ئەنگىلىيىلىك 72 ياشلىق مىلياردنىر بوۋاي، تېلىۋىزوردا ئاشكارە تويلىشىش ئىلانى بەرگەن؛ ئۇ ناھايىتى ياخشى تۇرمۇش شارائىتىغا ئىرىشتۈرۈش ۋەدىسىنى بىرىپ، ياش بىر ئايالنى خوتۇنلۇققا ئېلىش ھەمدە ئۇنىڭ بىلەن پەرزەنتلىك بولۇش ئارزۇسى بارلىقىنى بىلدۈرگەن. ئەمما ئۇ بۇندىن باشقا، ئۆزىگە ياتلىق بولۇشنى خالايدىغانلارغا يەنە غەلىتىلىككە تولغان بىر نەچچە تۈرلۈك تەلەپلەرنى قويغاچقا، كۆپچىلىكنىڭ غەزىپىنى قوزغاپ، بىريىلدىن ئارتۇق ۋاقىت ئىزدەپمۇ، ئۇنىڭغا ياتلىق بولۇشنى خالايدىغان ئايالنى تاپالمىغان؛ ھازىر ئۇ ئامالسىز قارشى تەرەپكە قويۇلىدىغان تەلەپلىرىنى ئۆزگەرتىشكە مەجبۇر بولغان.

    بۇ بوۋاي ئەنگىلىيىلىك بىنجامىن.سىرايد سېر (爵士) بولۇپ، ئۇ ئەنگىلىيە پادىشاھى چارلىز ئىككىنچىنىڭ ئەۋالادى؛ ئۇ سامساتقا جايلاشقان، 13 ئەسىردە سېلىنغان مەنسار قۇروسىدا تۇرىدىغان بولۇپ، ئۇنىڭ ئىلكىدە يەنە سامساتقا جايلاشقان ۋۇدلەن قورغىنى، بىرنەچچە شىركەت ۋە بىر توي-مەرىكە زالى بار.

    ئەينى ۋاقىتتا ئۇ ئۆزىگە ياتلىق بولۇشنى خالايدىغانلارغا، تويدىن كىيىن ھەر يىلى 50مىڭ فوندسىتىرلىك ( تەخمىنەن 440مىڭ خەلق پۇلىغا تەڭ) پارچە خىراجەت پۇلى بىرىدىغانلىقى ھەققىدە ۋەدە بەرگەن؛ ئەمما ئۇ بۇنىڭ بىلەن بىرگە يەنە بىرنەچچە تۈرلۈك غەلىتە تەلەپلەرنى قويغان بولۇپ، بۇ تەلەپلەر بوي ئىگىزلىكى 165 سانتىمىتىردىن ئېشىپ كەتمەسلىك، يېشى 30ياش بىلەن 40 ياشنىڭ ئارلىقىدا بولۇش، قورال ساقلاش ئىجازەتنامىسى بولۇش ھەمدە "قورغان مەشىقلەندۈرۈشى"گە قاتناشقان بولۇش قاتارلىقلارنى ئۆز ئىچىگە ئالىدۇ. بۇندىن باشقا ئۇ بولغۇسى ئايالىنىڭ شىركەتلىرىنى باشقۇرۇش خىزمەتلىرىنى ئۆتكۈزۈۋىلىشىنى ئۈمىد قىلىدىغانلىقىنى بىلدۈرگەن.

   بىنجامىن ئىلگىرى بىر نەچچە قېتىم توي قىلغان بولسىمۇ، ئەمما پەرزەنت يۈزى كۆرمىگەن؛ شۇڭلاشقا ئۇ بولغۇسى ئايالى بىلەن پەرزەنتلىك بولۇش ئارزۇسى بارلىقىنى ئۈمىد قىلغان. ئۇنىڭ بىلدۈرۈشىچە ، بۇ ئىش ئۈچۈن ئۇ ئىزچىل تۈردە تىرىشىۋاتقان بولۇپ، ئۇ پەقەت بىر كىلىشىمنامىنى ئوتتۇرغا قويغان؛ ئەمما نۇرغۇن ئاياللار پەرزەنتلىك بولۇشنى خالىمىغاچقا ئۇ ئوتتۇرغا قويغان تەلەپنى ئورۇنلىيالمىغان ئىكەن. ئۇنىڭ قارىشچە پەرزەنتلىك بولۇش، بىر ئائىلىگە نىسبەتەن ئېيتقاندا ئىنتايىن مۇھىم ئىكەن.