تاۋۇز چاغىنى، ھاۋا كىلىماتنىڭ ئالمىشىش نوقتىسى بولۇپ، تاۋۇز چاغىنىدىن كىيىنلا، ھاۋا كۆرۈنەرلىك دەرىجىدە سۇۋۇشقا باشلايدۇ؛ بۇ ۋاقىتتا، كىچە بىلەن كۈندۈزنىڭ تىمپىراتۇرا پەرقى چوڭىيىپ، ئادەمنىڭ كىسەلگە قارشى تۇرۇش كۈچى تۆۋەنلەيدۇ ھەمدە ئاسانلا زۇكامداپ ھۆتىلىپ قالىدۇ.
   بۇندىن باشقا، بەزى كىشىلەردە گېلى قۇرۇيدىغان، تىرىسى قۇرغاقلىشىدىغان ئەھۋاللار كۆرىلىدۇ ياكى ئىچى سۈرۈش، قەۋزىيەت قاتارلىق ئاشقازان ئۈچەي ئىقتىدارى بىنورماللىشىش ئەھۋاللىرى كۆرىلىدۇ.
   شۇنىڭ ئۈچۈن، تاۋۇز چاغىنى مەزگىلىدە ئاي توقاچ يىيىش بىلەنلا قالماي، تۆۋەندىكى نەچچە خىل يىمەكلىكنىمۇ مۇۋاپىق تۈردە ئىستىمال قىلىش كىرەك.

   نىلوپەرغولى، شەرق كۆكتات شاھى دەپ تەرپلىنىدىغان بولۇپ، تەركىبىدە فىنول تۈرىدىكى ماددىلار مول بولغاچقا، ئادەمنىڭ ئىممونت كۈچىنى ئاشۇرۇپ، قېرىشقا قارشى تۇرۇش ئۈنۈمى كۆرسىتەلەيدۇ. بۇندىن باشقا، نىلوپەر غولىنى پىشۇرغاندىن كىيىن، ئۇنىڭ تەبىئىتى سۇغۇقتىن مۆتىدىلگە ئۆزگىرىدىغان بولۇپ، ئاشقازان ۋە ئۆتكە پايدىلىق بولىدۇ ھەمدە مۇئەننەسنى قۇۋۋەتلەپ قاننى جانلاندۇرۇش، ئاشقازاننى ياخشىلا ئىچى سۈرۈشنى توختىتىش رولىنى ئوينايدۇ.

   دۆلىتىمىزنىڭ جەنۇبى رايونلىرىدا، تاۋۇز چاغىنى مەزگىلىدە كاۋا يەيدىغان ئەنئەنە بەر بولۇپ، ئەنئەنىۋى ئۆرپ-ئادەتلەرگە ئاساسەن، ھەر يىلى تاۋاز چاغىنى مەزگىلىدە، بۇ رايوندىكى كىشىلەر كاۋا بىلەن نومى گۈرۈچىدىن تائام تەييارلاپ ئىستىمال قىلىدۇ.
  جۇڭگۇ تىبابىتىنىڭ قارىشىچە، كاۋىنىڭ تەبىئىتى مۆتىدىل بولۇپ، ئۈچەينى سىلىقلاشتۇرۇپ چوڭ تەرەتنى راۋانلاشتۇرۇش رولى بار؛ ھازىرقى زامان تىبابىتىدىن قارىغاندا بولسا، كاۋىنىڭ بۇنداق ئۈنۈم كۆرسىتىشىنىڭ سەۋەبى، ئۇنىڭ تەركىبىدە پىكتىن مول بولغانلىقىدىن بولىدۇ. قۇرغاق بولغان كۈز كۈنلىرىدە، پىكتىن تەركىبى مول بولغان يىمەكلىكلەرنى يەپ بەرسەك، قەۋزىيەتنىڭ ئالدىنى ئېلىشقا پايدىلىق بولىدۇ.

تۈكلۈك پۇرچاق—ئەستە ساقلاش ئىقتىدارىنى ياخشىلايدۇ
   تۈكلۈك پۇرچاق تەركىبىدىكى لېتسېتىن، چوڭ مىڭىنىڭ يىتىلىشىدە كەم بولسا بولمايدىغان ئۇزۇقلۇق ماددىلارنىڭ بىرى بولۇپ، ئەستە ساقلاش ئىقتىدارىنى ياخشىلاش ۋە ئەقلى ئىقتىدارىنى يۇقىرى كۆتۈرۈشكە پايدىلىق. بىراق دىققەت قىلىشقا تىگىشلىكى شۇكى، تۈكلۈك پۇرچاقنى چوقۇم پىشۇرۇپ ئاندىن ئىستىمال قىلىش كىرەك؛ سېرىق پۇرچاق رىئاكسىيە بىرىدىغانلار بولسا، تۈكلۈك پۇرچاق ئىستىمال قىلماسلىقى كىرەك.

ئۆردەك گۆشى—مۇئەننەسنى قۇۋۋەتلەيدۇ
   كۈز پەسلى، ئۆردەكلەر تازا سەمىرىپ تەييار بولىدىغان پەسىل بولۇپ، يىڭى ئۆردەك گۆشىنىڭ بىرقەدەر يۇقىرى بولغان ئۇزۇقلۇق قىممىتى بار. ئۆردەك گۆشىنىڭ تەبىئىتى سۇغۇق بولۇپ، مۇئەننەسنى قۇۋۋەتلەش، ئاشقازاننى ياخشىلاش، بۆرەكنى قۇۋۋەتلەش، ئىششىق ياندۇرۇش قاتارلىق روللىرى بار.