1.  شوخلا  ئاشقازان  سۇيۇقلۇقىنىڭ  ئاجرىلىپ  چىقىرىلىشىنى  ئىلگىرى  سۈرۈپ،  ئاقسىل  قاتارلىق  ماددىلارنىڭ  ھەزىم  قىلىنىشىغا  ياردەم  بېرىدۇ.  شوخلا  تەركىبىدە  ۋىتامىن  C  ۋە  كالىي  مول  بولۇپ،  ھۈجەيرىلەرنىڭ  بىرىكىپ  كوللاگېن  (سۆڭەك  يېلىم  مەنبەسى)  ھاسىل  قىلىشىغا  ياردەم  بېرىدۇ  ۋە  قان  تومۇرلارنى  ساغلاملاشتۇرۇپ،  قان  بېسىمنى  چۈشۈرىدۇ.
2.  سېرىق  پۇرچاق  سېرىق  پۇرچاق  تەركىبىدە  بىر  خىل  ئۆسۈملۈك  ھورمونى  بار.  سېرىق  پۇرچاقنى  كۆپ  ئىستېمال  قىلسا،  ئەرلەرنىڭ  مەزى  بېزى  راكىغا  گىرىپتار  بولۇش  نىسبىتى  تۆۋەنلەيدۇ.  سېرىق  پۇرچاق  يەنە  لېتسىتىن  تولۇقلاش  رولىغا  ئىگە  بولۇپ،  ئەستە  تۇتۇش  قابىلىيىتىنى  كۈچەيتىدۇ.
3.كاۋا  ئۇرۇقى  كۆپىنچە  ئەرلەردە  40  ياشتىن  ئاشقاندا  مەزى  بېزى  يوغىناش  ئەھۋالى  كۆرۈلىدۇ.  تەتقىقاتتىن  بايقىلىشىچە،  مەزى  بېزى  يوغىنىغانلار  كاۋا  ئۇرۇقىدىن  ئاجرىتىپ  ئېلىنغان  ماددىنى  ئىستېمال  قىلسا،  سۈيدۈك  قېتىم  سانى  كۆرۈنەرلىك  ئازىيىپ،  كېسەل  ئەھۋالىدا  ياخشىلىنىش  بولىدىكەن.  كاۋا  ئۇرۇقىدا  يەنە  ۋىتامىن  E  مول  بولۇپ،  قېرىشنى  كېچىكتۈرىدۇ.

4.  سەۋزە  سەۋزە  تەركىبىدە  β  -  كاروتىن  مول  بولۇپ،  راكنىڭ  ئالدىنى  ئالىدۇ.  سەۋزە  تەركىبىدىكى  β  -  كاروتىن  يەنە  ۋىتامىن  A  غا  ئايلىنىپ،  كېسەلگە  قارشى  تۇرۇش  كۈچىنى  ئاشۇرۇپ،  ھۈجەيرىلەرنى  بۇزغۇنچىلىققا  ئۇچرىتىدىغان  ئاكتىپ  ئوكسىگېننى  تىزگىنلەيدۇ.  بۇنىڭدىن  باشقا،  سەۋزە  تەركىبىدە  كالىي  مول  بولۇپ،  قان  بېسىمنى  چۈشۈرۈش  رولىغا  ئىگە.  ئۇنىڭدىكى  ئۆسۈملۈك  تالاسىنىڭ  ئۈچەينى  ياخشىلاش  ئۈنۈمى  يۇقىرى.
5.  دېڭىز  مەھسۇلاتلىرى  دېڭىز  مەھسۇلاتلىرى  جىنسىي  ئىقتىدارنى  ئاشۇرىدۇ.  ئىسپېرمىنىڭ  تەركىبىدە  زور  مىقداردا  سىنك  بولۇپ،  بەدەندە  سىنك  يېتىشمىسە،  ئىسپېرمىنىڭ  سانى  ۋە  سۈپىتىگە  تەسىر  يېتىدۇ.  دېڭىز  مەھسۇلاتلىرىنىڭ  ئىچىدە  راك  قاتارلىقلارنىڭ  تەركىبىدە  سىنك  مىقدارى  ناھايىتى  مول.
6.  سامساق  سامساقنىڭ  كۈچلۈك  باكتېرىيە  ئۆلتۈرۈش  رولى  بولۇپ،  بەدەنگە  كىرىدىغان  باكتېرىيىلەرنى  ئۆلتۈرەلەيدۇ  ھەمدە  ئىممۇنىتېت  كۈچىنى  ئاشۇرىدۇ.  ئۇ  ۋىتامىن  B1  نىڭ  قوبۇل  قىلىنىشىنى  ئىلگىرى  سۈرۈپ،  قەنتلەرنىڭ  مىتابولىزمىنى  ئىلگىرى  سۈرۈپ،  ئادەم  تېنىنى  ئېنېرگىيە  بىلەن  تەمىنلەيدۇ  ھەمدە  چارچاشنى  تۈگىتىدۇ.  سامساق  تەركىبىدىكى  قوغۇشۇن  سېلېنىدنىڭ  ئوكسىدلىنىشقا  قارشى  تۇرۇش  رولى  بولغاچقا،  راكقا  قارشى  تۇرۇش  يېمەكلىكى  ھېسابلىنىدۇ.  ئەرلەر  سامساقنى  كۆپرەك  ئىستېمال  قىلسا،  ئۇ  ھەم  بەدەننى  كۈچەيتىدۇ.
