ياخشىمۇسىز ، ئاشپەز تور بېكىتىگە بېكىتىگە خۇش كەلدىڭىز
ئاشپەز تورى

ساغلاملىق

نۆۋەتتىكى ئورنىڭىز : 首页 » ساغلاملىق  » تۇرمۇش مەسلىھەتچىسى
كىلەر يىلدىن باشلاپ بۇ خىل كىشىلەر تۆمۈر تاۋاقتىن يېراقلىشىدۇ
مەنبەسى : ئاشپەز تورىيوللىغۇچى : تەمزاتبەگ ۋاقتى : 2019-10-22كۆرۈلىشى : قېتىم
   كەسپى ئورۇنلارنىڭ تەرەققىيات يۆنىلىشى، ئىزچىل تۈردە كىشىلەرنىڭ كۆڭۈل بۆلىشىگە ئېرىشىپ كىلىۋاتقان بولۇپ، ئازراقلا شەپە كۆرۈلسە، شۇ ھامانلا كۆپچىلىكنىڭ دىققىتىنى قوزغايدۇ؛ بۇنداق بولۇشتىكى ئاساسلىق سەۋەب، كۆپ قىسىم كىشىلەرنىڭ "تۆمۈر تاۋاق" قوغلىشىپ، شىتاتلىق خىزمەتچى بولۇشنى ئارزۇ قىلغانلىقىدىن بولىدۇ. لېكىن، ھەرقانداق برى ئىش ئۆزلۈكسىز تۈردە تەرەققى قىلىپ ماڭىدۇ؛ كەسپى ئورۇنلارمۇ بۇنىڭدىن مۇستەسنا ئەمەس بولۇپ، يىللاردىن بىرى ئىزچىل تۈردە ئىسلاھ قىلىنىپ كەلمەكتە.
   نۆۋەتتە، دۆلىتىمىزدىكى كەسپى ئورۇنلار تەرەققى قىلىپ غايەت زور بىر ئەترەتكە ئايلانغان ھەمدە ئۆزىنىڭ تەرەققىيات ئەندىزىسىگە ئىگە بولغان؛ بۇنداق ئارقا كۆرۈنۈش ئاستىدا، كەسپى ئورۇنلارنى ئىسلاھ قىلىش، ئەمەلگە ئاشۇرۇش زۆرۈر بولغان بىر ئىشقا ئايلانغان. ئېلان قىلىنغان ھۆججەتلەردە كۆرسىتىلىشىچە، 2020-يىلنىڭ ئاخىرىغا بارغاندا، دۆلىتىمىزدىكى بارلىق كەسپى ئورۇنلارنى ئىسلاھ قىلىش خىزمىتى پۈتۈنلەي ئاياغلىشىپ، 126مىڭ كەسپى ئورۇن كېمەيتىلىدۇ؛ بۇ، كىلەر يىلنىڭ ئايىغىدا، 30مىليۇندىن ئارتۇق شىتاتلىق كىشىلەرنىڭ ھۆكۈمەت خىزمەتچىلىكىلىك سالاھىيىتىنى يوقىتىدىغانلىقىدىن دېرەك بىرىدۇ. يەنە بىر قىسىم كىشىلەر بولسا دۆلەت شىتاتىدىن پۈتۈنلەي چىقىرۋىتىلىدۇ. 2020-يىلى يىل ئاخىرىدا، تۆۋەندىكى نەچچە تۈرلۈك كىشىلەر، شىتاتى ۋە تۆمۈر تاۋىقىدىن ئۈزۈل-كىسىل ئايرىلىپ قالىدۇ.
    ئىشلەپچىقىرىش ۋە تىجارەت پائالىيەتلىرى بىلەن شۇغۇللىنىدىغان كەسپى ئورۇنلار
   ئادەتتە، بۇ خىلدىكى كەسپى ئورۇنلار پايدا يارىتىشنى ئاساسى نىشان قىلغان ئىشلەپچىقىرىش ۋە تىجارەت پائالىيەتلىرى  بىلەن شۇغۇللىنىدۇ. شۇڭا بۇ ئورۇنلار كەلگۈسىدە كارخانىغا ئۆزگەرتىلىپ، كارخانا ئەندىزىسىدە باشقۇرىلىدۇ؛ بۇ ئورۇنلارنىڭ ئەسلى خىزمەتچىلىرىمۇ شىتات ئەۋزەللىكىنى يوقىتىپ، بازار ئىگىلىكى ئاستىدىكى كارخانا خىزمەتچىلىرى بىلەن ھېچقانداق پەرقى قالمايدۇ.
