لەۋ سۇرۇخى، خانىم قىزلارنىڭ كەم قالسا بولمايدىغان بىر خىل گىرىم بۇيۇمى بولۇپ، ئادەتتە سىرتقا چىققان ۋاقىتتا، باشقا ھېچقانداق گىرىم قىلمىغان تەقدىردىمۇ، لەۋ سۇرۇخىنى چوقۇم ئىشلىتىدۇ. چۈنكى، نۇرغۇن ئاياللارغا نىسبەتەن ئېيتقاندا، لەۋ سۇرۇخى، ئۇلارنىڭ لاتاپىتىنى گەۋدىلەندۈرىدىغان ئەڭ كۈچلۈك قورالى؛ يەنە بەزى ئاياللار بولسا، لەۋ سۇرۇخى ئىشلەتكەندىن كېيىن، ئۆزىنى رەڭگى رويىنىڭ تېخىمۇ ياخشى بولۇپ قالغاندەك ھېس قىلىدۇ. ئۇنداقتا، تېرە رەڭگى بوغداي ئۆڭ بولغان خانىم قىزلار، قايسى نومۇرلۇق لەۋ سۇرۇخى ئىشلەتسە ئەڭ مۇۋاپىق بولىدۇ؟

　　بىرىنچى بولۇپ تەۋسىيە قىلىنىدىغىنى، دىئاۋ 999 (迪奥999)؛ بۇنى بەلكىم باشقىلار تەۋسىيە قىلىپ بېشىڭىزنى ئاغرىتىۋەتكەن بولۇشى مۇمكىن، لېكىن مەن ئۇنى يەنىلا ماختىماي تۇرالمايمەن، ئۇ سىزنى ھەقىقەتەن گۈزەل قىلىۋىتەلەيدۇ. ئالدى بىلەن، بۇ لەۋ سۇرۇخىنىڭ ئەڭ كۆپ ئۇچرايدىغىنى، پاقىرىمايدىغان ۋە نەملىك يەتكۈزىدىغان ئىككى خىل بولۇپ، مەن ئۆزۈم پاقىرىمايدىغان خىلىنى بەكرەك ياخشى كۆرىمەن؛ پاقىرىمايدىغان خىلى قارىماققا بىر خىل سۈپەت تۇيغۇسىغا ئىگە بولۇپ، گەرچە پاقىرىمايدىغان ماتېرىياللىق بولسىمۇ، ئەمما سۇۋىسىڭىز كالپۇكلىرىڭىزنى قۇرغاقلاشتۇرۋەتمەيدۇ، كالپۇك شەكلى تازا ياخشى بولمىغانلارغىمۇ ئوخشاشلا ماس كېلىدۇ.

　　دىئاۋ999، نۇرغۇن كىشىلەرنىڭ بىرىنچى قېتىم داڭلىق ماركىلىق لەۋ سۇرۇخى سېتىۋالغان ۋاقىتتىكى ئالدىن تاللىشى بولۇشى مۇمكىن؛ چۈنكى بۇ خىل توق قىزىل رەڭ، سىزنى شۇ ھامانلا ئايال پادىشاھقا ئايلاندۇرىدۇ. گەرچە توق قىزىل رەڭلىك بولسىمۇ، ئەمما كالپۇكىڭىزغا سۇۋۇغاندىن كېيىن، ئۇنچە بەك مۇبالىغىلىك كۆرۈنمەيدۇ؛ ئادەتتە گىرىم قىلمىغان ۋاقىتتا، نېپىز بىر قەۋەت سۇۋۇۋالسىڭىز، سىزنى شۇ ھامان لاتاپەتلىك ئايالغا ئايلاندۇرىدۇ. ئۇنىڭ ئۈستىگە، بۇ خىل لەۋ سۇرۇخى، تېرە رەڭگى بوغداي ئۆڭ بولغانلارغىمۇ ماس كېلىدىغان بولۇپ، قارامتۇل كۆرۈنۈپ قالمايدۇ.

