توي تۇرمۇشىدا، مەيلى ئەر ياكى ئايال كىشى بولسۇن، پەقەت توي تۇرمۇشىغا ئاسىيلىق قىلسىلا، قارشى تەرەپكە نىسبەتەن ئۇچۇق ئاسماندا چاقماق چاققاندەكلا بىر ئىش بولۇپ، بىر ئوبدان ئائىلە، باشقىلار تەرپىدىن بۇزىۋىتىلىدۇ.
   ئەرلەر نىمە ئۈچۈن توي تۇرمۇشى سىرتىدىكى ئاياللارنى ياخشى كۆرىدىغان بولۇپ قالىدۇ؟ چۈنكى تالاغا قارىغاندا، ئەرلەر ئۆيىدە ئىرىشەلمىگەن قانائەتلىنىش تۇيغۇسىغا ئاسانلا ئىرىشەلەيدۇ؛ بىر ئەركىشى توي تۇرمۇشى ئىچىدە تالاغا قاراشنى تاللىغان ۋاقىتتا، ئۇنداقتا ئۇ ئۆزىنىڭ ئىناق ئائىلىسىدىن ۋاز كىچىشكە يېراق قالمىغان بولىدۇ. بۇنداق ئەلەرنىڭ ئاخىرىدا ئىرىشىدىغان نەتىجىسى پەقەت تۆۋەندىكى نەچچە تۈرلۈك ئاقىۋەتلا بولىدۇ.

يىڭىلىق تۇيغۇسى تۈگىگەندىن كىيىن، ئەس-ھۇشىنى تاپىدۇ
   بۇ خىل نەتىجە، توي تۇرمۇشى سىرتىدا تالاغا قارىغان ئەرلەرگە نىسبەتەن ئەڭ مۇكەممەل نەتىجە ھىسابلىنىدۇ؛ چۈنكى بۇ ئەھۋالدا، ئۇلار توي تۇرمۇشى سىرتىدىكى قانائەتلىنىش تۇيغۇسىغا ئىرىشەلەيدۇ، ھەمدە ئەسلىدىكى ئائىلىسىمۇ بۇزغۇنچىلىققا ئۇچرىمايدۇ، ھىساپتا بىر چالمىدا ئىككى پاختەك سوققان بولىدۇ.
   بىراق، ھەممىلا ئادەم ئەس ھوشىنى تاپالايدىغان ئەمەس؛ تېخىمۇ كۆپ كىشىلەر بۇ خىل پاتقاققا پېتىپ قېلىپ، يىڭىلىق تۇيغۇسى يوقالغاندىن كىيىن، ئۇلار يەنە يىڭىدىن باشقا ئاياللار بىلەن ئۇچرىشىشنى باشلاپ، خاتالىقنى قايتا-قايتا تەكرارلاپ، ئاخىرىدا ئۆزىنىڭ توي تۇرمۇشىنى پۈتۈنلەي خورىتىپ تۈگىتىدۇ.

مۇھەببەت سەۋەبىدىن نەپرەت تۇغۇلۇپ، بىر-بىرىگە دۈشمەنلىشىدۇ
    ئەسلىدە بىز ھەممىمىز، توي تۇرمۇشى سىرتىدىكى مۇھەببەت، ئىككى تەرەپنىڭ ئۆز-ئارا بىر-بىرىگە كۆڭۈل بىرىشى، ئۆز-ئارا ياخشى كۆرۈشىشى بولىدۇ دەپ قارايمىز؛ بىراق، ئەگەر ئۇلارنىڭ ئىچىدىكى بىر تەرەپ ئۆزى ئىرىشمەكچى بولغانغا ئىرىشەلمىسە، ئۇنداقتا ئىككەيلەن ئوتتۇرسىدىكى مۇھەببەت شۇ ھامانلا ئۆچمەنلىككە ئايلىنىدۇ.
   توي تۇرمۇشى سىرتىدىكى مۇھەببەت، شەخسىي ئىستەك قوشۇلۇپ كەلگەن بولۇپ، ھەر ئىككى تەرەپنىڭ ئائىلىسى بار تۇرۇپ يەنە يۇشۇرۇن بىرگە بولۇشى، ئەسلىدىنلا ئەخلاققا مۇخالىپ بىر خىل قىلمىش. بۇ سەۋەپلىك، ئىككەيلەن ئارىسىدا ئاسانلا بەزىبىر شەخسىي ئىستەك سەۋەبىدىن جىدەللىشىش يۈز بىرىدۇ؛ ئۇلار ئارىسىدا ئەر-خوتۇنلارنىڭكىدەك مىھرى مۇھەببەت بولمايدۇ، شۇڭا جىدەللىشىپ قالغاندا بىر-بىرىگە دۈشمەندەك مۇئامىلە قىلىدۇ.

ئۇرۇغ-تۇققان ۋە دوست يارەنلىرى ياتلىشىپ، تىكەندەك يالغۇز قالىدۇ
    توي تۇرمۇشى سىرتىدىكى مۇھەببەت ئاشكارىلىنىپ قالغان ۋاقىتتا، ئائىلىسىدىكى ۋە ئەتراپىدىكى بارلىق كىشىلەر ئۇلارغا باشقىچە نەزىرىدە قارايدۇ؛ باشقىلار ئۇلارغا بەخىت تىلىمەيدۇ، پەقەت بۇ بىر جۈپ بۇزۇق ئەر-ئايالنى كۆزىدىن ئېلىپ تاشلايدۇ.
    ئەتراپىدىكى ھەممە ئادەم قوللىمىغان ئەھۋال ئاستىدا، ئۆيىنى خانىۋەيران قىلىپ، ئايالى ۋە بالىسىدىن ئايرىلىپ قالسىغۇ مەيلى، ئاخىرىدا ھەتتا ئۇرۇغ-تۇققان ۋە دوست-يارەنلىرىمۇ ئۇلاردىن قاچىدىغان بولۇپ قالىدۇ. ئۇلارنىڭ قىلمىشى ئۆزىگە ۋە ئۆزگىگە زىيان ئېلىپ كىلىش بولۇپ، ئۇلارنىڭ توغرا يولغا قايتىشى تەسكە توختايدۇ.

ئۈچىنچى شەخىس بىلەن بىرگە بولغان تەقدىردىمۇ بەخىت تۇيغۇسىغا ئىرىشەلمەيدۇ
   ئاخىرىدا، بۇ خىل ئەرلەر ھېچنىمىگە قارىماستىن ئۈچىنچى شەخىس بىلەن ئۆي تۇتقان تەقدىردىمۇ، ئۇلار ئەسلىدىنلا ئەتراپىدىكىلەرنىڭ نەزىرىدىن قالغان بولغاچقا، ئۈچىنچى شەخىس بىلەن بىرگە بولغان تەقدىردىمۇ ئەتراپىدىكىلەرنىڭ بەخىت تىلىشىگە ئىرىشەلمەيدۇ.
   ئۇلارنىڭ مىھىرى-مۇھەببىتىمۇ ئىلگىرىكىگە قارىغاندا كۆپ سۇسلىشىپ كىتىدىغان بولۇپ، ئارىدا زىددىيەت ئىلگىرىكىگە قارىغاندا كۆپىيىدۇ، توي تۇرمۇشىنىڭ سۈپىتىمۇ يۇقىرى بولالمايدۇ. ئارىدا، گۇمانلىنىش مۇھەببەتتىن كۆپ بولۇپ، ھەمىشە ئىلگىرىكى ئايالىنىڭ ياخشى تەرەپلىرىنى ئەسلەيدىغان بولۇپ قالىدۇ.