"دادا، ئاپام مېنى ئۇردى!"

　　مەلۇم بىر كۈنى كېچىدە، يۈ موۋنىڭ قىزى ئۇنىڭ قۇلىقىغا ئاستاغىنا ئېيتتى. دەسلەپتە، يۈ موۋ قىزىنى چاقچاق قىلىۋاتىدۇ دەپ ئويلاپ بەك ئىرەنشىپ كەتمىگەن؛ لېكىن كىيىنچە، قىزى يۆ يۆنىڭ بەدەنلىرىنىڭ كۆپ قىسىمىدا كۆيۈك جاراھىتى بارلىقىنى بايقاپ ئاندىن ئەھۋالنى چۈشەنگەن.

　　2019-يىلى 6-ئاينىڭ 12-كۈنى ئەتىگەندە، يۈ موۋ ۋە فىڭ موۋ ئەر-خوتۇن، بەش ياشلىق قىزى يۆ يۆنى ئېلىپ بالىلار دوختۇرخانىسىغا كەلگەن. ئەينى ۋاقىتتا، يۆيۆنىڭ بەدىنىنىڭ كۆپ قىسىمى كۆيۈپ زەخىملەنگەن بولۇپ، ئاغرىق ئازابىدىن كۆزلىرىدىن ياش توختىماي قۇيۇلىۋاتاتتى. تەكشۈرۈپ باھالاش ئارقىلىق، يۆيۆنىڭ پۈتكۈل بەدىنىدىكى ئىككىنچى دەرىجىدىن يۇقىرى كۈيۈپ زەخىملەنگەن قىسىمنىڭ يۈزى %31.5گە يەتكەن بولۇپ، زەخىملىنىش دەرىجىسى ئېغىر يارىلىنىش ئىككىنچى دەرىجىسىگە يەتكەن ئىدى.

　　سىستېرا قىز شىياۋلى، يۆيۆنىڭ ھالىدىن خەۋەر ئېلىۋاتقان مەزگىلدە، ئۇنىڭ بەدىنىدە كۈيۈك زەخىمىسىدىن باشقا، يەنە تاپىنى، يوتىسى قاتارلىق ئورۇنلاردا يىڭنە سانجىغانغا ئوخشاش كىچىك تۆشۈكچىلەرنىڭ بارلىقىنى بايقاپ، ساقچىغا دىلو مەلۇم قىلغان.

　　ساقچىلار تەكشۈرۈپ ئىنىقلاش ئارقىلىق، يۆ يۆنى دوختۇرخانىغا ئېلىپ كەلگەنلەرنىڭ، ئۇنى بېقىۋالغان ئاتا-ئانىسى ئىكەنلىكىنى بىلگەن. ئەسلىدە، يۈ موۋ بىلەن فىڭ موۋ، 2011-يىلى توي قىلغاندىن باشلاپ، ئىزچىل تۈردە پەرزەنتلىك بولالمىغان. 2019-يىلىنىڭ بېشىدا، ئەر خوتۇن ئىككەيلەن مەسلىھەتلىشىپ، تۇغقىنىنىڭ بالىسى يۆ يۆنى بېقىۋالغان.

　　"يۆ يۆ گەپ ئاڭلىمىغانلىقى ئۈچۈن، مەن ئۇنى بىر نەچچە قېتىم ئۇردۇم ھەمدە ئۇنىڭغا مورچىن سانجىپ باققان. كۈيۈك زەخىمسى بولسا، يۆ يۆ ئۆزى تازىلىق ئۆيىگە يۈگرەپ كىرىۋالغان بولۇپ، مۇنچىنىڭ سۈيىنى قىزىق تەڭشىۋالغاچقا، قىزىق سۇدا كۆيۈپ قاپتۇ". ساقچىلارنىڭ سورىغان سوئاللىرىغا قارىتا، فىڭ موۋ ھېچقانداق ئىشنى بوينىغا ئالمىغان.

　　كەينىدىن، ساقچىلار ۋەقەلىك نەخ مەيدانىغا بېرىپ تەكشۈرۈپ، فىڭ موۋنىڭ ئۆيىدىكى سۇ ئىسسىتىش ئۈسكۈنىسىنىڭ ئورنىنىڭ نىسبەتەن ئېگىز ئىكەنلىكىنى، يۆ يۆنىڭ بوي ئېگىزلىكىدە، سۇ ئىسسىتقۇچقا قولى يەتمەيدىغانلىقىنى بايقىغان. يۆ يۆنىڭ كۈيۈك جاراھىتى ياخشىلانغاندىن كېيىن، ئۇ ساقچىلارغا ئۆزىنىڭ قورقۇۋاتقانلىقىنى، ئانىسىنىڭ جوبو بىلەن ئۇنىڭ ئېغىزىنى يەملەپ قويغانلىقىنى ۋە قولىنى باغلاپ قويغانلىقىنى ھەمدە دادىسىغا دېگىلى قويمىغانلىقىنى ئېيتقان.

　　يۆ يۆنىڭ شىكايەت قىلىشى ۋە زور مىقداردىكى ئەمەلىيەت ئالدىدا، فىڭ موۋ ئاخىرىدا قىلمىشىنى ئىقرار قىلغان؛ چۈنكى ئىرى يۈ موۋ بالىغا زىيادە ئامراقلىق قىلغاچقا، ئۇ بۇنىڭغا ھەسەت قىلىپ، ئاچچىقىنى يۆيۆدىن چىقارغان ئىكەن.

　　2019-يىلى 5-ئايدىن 6-ئايغىچە بولغان ئارىلىقتا، فىڭ موۋ ئىرى خىزمەتكە پۇرسەتتىن پايدىلىنىپ، يۆ يۆ كەپسىزلىك قىلسا، ئوغۇرلۇقچە ئۇنىڭ يوتىسى ۋە تاپىنىغا مورچىن سانجىغان؛ ئەگەر يۆ يۆ قارشىلىق كۆرسەتسە، ئاياغ بوغقۇچ بىلەن ئۇنىڭ قولىنى باغلاپ، ئېغىزىغا سۇلياۋ جوبۇ چاپلاپ قويغان ھەم ئۆرە تۇرغۇزۇپ قويۇپ جازالىغان. كەينىدىن، ئۇ ئىرىنىڭ بايقاپ قېلىشىدىن ئەنسىرەپ، يۆيۆگە دادىسىغا ئېيتماسلىقنى دەپ تەھدىت سېلىپ قورقۇتقان.

　　ئاخىرىدا، خاڭجۇ شەھىرى شىياۋ شەن رايونلۇق خەلق سوت مەھكىمىسى، بالىلارنى خورلاش جىنايىتى بىلەن، فىڭ موۋغا ئالتە ئايلىق قاماق جازاسى بەرگەن؛ قەستەن ئادەم يارىلاندۇرۇش جىنايىتى بىلەن 3يىل 4ئايلىق قاماق جازاسى بەرگەن؛ ئىككى جازانى بىرلەشتۈرۈپ، 3يىل 4ئايلىق قاماق جازاسى ئىجرا قىلىشنى قارار قىلغان.