تۈرلۈك جىنايەت بىلەن ئەيىبلەنگەن بولۇپ، ھازىر سوت كوللىگىيىسىنىڭ ھۆكۈم چىقىرىشىنى كۈتىۋاتىدۇ. ئەھۋالنى بىلىدىغان كىشىلەرنىڭ ئاشكارىلىشىچە، جېسسي.گىرورىيانىڭ قىلمىشى قەبىھ بولغانلىقتىن، ئۇنىڭ كەلگۈسىدىكى تۈرمە ھاياتى تەس كۈنگە قالىدىكەن.