ھەممەيلەن بۇيىل مودا بولغان كىيىملەر قانچە كەڭرى ئازادە كىلىدىغان بولسا شۇنچە ياخشى بولدى دىيىشىدۇ ؛ ئۇنداقتا سىز بۇ يىل يازدا قانداق سومكا كۆتۈرسە ئەڭ ماسلىشىدىغانلىغىنى بىلەمسىز ؟ ھەر قايسى مودا مەبۇدەلىرى ئەمەلى ھەرىكىتى ئارقىلىق ، بىزگە بۇيىل يازدا سومكىنىڭ قانچە كىچىك بولسا شۇنچە ياخشى بۇلىدىغىنىنى بىلدۈردى !

نىمە ئۈچۈن كىچىك تىپتىكى سومكا مودا بۇلىدۇ ؟ 

     بەلكىم نۇرغۇن خانىم-قىزلىرىمىز بۇنى ئاڭلاپلا رەددىيە بىرىشى مۇمكىن : كىچىك تىپتىكى سومكىلار شۇنچىلىك كىچىك تۇرسا ، ئازراقمۇ ئەمەلى ئىشلىتىلىشچانلىقى يوق ! ئاپتاپتىن كۆيۈشتىن ساقلىنىش مەلھىمى ، لەۋ سۇرۇخى ، تازىلىق قەغىزى قاتارلىقلارنىڭ ھېچقايسىسىنى سالغىلى بولمىسا سىرتقا قانداق چىقىمىز ؟ گەرچە كىچىك تىپتىكى سومكىلارنىڭ ئىچكى بوشلۇقى چەكلىك كەلسىمۇ ، ئەمما ھازىر نۇرغۇن لاھىيىلىنىشلىرى ۋە تۈزۈلۈشى ناھايىتى ئادىمىلىككە ئىگە كەلگەن ؛ ئۇنىڭ ئۈستىگە ھازىر بىر يانفون ئارقىلىق ھەممە ئىشلارنى بىتەرەپ قىلغىلى بۇلىدۇ ، شۇنىڭ ئۈچۈن ئۇنچە بەك ئەنسىرەپ كەتمىسەكمۇ بۇلىدۇ . تۆۋەندە بىز كۆپچىلىك بىلەن بىرلىكتە كىچىك تىپتىكى سومكىلارنىڭ قانداق ئارتۇقچىلىقلىرى بارلىقىنى كۆرۈپ باقايلى :

1.     يۈكنى يىنىكلىتىدۇ ، باھاسى ئاممىباپ كىلىدۇ .

      ئىسسىق ياز كۈنلىرىدە ، كىلەڭسىز ۋە ئېغىر بولغان چوڭ سومكىلارنى ئاسقاندىن ، چاققانغىنە بىر كىچىك تىپتىكى سومكىنى قولتۇقلاپلا ئىشىكتىن چىقساق ، ئۆزىمىزگە چۈشىدىغان يۈكنى يىنىكلىتىش بىلەن بىرگە يەنە ئازادىلىك ھىس قىلىمىز . ئۇندىن باشقا كىچىك تىپتىكى سومكىلارنىڭ باھاسى چوڭ سومكىلارغا قارىغاندا تېخىمۇ ئاممىباپ كىلىدۇ ؛ شۇڭلاشقا سومكا سېتىۋالغان ۋاقتىڭىزدا ، قايسى ماركىنى تاللاشنى بىلەلمەي ئىككىلىنىپ يۈرگىنىڭىزدىن كۆرە ، نەپىس ياسالغان كىچىك تىپتىكى سومكىدىن بىرنى تاللىغىنىڭىز ئەۋزەل .

2.     ئۆزى چاققان ، ياسىلىشى نەپىس بۇلۇپ ، گۈزەللەرنىڭ ئۆلچەملىك سەپلىمىسىدۇر .

