ئەگەر قىش پەسلىنى پەلتونىڭ زامانى دىسەك، ئۇنداقتا كۈز پەسلى پلاشنىڭ(风衣) ئالىمىگە ئايلىنىدۇ. پلاش ئەزەلدىنلا لاتاپەتنىڭ سىمىۋولى بولۇپ كەلگەن بولۇپ، ئۇنى كۆينەك بىلەن ماسلاشتۇرۇساق مۇلايىم ھەم نازاكەتلىك كۆرۈنىدۇ؛ پادىچىلار ئىشتىنى بىلەن ماسلاشتۇرساق ئۆزگىچە ھەم قاملاشقا كىلىدۇ؛ ئەمما كۈز پەسلىگە ماس كىلىدىغان ياسىنىشنى ئېيتساق يەنىلا پلاش بىلەن لابا ئىشتاننى ماسلاشتۇرۇشتۇر. لابا ئىشتان كۆرۈنۈشتە سالاپەتلىك ھەم راھەت كىلىدىغان بولۇپ، پلاش بىلەن ماسلاشتۇرۇلسا، بىر-بىرىنى گەۋدىلەندۈرۈپ، لاتاپىتىڭىزنى تېخىمۇ ئاشۇرۋىتىدۇ.

    بىر خىل رەڭدىكى لابا ئىشتان لاھىيىلىنىشى ئاددى ھەم كۆپ پاسونلارغا ماسلىشىدىغان بولۇپ، ھەر خىل پاسونلاردىكى پلاشلار بىلەن ناھايىتى ياخشى ماسلىشىپ كىلىدۇ ھەمدە لاتاپىتىڭىزنى ئالاھىدە گەۋدىلەندۈرىدۇ.

   پادىچىلار ئىشتىنى سىزنى ئۆزگىچە خارەكتىردە ھەم قاملاشقان كۆرسىتىدىغان بولۇپ، مۇلايىم سالاپەتكە ئىگە پلاش بىلەن ماسلاشتۇرۇساق ھېچقانداق قاملاشمىغانلىق تۇيغۇسى بەرمەيدۇ؛ لابا پادىچلار ئىشتىنى بىلەن ماسلاشتۇرۇپ كىيىشتە، كىلاسسىكلىققا ئىگە بىر خىل رەڭدىكى پلاشتىن باشقا، يوللۇق ياكى كاتەكچە كەلگەن پلاشلارمۇ سىزنىڭ يامان ئەمەس تاللىشىڭىز بولالايدىغان بولۇپ، سىزنى تېخىمۇ مودىلىق تۇيغۇسىغا ئىگە قىلىدۇ.

    كاتەكچە ئۇسلۇپ ئەزەلدىن قەدىمىيلىككە ئىگە كەلگەن بىر پاسون تۈرى، پلاش بولسا لاتاپەتنىڭ سىموۋولى، شۇڭلاشقا كاتەكچە ئۇسلۇپقا پلاش قوشۇلغاندا، بۇ سىزنى ناھايىتى سالاپەتلىك قىلىۋىتىدۇ.