　　شىياڭنەيئېر، لەۋ سۇرۇخى جەھەتتە ئەزەلدىن يامان ئەمەس مەھسۇلاتلارنى چىقىرىپ كېلىۋاتىدۇ. ئۇنىڭ كىلاسسىك نومۇرلىرىمۇ ئىنتايىن كۆپ بولۇپ، مېنىڭ ياخشى كۆرىدىغىنىم، شىياڭنەيئېر 58-نومۇرلۇق رەڭ؛ بۇ خىل قىزىل رەڭ، ھاراق قىزىلى ۋە بىنەپشە قىزىل رەڭنىڭ ئارىلاشمىسى بولۇپ، ئادەمگە بىر خىل يۇقىرى قاتلاملىق تۇيغۇسى بىرىدۇ، ئاق كۆرسىتىش ئۈنۈمى بولسا تېخىمۇ كۆرۈنەرلىك.

　　بۇ خىل لەۋ سۇرۇخى، ئىنتايىن يۇقىرى دەرىجىدىكى پاقىراتمايدىغان ئۈنۈملۈك بولۇپ، ھەتتا ئۇنىڭ سىرتقى قېپىمۇ ئىنتايىن يۇقىرى سۈپەت تۇيغۇسىغا ئىگە. بارلىق ماركىدىكى لەۋ سۇرۇخلىرى ئىچىدە، مەن شىياڭنەيئېرنىڭ سىرتقى قېپىنى ئەڭ ياخشى كۆرىمەن؛ چۈنكى، ئۇنىڭدا بىر خىل ئاددىي ئەمما يۇقىرى قاتلمالىق تۇيغۇسى بار، كىشىگە ئەرزان باھالىق تۇيغۇ بەرمەيدۇ.

　　3CEنىڭ ئوچۇق قىزىل رەڭلىك لەۋ سۇرۇخى، مەن ياخشى كۆرىدىغان پاقىرىمايدىغان خىلدىكى لەۋ سۇرۇخىدىن بولۇپ، سۇۋۇغان ۋاقىتتا ناھايىتى يۇمشاق بىلىنىدۇ، كالپۇكقا چاپلىشىۋالمايدۇ. بۇ لەۋ سۇرۇخنىڭ يۈز تېرىسىنى ئاق كۆرسىتىش ئۈنۈمى يۇقىرى بولۇپ، ھەرقانداق تېر رەڭگىگە ماس كېلىدۇ.

　　Colorkey ماركىسىمۇ، يېقىندا دۆلەت ئىچىدە بىر قەدەر مودا بولغان ماركا بولۇپ، ئۇلارنىڭ لەۋ سۇرۇخىمۇ يامان ئەمەس؛ ئۇلارنىڭ لەۋ سۇرۇخ مەھسۇلاتلىرى ئىچىدە، 608- نومۇرلۇق رەڭدىكى لەۋ سۇرۇخى، ئەتىياز ۋە ياز كۈنلىرىگە تولىمۇ ماس كېلىدىغان رەڭ بولۇپ، تېرە رەڭگى تاللىمايدۇ. ئۇنىڭ ئۈستىگە، بۇ لەۋ سۇرۇخىمۇ ئوخشاشلا پاقىرىمايدىغان ماتېرىياللىق بولۇپ، سۇۋۇغان ۋاقىتتا كالپۇكنى قۇرغاقلاشتۇرمايدۇ. تېخىمۇ مۇھىم بولغىنى، بۇ خىل لەۋ سۇرۇخىنىڭ بىر خىل شاكلات تەمى بار بولۇپ، ئىختىيارسىز ھالدا چىشلىۋالغۇڭىز كېلىدۇ.

مىياۋ بالىنىڭ 15-نومۇرلۇق رەڭدىكى لەۋ سۇرۇخىمۇ، ئىنتايىن كىلاسسىك بولغان توق قىزىل رەڭلىك لەۋ سۇرۇخى بولۇپ، ئېغىزغا سۇۋۇغاندىن كېيىن، كالپۇكنى نەملەشتۈرۈپ، سىزنى ئەڭ گۈزەل، ئەڭ لاتاپالەتلىك ھەم ئەڭ كۈچلۈك ئايالغا ئايلاندۇرىدۇ. بىراق، بۇ خىل لەۋ سۇرۇخىنىڭ بىر كەمچىلىكى بار بولۇپ، رەڭ ئاسانلا ئۆچۈپ قالىدۇ ۋە ئاسانلا ئىستاكان قاتارلىق كالپۇكىمىزغا تەككەن باشقا جىسىملارغا يۇقۇۋالىدۇ.