    كىچىك تىپتىكى سومكىلارنىڭ سىغىمى كىچىك بولغىنى بىلەن ، قولىڭىزدا ئېلىۋالسىڭىز ياكى مۈرىڭىزگە ئېسىۋالسىڭىز ، ئوماق ھەم لاتاپەتلىك كۆرسىتىدىغان بۇلۇپ ، باشقىلارغا ئالاھىدە بىر خىل سالاپەتلىك تۇيغۇسى يەتكۈزىدىغان ، گۈزەللەرنىڭ ئۆلچەملىك سەپلىمىسى ھىسابلىنىدۇ . ھەتتا ياڭ مىمۇ بۇخىل كىچىك تىپتىكى سومكىلارنى ياقتۇرۇپ ئىشلىتىدۇ ، سىزمۇ بىرەنى سېتىۋالدىڭىزمۇ ؟

3.     باشقىلارنىڭ دىققىتىنى قوزغايدۇ ، ئۇرۇق كۆرسىتىدۇ .

     ئاخىرىدا ، كىچىك تىپتىكى سومكىلار تېخىمۇ كۆپ ۋاقىتتا پۈتۈن بىر گەۋدىنىڭ مۇھىم زىننەت سەپلىمىسى ۋە باشقىلارنىڭ دىققىتىنى تارتىش نوقتىسى بۇلۇپ ھىسابلىنىدۇ .ئەگەر ماھىرلىق بىلەن ماسلاشتۇرۇپ ئىشلەتسىڭىز ، بىر كىچىككىنە سومكا سىز ئۈچۈن ئاز بولمىغان دىققەت تارتىش كۆرسەتكۈچى قوشىدۇ . كىچىك تىپتىكى سومكىلارنىڭ ئۆزىگە خاس ئالاھىدىلىكلىرى سەۋەبلىك ، سىزنى تېخىمۇ ئۇرۇق كۆرسىتىپ ، سالاپىتىڭىزنى تېخىمۇ گەۋدىلەندۈرىدۇ .

كىچىك تىپتىكى سومكىنى قانداق ئېسىش كىرەك ؟

1.     قولدا ئېلىۋىلىش

     سىز كىچىك تىپتىكى سومكىنى قول سومكىسى دەپ بىلسىڭىز ، سىزدە بىر خىل مۇھىم زىياپەتكە قاتنىشىدىغاندەك ھەم كۈرۈش سىزىمى پەيدا بولدىمۇ ؟

    رەسمى يۇسۇندىكى سورۇنلاردىلا سومكىنى بۇنداق كۆتۈرۈشكە بۇلىدۇ دەپ كىم دەيدۇ ؟ ئارام ئالغان ۋاقىتلىرىڭىزدا ، قولىڭىزدا كىچىك تىپتىكى سومكىڭىزنى ئېلىپ ماڭسىڭىز ، شوخ ھەم چىرايلىق كۈرنىسىز ، شۇنداقلا باشقىلارغا كىچىك قىزلاردەك تۇيغۇ بىرىسىز .

     ئىشقا ماڭغان ۋاقتىڭىزدىمۇ ، قولىڭىزدا كىچىك تىپتىكى سومكا ئېلىۋالسىڭىز ، سىز نىسبەتەن خىزمەتچىلەر يۇسۇنىدا كىيىنىۋالغان بولسىڭىزمۇ ، بىر كىچىك تىپتىكى سومكا سىزنىڭ باشقىلارغا بەرگەن  رەسىمى يۇسۇندىكى خىزمەتچى ئاياللار تۇيغۇسىنى ئاجىزلاشتۇرۇپ ،  ئاياللىق نازاكىتىڭىزنى كۆپرەك قىلىدۇ .

     كوچا ئايلىنىشقا ياكى ئۇچرىشىشقا چىققان ۋاقتىڭىزدا سىزنى تېخىمۇ ناز-كەرەملىك كۆرسىتىدۇ .

2.     يان تەرەپتىن ئېسىش

     كىچىك تىپتىكى سومكا ئۆزى يىنىك ، ھەجىمى كىچىك بولغانلىقتىن ، ياندىن ئاسسىڭىز مۈرىڭىزگە بېسىم چۈشۈشىدىن ئەنسىرش كەتمەيدۇ ، مۇرىمىزگە ئىلىۋالساقلا ئىشىكتىن چىقالايمىز .

