ھازىرقى كىشىلەر، كۈتۈنۈشكە بارغانسېرى ئەھمىيەت بىرىپ، ئائىلىدە تائام تەييارلىغاندا، يېمەكلىك ۋە خۇرۇچ ماتېرىياللىرىنى ئالاھىدە تاللايدىغان بولۇپ كەتتى. لېكىن، نۇرغۇن كىشىلەر يەنىلا لاۋچوۋ جىياڭيۇسى بىلەن شىڭچۇۋ جىياڭيۇسىنىڭ پەرقىنى بىلەلمەيدۇ. بۈگۈن بىز كۆپچىلىكنىڭ دىققىتىگە، بۇ ئىككىسىنىڭ پەرقى ھەققىدە توختىلىپ ئۆتىمىز.

   ئەنئەنىۋى جىياڭيۇ ئېچىتىش ئۇسۇلىدا، جىياڭيۇنى ئاز دېگەندىمۇ يېرىم يىل ئېچىتىشقا توغرا كېلىدۇ؛ كەينىدىن، تارتىپ ئېلىنغان بىرىنچى قېتىملىق جىياڭيۇ، بىز ئادەتتە ئېيتىلغان "شىڭچۇۋ جىياڭيۇسىدۇر.
   لاۋ چوۋ جىياڭيۇسى بولسا، شىڭچۇۋ جىياڭيۇسىنىڭ ئاساسىدا، تارتىپ ئېلىنغان جىياڭيۇنى يەنە قايتا 3-2ئاي قاقلاپ، چۆكتۈرۈپ سۈزۈلدۈرگەندىن كېيىن، لاۋچوۋ جىياڭيۇسىغا ئايلىنىدۇ، لاۋچۇ جىياڭيۇسىنىڭ سۈپىتى، شىڭچۇ جىياڭيۇسىغا قارىغاندا تېخىمۇ قۇيۇق بولىدۇ؛ بەزى ماركىدىكى لاۋچۇۋ جىياڭيۇلىرىنىڭ ئېچىتىش ۋە قاقلاش ۋاقتى بىر يىلدىن ئېشىپ كېتىدۇ.

   ئىككىسىنىڭ پەرقىگە كەلسەك، رەڭ جەھەتتە، شىڭچۇۋ جىياڭيۇسىنىڭ رەڭگى سۇس، قىزغۇچ قوڭۇر رەڭگە مايىل كېلىدۇ؛ لاۋچۇۋ جىياڭيۇسىنىڭ رەڭگى بولسا قېنىق بولۇپ، قارا رەڭگە يېقىنلىشىپ قالىدۇ. تەم جەھەتتە، شىڭچۇۋ جىياڭيۇسىنىڭ تەمى نسبەتەن تۇزسىز، لاۋچۇۋ جىياڭيۇسى بولسا تۇزلۇقراق كېلىدۇ.