ئەنگىلىيە "كۈندىلىك پوچتا گېزىتى"نىڭ 20-نويابىردىكى خەۋرىگە ئاساسلانغاندا، بىر ئايالنىڭ سەككىز تال پادىچىلار ئىشتىنى ئوغرىلاپ نەخ مەيداندا تۇتۇلۇپ قالغاندىكى سۈرەتلىك فىلىمى، نۆۋەتتە پىرۇدىكى تورداشلار ئارىسىدا كەڭ تارقىلىپ كەتكەن بولۇپ، چىكىلىش سانى 2مىليون 500مىڭ قېتىمدىن ئېشىپ كەتكەن.

   ئىگىلەشلەرگە ئاساسلانغاندا، بۇ ئايال كىشى بولىۋىيەلىك بولۇپ، سۈرەتلىك فىلىمدا كۆرسىتىلىشىچە، ئۇ ئىشتان ئوغرىلاپ بايقىلىپ قالغاندىن كېيىن، سودا ساراي خىزمەتچىلىرى ئۇنى تازىلىق ئۆيىگە ئېلىپ كىلىپ، ئۇنىڭدىن كىيىۋالغان ئىشتانلارنى سېلىشنى تەلەپ قىلغان.

   تازىلىق ئۆيىدە، خىزمەتچى خادىم بۇ ئايالغا، ئوغرىلىغان ئىشتانلارنى بىردىن بىردىن سېلىشنى بۇيرىغان. ئايالمۇ كۆپچىلىكنىڭ ئالدىدا، يۇۋاشلىقچە ئىشتاننى سېلىشقا باشلىغان، ئەتراپتا تۇرغانلار بولسا ئۇ سالغان ئىشتاننى ساناپ تۇرغان. ئاخىرىدا، بۇ ئايال ھەممە ئىشتاننى سېلىپ بولغاندىن كېيىن، خىزمەتچى خادىملار ساناش ئارقىلىق، بۇ ئايالنىڭ ئۆزى كىيىۋالغان پادىچىلار ئىشتىنىدىن باشقا، جەمئى 8تال پادىچىلار ئىشتىنى ئوغرىلىغانلىقىنى بايقىغان. ئەسلىدە، بۇ ئايال سەككىز ئىشتاننى ئوغرىلىغاندىن كېيىن، ھەممىنى ئۈستى ئۈستىلەپ كىيىۋالغان ئىكەن.