     ئەگەر كۆزنى قاماشتۇرىدىغان كىچىك تىپتىكى سومكىدىن بىرنى تاللىساق ، دىققەت يېغىدىغان زىننەت بۇلۇپ ، سىز ئۈچۈن قايرىلىپ قاراش نىسبىتىنى يۇقىرى كۆتۈرىدۇ .

     ئەگەر كىلاسسىك تۈسكە ئىگە بىرىنى تاللىسىڭىز ، تېخىمۇ مەپتۇن قىلارلىق بۇلۇپ كىتىسىز ، ئەمما ئالدىنقى شەرت -– ماسلاشتۇرىشىڭىز جايىدا بۇلۇشى كىرەك .

3.     يانتۇ ئېسىۋىلىش

    مەيلى كۈندىلىك سىرتقا چىقىش ياكى ئۇچرىشىش كىنو كۈرۈشكە بېرىش بولسۇن ،  سومكىنى يانتۇ ئېسىۋىلىش دائىم ئۇچرايدۇ . يانتۇ ئېسىۋىلىش ، سومكىنى تېخىمۇ كۆرنەرلىك گەۋدىلەندۈرۈپ ، سىزنىڭ  زامانغا لايىق خۇسۇسىيتىڭىزنى كۆرسىتىپ بىرىدۇ .

     مۈرىلىك  سومكا بېغىنى زەنجىرسىمان باغقا ئالماشتۇرۇسىڭىز، كۆكرەك قىسمىڭىزدا كۆزنى قاماشتۇرىدىغان بىر مەنزىرە كۆپەيتىدۇ .

     ئەگەر كىچىك تىپتىكى سومكىنى سىغىمى يىتىشمەيدۇ دەپ ئەنسىرسىڭىز ، بىر چوڭ بىر كىچىك ماسلاشتۇرۇپ ئېسىۋالسىڭىز ، نەپىس ھەم ئالاھىدە كۈرنىدۇ .

     ئەگەر سىرتقى قىياپەتتە ئوخشىمىغان ئۇسلۇب يارىتىمەن دىسىڭىز ، ئۈنئالغۇ شەكلىدىكى بۇ كىچىك تىپتىكى سومكا سىزنىڭ ئىھتىياجىڭىزنى قامدىيالايدۇ .

4.     بەل سومكىسى قىلىۋىلىش

     ئەگەر ئىككى قولىڭىز ۋە مۈرىڭىزنى ئۈزۈل-كىسىل ئازادلىققا چىقىراي دىسىڭىز ، ئۇنداقتا كىچىك تىپتىكى سومكىنى بىلىڭىزگە ئېسىۋىلىپ سىناپ بېقىڭ !

     ئەمما بۇ خىلدىكى ماسلاشتۇرۇشنىڭ خەتىرى بار ، ئىھتىياتچانلىق بىلەن ئىش كۈرۈشىڭىزگە توغرا كىلىدۇ ؛ سومكىنى بەك لېق توشقۇزۇۋەتمەسلىكنى ، ياكى سومكىنىڭ چوڭ بۇلۇپ كەتمەسلىگىنى ئەستىن چىقارماڭ ، بولمىغاندا توپ تارقىتىش سودىگەرلىرىگە ئوخشاپ قالىسىز .

ئەسكەرتىش : تور بىكىتىمىزدىكى ئەسەرلەرنىڭ ئاپتور ھوقۇقى شىنجاڭ تەمزات مەدەنىيەت تارقىتىش چەكلىك شىركىتىگە تەۋە بۇلۇپ، رۇخسەتسىز كۆچۈرۈپ ئىشلەتكەنلەرنىڭ قانۇنى مەسئۇلىيىتى سۈرۈشتە قىلىنىدۇ!

友情提示：作品版权归新疆塔穆扎提文化传播有限公司所有，抄袭转载者必究法律责任！