ھازىرغا كەلگۈچە پەقەت ئەرلەردىلا كۆرۈلۈپ باققان، ئىنتايىن ئاز كۆرىلىدىغان بىر خىل كىسەللىك بار بولۇپ، بۇ خىل كىسەللىك "دەرەخ ئادەم كىسىلى" دەپ ئاتالغان كىسەللىكتۇر. ئەمما يېقىندا، بۇ خىل كىسەللىككە گىرىپتار بولغان تۇنجى ئايال بايقالدى. بىنگاللىق 10ياشلىق قىز ساخانا.كاتۇن، ئەسلىدە باشقا كىچىك قىز بالىلارغا ئوخشاش بالىلىق دەۋرلىرىنى خۇشاللىققا تولغان غەمسىز ھالەتتە ئۆتكۈزىشى كىرەك ئىدى؛ بىراق يېقىندا ئۇنىڭ زاڭاق، قولاق ۋە بۇرۇن قىسىمىغا دەرەخ قوۋزاقلىرىغا ئوخشاپ كىتىدىغان سۆگەللەر چىقىپ قېلىپ، ئۇنىڭ تۇرمۇشىنى 180گىرادوس ئۆزگەرتىۋەتتى. ھازىر دوختۇرلار ئالاقىدار ئەۋرىشكە نۇسخىلىرىغا قارىتا تەكشۈرۈش ئېلىپ بېرىۋاتقان بولۇپ، ئەگەر ئۇنىڭ دىئاگونۇزى جەزىملەشتۈرۈلسە، ئۇ دۇنيادىكى تۇنجى "ئايال دەرەخ ئادەم" بولۇپ ھىسابلىنىدىكەن.

    بىراق، ساخانا ھەركۈنى ئۈمىدكە تولغان ھالەتتە ياشاۋاتقان بولۇپ، ھەرگىز ئۆزىنى چۈشكۈنلەشتۈرۈپ قويمىغان. بۇ خىل كىسەللىك تىبابەت ساھەسىدە "دەرەخ ئادەم كىسىلى" دەپ ئاتىلدىغىان بولۇپ، بىمارلارنىڭ بەدىنىگە دەرەخ قوۋزىقىغا ئوخشاپ كىتىدىغان سۆگەل چىقىپ قالىدىكەن ھەمدە كۈندىلىك تۇرمۇشقا بەزىبىر قولايسىزلىقلارنى ئېلىپ كەلگەندىن باشقا، ئەتراپتىكى كىشىلەرنىڭ باشقىچە نەزەردە قاراشلىرىغا بەرداشلىق بىرىشكە توغرا كىلىدىكەن. نۆۋەتتە، پۈتكۈل يەر شارىدا بايقالغان بۇ خىل كىسەللىككە گىرىپتار بولغان بىماردىن ئاران تۆتى بار بولۇپ، ئىنتايىن بەك ئاز ئۇچرايدىغان كىسەللىك ھىسابلىنىدىكەن. بىراق، ساخانانىڭ تەلىيى تەتۈر كىلىپ، بۇلارنىڭ ئىچىدىكى بىرسىگە ئايلانغان.