ناۋات كۆپچىلىككە ناتۇنۇش ئەمەس، ئۇنىڭ سىرتقى كۆرۈنۈشى مۇز پارچىسىغا ئوخشايدۇ. تۇرمۇشتا، شېكەر، ناۋات قاتارلىق يېمەكلىكلەر كۆپ ئۇچرايدىغان بولۇپ، ناۋات ئىچىشنى ياخشى كۆرىدىغانلار كۆپرەك بولىدۇ. چۈنكى، ناۋاتنى ئىستېمال قىلىش تېخىمۇ قولايلىق ۋە ئاددىي بولۇپ، چاي دەملەپ ئىچسەكمۇ ياكى پۇرچاق شورپىسىغا قوشۇپ ئىچسەكمۇ بولىدۇ، ھەتتا بىۋاستە ئېغىزىمىزغا سېلىپلا يىسەكمۇ بولىدۇ.

　　ئادەتتە بىز كۆپ ئۇچرىتىدىغان ناۋاتلار، قانۇنىيەتسىز شەكىللىك كېلىدۇ. ئەمەلىيەتتە، ناۋات بىلەن شېكەرنىڭ ماھىيەتلىك پەرقى يوق، ئۇلارنىڭ ئەسلى ماتېرىيالى ئوخشاشلا شېكەر قۇمۇشى بولۇپ، ئەگەر ئۇلارنى ئايرىم-ئايرىم ئىككى ئىستاكاندىكى سۇدا ئىرىتسەك، ئوخشاشلا تەم چىقىدۇ.

　　سىز بەلكىم بايقىغان بولۇشىڭىز مۇمكىن؛ ئادەتتە، كۆپ خىل ناۋاتلارنىڭ ئارىسىدىن يىپ چىقىدۇ؛ بۇ نېمە ئۈچۈن، ئەجابا بۇ ناۋاتنىڭ تازىلىق ئۆلچىمىگە يەتمىگەنلىكىدىن دىرەك بىرەمدۇ؟ بۇ ئەھۋال، ناۋاتنى ئىشلەپچىقىرىش ئۇسۇلى بىلەن مۇناسىۋەتلىك بولۇپ، ناۋات تېخى قېتىپ شەكىلگە كىرمىگەن، سۇيۇقلۇق ۋاقتىدىلا، ئىچىگە يىپ ئورۇنلاشتۇرۇلىدۇ.

　　ناۋات سۇيۇقلۇقىنىڭ ئىچىگە يىپ سېلىپ قويۇشتىكى مەقسەت، ناۋاتنىڭ قېتىشىغا بىر تىرەك ھاسىل قىلىپ بىرىش ئۈچۈن بولۇپ، ئەتراپتىكى تىمپىراتۇرىنىڭ تۆۋەنلىشىگە ئەگىشىپ، سۇيۇق ھالەتتىكى ناۋات قېتىپ كىرىستالغا ئايلىنىشقا باشلىغان ۋاقىتتا، ئۇلار بۇ يىپنى مەركەز قىلىپ تۇرۇپ، ئۇنىڭ ئەتراپىغا ئۇيۇشۇپ قېتىپ كىرستال ھاسىل قىلىدۇ. ناۋات قېتىپ بولغاندىن كېيىن ئۇنى چېقىۋەتسەك، بىز بازاردا ئۇچرىتىدىغان ھەر خىل چوڭ-كىچىكلىكتىكى ناۋات پارچىلىرى ھاسىل بولىدۇ. بەزى سودىگەرلەر ئەستايىدىل بولۇپ، ناۋاتنى سېتىپ چىقىرىشتىن بۇرۇن، ئارتۇق يىپلارنى ئېلىۋىتىدۇ؛ لېكىن بىپەرۋا كەلگەن بەزى دوكانچىلار، ناۋات ئارىسىدىن چىقىپ قالغان يىپ بىلەن چاتىغى بولمايدۇ.

　　لېكىن شۇنى ئەسكەرتىپ ئۆتىمىزكى، ناۋات ئىشلەپچىقىرىش جەريانىدا قوشۇلغا بۇ يىپلار، دىزىنفىكسىيەلەپ بىتەرەپ قىلىشتىن ئۆتكەن بولۇپ، سۈپەت ۋە تازىلىق جەھەتتە خاتىرجەم بولساق بولىدۇ. ئەلۋەتتە، ناۋات ئىشلەپچىقىرىشتا، بۇ خىل ئەنئەنىۋى ئۇسۇللاردىن باشقا ئىشلەپچىقىرىش ئۇسۇللىرىمۇ بار بولۇپ، باشقا خىل ئىشلەپچىقىرىش ئۇسۇللىرىدا يىپ ئىشلىتىلمىگەچكە، باشقا ئۇسۇلدا ئىشلەپچىقىرىلغان ناۋاتلارنىڭ ئارىسىدا ئاق يىپ بولمايدۇ.

　　ئاخىرىدا، كۆپچىلىكنىڭ دىققىتىگە، ناۋاتنىڭ تاتلىق قىلىشتىن باشقا يەنە بىر ئۈنۈمىنى تونۇشتۇرۇپ ئۆتىمىز: زۇكامداپ ھۆتىلىپ قالغان كىشىلەر، نەشپۈت ۋە ناۋات تەييارلاپ، نەشپۈتنى توغراپ، ئازراق ناۋات بىلەن قوشۇپ بىللە سۇدا قاينىتىپ ئىچسە، ئۆپكىگە ھۆللۈك يەتكۈزۈپ قۇۋۋەتلەش رولىنى ئوينايدۇ.