توي تۇرمۇشىدا ئەڭ مۇھىم نەرسە نىمە؟
   بۇنىڭغا قارىتا، بەزىلەر بايلىق دەيدۇ، يەنە بەزىلەر بولسا مۇھەببەت دەپ جاۋاپ بىرىدۇ؛ چۈنكى، بۇ ئىككى نەرسە ئەزەلدىن بىرى توي تۇرمۇشى ئىچىدىكى ئەڭ مۇھىم ئامىل دەپ قارىلىپ كەلگەن. مۇھەببەت بولسا توي تۇرمۇشىنىڭ روھى، ماددى شارائىت بولسا توي تۇرمۇشىنىڭ جىسمى، شۇنداقلا مۇھەببەت مەۋجۇت بولۇپ تۇرۇشتا تايىنىدىغان تۇپراق.

   بىر بۆلەك توي تۇرمۇشىدا، ئەگەر مۇھەببەت يوقالسا روھىنى يوقىتىپ قويغانغا باراۋەر بولىدۇ. لېكىن، ھەرقانچە ياخشى كۆرىشىدىغان ئىككى ئادەممۇ، ئەگەر توي تۇرمۇشىدا ماددى شارائىتتىن ئايرىلىپ قالسا، ئۇنداقتا ئۇلارنىڭ مۇناسىۋىتىمۇ ئۇزۇنغا بارالمايدۇ. چۈنكى، ھەرقانداق ئادەم تۇرمۇش كەچۈرۈشكە مۇھتاج؛ بۇ، ئۆزىمىزنى قاچۇرغىلى بولمايدىغان رىئال بىر مەسىلە.
   مۇھەببەت ۋە ماددى شارائىتنىڭ ھەر ئىككىسى توي تۇرمۇشىغا نىسبەتەن ئىنتايىن مۇھىم. لىكىن نۇرغۇن كىشىلەر ئويلاپ يىتەلمەيدىغان بىر مەسىلە، توي تۇرمۇشىدا تېخىمۇ مۇھىم بىر نەرسە بار بولۇپ، ئۇ بولسىمۇ مەسئۇلىيەتتۇر.

   توي تۇرمۇشىدىكى مەسئۇلىيەت، پەقەت ئەرلەرگىلا قارىتىپ ئېيتىلغان ئەمەس، يەنە ئاياللارغىمۇ قارىتىلغان.
   ئەركىشىنىڭ ئۆزىنىڭ مەسئۇلىيىتى بار، ئايال كىشىنىڭمۇ ئۆتەشكە تىگىشلىك مەسئۇلىيەتلىرى بار. لىكىن توي تۇرمۇشىدا، ئەر-خوتۇن ئىككەيلەننىڭ ئورتاق مەسئۇلىيىتى بولسا، ئىككى تەرەپ ئۆز-ئۆزىنى ياخشى باشقۇرۇشتۇر.
ئەگەر بىر ئادەم، ئۆزىنىمۇ باشقۇرالمىسا، ئۇ قانداقمۇ ھەقىقى بەخىتكە ئىرىشەلىسۇن؟