41ياشلىق گولف توپ مەيدانى باشقۇرغۇچى مارتىن.كاماچىۋ، بىر كۈنى توپ مەيدانىدا خىزمەت قىلىۋاتقان ۋاقتىدا، بىر مەيدان گۆلدۈرمامالىق يامغۇرغا ئۇچرىغان؛ گۆلدۈرلىگەن ئاۋاز بىلەن تەڭ، مارتىننى چاقماق سوقۇپ، ئۇ شۇ ھامانلا سىزىمىنى يوقاتقان ھەمدە چىرايى كۆكىرىپ كەتكەن. خىزمەتداشلىرى ئۇنى بايقىغاندىن كېيىن دەرھال دوختۇرخانىغا ئېلىپ بارغان. دوختۇلار دەسلەپتە ئۇنىڭ ھايات قالالماسلىقىدىن ئەنسىرىگەن، لېكىن بەختكە يارىشا، مارتىن ئىككى كۈندىن كېيىن ھوشىغا كەلگەن بولۇپ، ئازراق خاتىرىسىنى يوقاتقاندىن باشقا، ئۇنىڭدا باشقا چوڭ مەسىلە كۆرۈلمىگەن.

   لېكىن كەينىدىنلا، دوختۇر ھەيرانلىق ئىچىدە، ئۇنىڭ گەپ قىلغان ئاۋازىنىڭ ئايال كىشىنىڭكىگە ئوخشاش ئىنچىكە بولۇپ قالغانلىقىنى بايقىغان. ئارىدىن نەچچە ھەپتە ئۆتكەندىن كېيىن، دوختۇر تېخىمۇ ھەيرانلىق ئىچىدە، مارتىننىڭ كۆكسى قىسىمىنىڭ بۆرتۈپ چىقىشقا باشلىغانلىقىنى بايقىغان بولۇپ، پۈتۈنلەي ئايال كىشىنىڭ كۆكسىگە ئوخشاپ قالغان ئىدى. بۇ ۋاقىتتا دوختۇرلار ئۇنىڭغا قارىتا تەكشۈرۈش ئېلىپ بارغان بولۇپ، تەكشۈرۈش نەتىجىسىدە كۆرسىتىلىشىچە، مارتىننىڭ بەدىنى ئەرلىك ھورمۇنى ئىشلەپچىقىرىشنى پۈتۈنلەي توختاتقان، ئەمما بەدىنىدىكى ئاياللىق ھورمۇنى زور مىقداردا ئېشىپ كەتكەن ھەمدە بۇ سەۋەبلىك كۆرۈنەرلىك بولغان ئاياللىق ئالاھىدىلىكى كۆرۈلگەن.

   دوختۇرلار تەتقىق قىلىش ئارقىلىق، مارتىندا بۇ خىل ئالامەتلەرنىڭ كۆرۈلىشىدىكى سەۋەبنى، چاقماق ئۇنىڭ بەدىنىدىكى مۇھىم ئىرسىيەت فاكتورلىرىنى بۇزۇپ تاشلاپ، ئۇنىڭ بەدىنىدىكى ئەرلىك ۋە ئاياللىق ھورمۇن مىقدارىنىڭ تەڭپۇڭلۇقىنى بۇزۇۋەتكەن بولۇشى مۇمكىن، مارتىنمۇ بۇ سەۋەبلىك "ئايال" كىشىگە ئۆزگىرىپ قالغان بولۇشى مۇمكىن دەپ قارىغان. كۆكسى قىسمى بۆرتۈپ چىققاندىن سىرت، مارتىننىڭ يۈز قىسىمى ۋە بەدەنلىرىدىكى تۈكلەرمۇ چۈشۈشكە باشلاپ، تىرىسىمۇ بارغانسېرى يۇمرانلىشىپ كەتكەن؛ بىر قېتىملىق چاقماق سوقۇۋىتىش ھادىسىسى، ئويلىمىغان يەردىن بىر قېتىملىق "جىنس ئۆزگەرتىش" ئوپېراتسىيەسىگە ئايلىنىپ قالغان. دوختۇرلار ئىلگىرى ئۇنىڭغا ھەر كۈنى ئەرلىك ھورمۇنىنى ئۇكۇل قىلىپ ئۇرۇپ سىناپ باققان بولسىمۇ، ئەمما ئۇنىڭدىكى جىنسىي ئالاھىدىلىكى ئۆزگىرىش ھالىتىنى توساپ قالالمىغان ھەم باشقا ئامالمۇ قىلالمىغان؛ ئاقىۋەتتە، مارتىنمۇ ئۆزىنىڭ "ئايال كىشى"گە ئۆزگىرىپ قېلىشىدەك رېئاللىقنى قوبۇل قىلىشقا مەجبۇر بولغان.