7.  ۋىتامىن  C  مول  يېمەكلىكلەر  ئەرلەر  24  ياشتىن  ئاشقاندا  ئىسپېرمىنىڭ  سۈپىتى  ۋە  مىقدارى  تەدرىجىي  تۆۋەنلەشكە  باشلايدۇ.  ئامېرىكا  تېكساس  ئۇنىۋېرسىتېتى  تۇغۇت  بۆلۈمىنىڭ  پروفېسسورى  ۋىليام.  ھاررىسنىڭ  تەجرىبىسىدە  كۆرسىتىلىشىچە،  ھەر  كۈنى  1000mg  ۋىتامىن  C  ئىچىشنى  ئۇدا  60  كۈن  داۋاملاشتۇرسا،  ئىسپىرمىنىڭ  سانىنى  %60،  ھەرىكەتچانلىقىنى  %30  ئاشۇرىدىكەن.  ۋىتامىنC  يەنە  بۆرەك  ئۈستى  بېزى  كورتېنى  (بىر  خىل  بېسىمغا  قارشى  تۇرىدىغان  ھورمون)  نىڭ  ئاجرىلىپ  چىقىشىغا  ياردەم  بېرىپ،  ساغلاملىقنى  ئىلگىرى  سۈرىدىكەن.  چىلان،  بۆلجۈرگەن،  ئەبنوس  (子柿)،  كاللەكبەسەي،  قاپاق  مۇچ،  تۇرۇپ  كۆكى،  پېدىگەن،  ياڭيۇ،  تاتلىقياڭيۇ،  كۆك  چاي  قاتارلىقلاردا  ۋىتامىن  C  مول  .
8.  ۋىتامىن  B  تۈرىدىكىلەر  ئەرلەر  كۆپ  ھاللاردا  خىزمەت  بىلەن  بولۇپ  كېتىپ،  ياخشى  ئارام  ئالمايدۇ.  بۇنىڭ  بىلەن  پسىخىك  بېسىم  ئېشىپ  كېتىدۇ.  ۋىتامىن  B  تۈرىدىكىلەر  (  ۋىتامىن  B1،  B2،  B6،  B12)  ۋە  فولىك  كىسلاتاسى،  نىكوتىن  كىسلاتاسى  قاتارلىقلار  نېرۋا  سىستېمىسىنىڭ  مۇقىملىقىنى  قوغداپ،  ئېنېرگىيە  ئالمىشىشنى  ياخشىلاپ،  پسىخىك  بېسىمنى  يەڭگىللىتىدۇ.  بارلىق  دانلىق  زىرائەت  تۈرىدىكى  يېمەكلىكلەر،  گۈرۈچ،  گۈرۈچ  ئۈندۈرمىسى  قاتارلىقلاردا    ۋىتامىن  B  تۈرىدىكىلەر  مول.
9.  سۇ  ئادەم  مېڭىسىنىڭ  %75  ى  سۇ  بولۇپ،  سۇسىزلانسا  بىرىنچى  بولۇپ،  مېڭىگە  تەسىر  كۆرسىتىدۇ.  ئەرلەر  ئالدىراش  ۋاقىتلىرىدا  دائىم  سۇ  ئىچىشنى  ئۇنتۇپ  قالىدۇ.  ئەگەر  سوغۇق  ئىچىملىك  ياكى  شورپا  بىلەن  سۇ  تولۇقلىسا،  ئۇلارنىڭ  ئېنېرگىيىسى  يۇقىرى  بولغانلىقتىن،  ئاسانلا  سەمرىتىۋېتىدۇ.  شۇڭا،  تاماقنىڭ  ئالدى  -  كەينىدە  كۆپرەك  سۇ  ئىچىش  كېرەك.
10.  كۆك  چاي  (茶绿)  كۆك  چاي  تەركىبىدە  قېرىشنى  كېچىكتۈرىدىغان  كلۇنامىك  كىسلاتاسى،  ئىممۇنىتېت  كۈچىنى  ئاشۇرىدىغان  ئاسپاراگىنىك  كىسلاتاسى،  بەدەننى  كۈچلەندۈرىدىغان  ئامىنو  كىسلاتاسى  ۋە  ۋىتامىن  C  بار.  كۆك  چاي  يەنە  سۈيدۈكنى  راۋانلاشتۇرۇش  رولىغا  ئىگە.