ياخشىمۇسىز ، ئاشپەز تور بېكىتىگە بېكىتىگە خۇش كەلدىڭىز
ئاشپەز تورى

ساغلاملىق

نۆۋەتتىكى ئورنىڭىز : باشبەت » ساغلاملىق  » خانىم-قىزلار
ئاياللار دائىم بۇنىڭدا ناشتا قىلسا بارغانسېرى ياشىرىپ كېتىدۇ
مەنبەسى : ئاشپەز تورىيوللىغۇچى : تەمزاتبەگ ۋاقتى : 2020-04-11كۆرۈلىشى : قېتىم
   ئاياللار ئەڭ ئېتىبار بىلەن قارايدىغان ئىش نېمە دېسە، چوقۇم ئۇلارنىڭ يېشى بولۇپ، ئاياللار تېخىمۇ ياشىرىپ چىرايلىق بولىمەن دېسە، ئۇنداقتا كۈندىلىك ئاسراشقا دىققەت قىلىش كېرەك. بۈگۈن كۆپچىلىكنىڭ دىققىتىگە بىر خىل تائام تونۇشتۇرىمىز، بۇ تائامنىڭ ئۇزۇقلۇق قىممىتى ئىنتايىن يۇقىرى بولۇپ، ئاياللارغا نىسبەتەن پايدىسى ئىنتايىن كۆپ.
   بۇ تائام، قىزىل چىلان ۋە ئاق قېرىنقولاق قوشۇپ قاينىتىلغان ناۋات سۈيى بولۇپ، بۇنىڭغا ئىشلىتىلگەن يېمەكلىك ماتېرىياللىرىنىڭ ھەممىسى ئاياللارغا ناھايىتى پايدىلىق ماتېرىياللار بولۇپ، مەسىلەن چىلاننىڭ قان تولۇقلاش، ئادەمنىڭ رەڭگى رويىنى ياخشىلاش قاتارلىق ئۈنۈمى بار. ئاق قېرىنقولاقمۇ ناھايىتى كۆپ ئۇچرايدىغان برى خىل يېمەكلىك ماتېرىيال بولۇپ، ئۇزۇقلۇق قىممىتى ۋە ساغلاملىق ئۈنۈمى ئىنتايىن يۇقىرى، ھۆسىن گۈزەللەشتۈرۈش ئۈنۈمىمۇ ناھايىتى كۆرۈنەرلىك.
   ئۇنىڭ ئۈستىگە، بۇنى ئەتىگەنلىك ناشتىغا يېسە سۈمۈرۈلۈشكە تېخىمۇ پايدىلىق بولۇپ، ئۈنۈمى تېخىمۇ ياخشى بولىدۇ. تۆۋەندە، كۆپچىلىككە بۇ تائامنى تەييارلاش ئۇسۇلىنى تونۇشتۇرۇپ ئۆتىمىز.
   كىتەرلىك ماتېرىيال: چىلان، ئاق قېرىنقولاق، ناۋات، ئالقات
تەييارلاش ئۇسۇلى
   بىرىنچى قەدەمدە، ئاق قېرىنقولاقنى بىر كۈن ئاۋۋال چىلاپ قويۇپ، ئىككىنچى كۈنى كۆپۈپ تەييار بولغاندىن كېيىن ئۇنى پاكىزە يۇيۇپ تىتىپ كىچك پارچە قىلىمىز.
  ئىككىنچى قەدەمدە، چىلان بىلەن ئالقاتنىمۇ يۇيۇپ تەييارلايمىز. توك قازىنىغا يىتەرلىك مىقداردا سۇ يۇيۇپ، ئاۋۋال ئاق قېرىنقولاق بىلەن ئالقاتنى سېلىپ، تاماق پىشۇرۇش كونوپكىسىنى بېسىپ بىر سائەت قاينىتىمىز؛ كەينىدىن چىلاننى سېلىپ داۋاملىق قاينىتىپ، چىلاندا يىلىملىق ماددا پەيدا بولغاننى ھېس قىلغان ۋاقىتتا، ناۋاتنى سېلىپ يەنە نەچچە مىنۇت قاينىتىمىز.
   ئۈچىنچى قەدەمدە، پىشۇرۇپ بولغاندىن كېيىن ئىسسىق ساقلاش ھالىتىگە ئەكىلىپ، يېرىم سائەت دۈملەپ قويغاندىن كېيىن، توكتىن ئاجرىتىپ ئۇسۇپ ئالساق بولىدۇ.
   ئەمەلىيەتتە، ئاق قېرىنقولاق ۋە چىلان قوشۇپ قاينىتىلغان ناۋات سۈيىنى تەييارلاش ئۇسۇلى ناھايىتى ئاددىي، لېكىن تەملىك بولسۇن دېسىڭىز چوقۇم ئۇزۇنراق قاينىتىشىڭىز كېرەك. گەرچە ئازراق ۋاقىت ئىسراپ بولسىمۇ، ئەمما ئۈنۈمىگە سېلىشتۇرغاندا، بۇنچىلىك ۋاقىت ئىسراپ قىلىشقا ئەرزىيدۇ.
   ئەسكەرتىش: ئادەتتە ئاق قېرىنقولاقنى 20 مىنۇت ئەتراپىدا چىلاپ قويساقلا بولىدۇ، بىر كۈن ئاۋۋال چىلاپ قويۇش، بۇ پەقەت مېنىڭ شەخسىي ئادىتىم.

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2020 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号