ھەرقايسى ئالى مەكتەپلەرنىڭ خىزمەتتىكى ئوقۇتقۇچىلىرى
   ھازىرقى ھەرقايسى ئالى مەكتەپلەرنىڭ ئوقۇتقۇچىلىرىنىڭ ھەممىسى، دۆلەت شىتاتىدىكى خىزمەتچى خادىملارغا تەۋە. كەسپى ئورۇنلارنى ئىسلاھ قىلىش يولغا قويۇلغاندىن كىيىن، ھەرقايسى ئالى مەكتەپلەردىكى كەسپى شىتاتلارمۇ تەدرىجى ھالدا ئەمەلدىن قالدۇرىلىدۇ؛ قىسمەن سىناق تەرىقىسىدە يولغان قويغان ئۆلكىلەر، ئاللىقاچان كەسپى ئورۇنلار ئىسلاھاتىنى ئەمەلىيلەشتۈرۈپ بولغان بولۇپ، بۇ ئۆلكىلەردىكى ئالى مەكتەپ ئوقۇتقۇچىلىرىنىڭ ھەممىسىنىڭ شىتاتى تەكلىپ قىلىپ ئىشلىتىشكە ئۆزگەرتىلگەن. بۇ خىل ئىسلاھاتنىڭ پايدىلىق تەرىپى، ھەرقايسى ئالى مەكتەپلەرنى ئۈزۈلدۈرمەي يىڭى ئوقۇتۇش كۈچى بىلەن تەمىنلەپ، ئالى مەكتەپلەرنىڭ تەرەققىياتىنى ئىلگىرى سۈرىدۇ.
جىسمانىي ئەمگەك ۋە تېخنىكىلىق خىزمەتلەر بىلەن شۇغۇللىنىدىغان كەسپى ئورۇن خىزمەتچىلىرى
   ئىلگىرى، بۇ خىلدىكى كەسپى ئورۇن خىزمەتچىلىرىنىڭ ھەممىسى، ھۆكۈمەت شىتاتىدىكى خىزمەتچىلەرگە تەۋە ئىدى؛ بىراق كەسپى ئورۇنلارنىڭ ئىسلاھ قىلىنىشىغا ئەگىشىپ، بۇ خىل خىزمەت ئورنىدىكى خىزمەتچىلەرنىڭ شىتاتىمۇ تەكلىپ قىلىش ئىشلىتىش تۈزۈمىگە ئۆزگەرتىلىدۇ.
   بىز جەمئىيەتنىڭ تەرەققىيات يۆنىلىشىنى ۋە ئىسلاھاتنى ئۆزگەرتىشكە ئامالسىز، بىزنىڭ قىلالايدىغىنىمىز، پەقەتلا ئۆزىمىزنىڭ ئىقتىدارىنى ئۆستۈرۈپ، دەۋرنىڭ تەرەققىياتىغا ماسلىشىش ۋە ئەگىشىشتۇر، بۇ ھەم ھازىرقى زامان جەمئىيىتىدە، بىز رىئايە قىلىشقا تىگىشلىك قائىدە-پىرىنسىپتۇر. خىزمەت ئەۋزەللىكىدىن پايدىلىنىپ، ئەپلەپ-سەپلەپ كۈن ئۆتكۈزۈش، ھازىرقى جەمئىيەتنىڭ تەرەققىيات تەلىۋىگە ماس كەلمەيدۇ. جەمئىيەت ئىقتىدارسىز كىشىلەرگە مۇھتاج ئەمەس، بىز پەقەت ئۆزىمىزنى تېخىمۇ كۈچلۈك قىلىپ تەرەققىي قىلدۇرغاندىلا، ئاندىن جەمئىيەتكە تېخىمۇ زور قىممەت ئېلىپ كىلەلەيمىز؛ بولمىغاندا، جەمئىيەتتە پۇت تىرەپ تۇرىشىمىزمۇ تەسكە توختايدۇ.

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2018 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号